1 Ano Yezu fá fé ó nódjó kpara dó máva ye bã: 2 Ó hi éte ngó dó hi rengó ngbóyi go meza ka Mozà. 3 Imele ditsia molimoli óngó nde tófã féyi, éngó bili tá, Imele téyi de bákáná ó méle téwó éte. Táno, ótéfá, ómele dé. 4 ó gbite ó tiri gbite, dé ná óanga fé ndjókpele kó kpara, Éngó bili tá á ndjándjáká féwuó ná zórõ ángá de lé kawuó. 5 Ó méle óngó no ndemini tóngóka ná shudha téwó fé ó kpara. Táno, óyó téwó dóngbe édé, dó ngbengbengele bóngó , 6 Ó kóndá bã óngbó égilano gó dã be, dó séké ná gilánó gó ngbè été ka Eme; 7 ó kóndá bã ó kpara bitsawó gó ó ngbengbe séké ; dó kpara bukawuó Rabuni Rabuni. 8 Éngó bili tá éyi, ibuka téyi bã Rabuni dé, táno éyi bé de ngámá bili, déyi ndemini bé dó ndáyi. 9 Ibhùka kpara bili wóyi dé; táno wóyi bé bili étukpé. 10 Ibhùka téyi ó hi shudha ngó dé, táno móró ná shudha ngó bé bili Yezu. 11 Ngbè kpara ésuga hi ngbó gã móró kitima kó bùye. 12 Ano kpara ná émetéyé étukpé ó du gãngi sidi, de nõ ngbó dhu téyé Sidi oya éme ngu étukpé. 13 Tsinga kayi ó hi été ngó dó hi rengó isala ! kókóró dé ité dhika ngbè kadjé ka Eme fé ó kpara nõ lè ná lé. 14 Tsinga kayi ó hi été ngó dó hi rengó isala! kókóró dé itegbóró gó té kó ndarase , áno ikuteyi ngbengbengele gó djila ó kpara bã itsia téyi jójó féwuó ; fé éngó no, ógbo gayi ndjándjáká. 15 Tsinga kayi ó hi été ngó dó hi rengó isala, kókóró dé ité dhókó féngu de fésalã tóngó ka ná dji guma kpara Sidi ngáyi, gó dhinga té kpara nõ dji téyéte no Imele bã kpara nõ koto énga mbelewa dó boshu ná gulu hi. 16 Tsinga kayi ó hi shudha kadjé kpi djila tifa: té kpara kolo sirika gó té Eme á de kókóró kitima; éngó bili tá, té kpara kolo sirika de óro gó té Eme, éngi hi téyé de sirika Kaye. 17 Ó mádobo dó mazibõ! Enè ngbengbe fé ékili ye, óro, soko été Eme ézóró óro? 18 Té kpara fá féyi tokana, kolo sirika fé meza ka Eme, á de kókóró ngó; éngó bili tá, té kpara kolo sirika gó máfõ fé meza ka Eme, éngi hi téyé de sirika Kaye. 19 Ó móró mazibõ! enè gulu fékilié, máfó , de meza ka Eme ézóró máfó? 20 Kpara no kolo sirika fé meza ka Eme éngi kolo sirika fé meza dóngó nde fé ndjóndjo; 21 Kpara ná kolo sirika gó té ka Eme éngi kolo sirika gó té ka Eme de kpara nõ ngbóngbó ka; 22 De kpara nõ kolo sirika étukpé éngi kolo sirika gó ngà má ka Eme de kpara nõ ngbóngbó ka. 23 Tinga fe yi, o iyete ngo de o farizayo isala! Kokoro de iteto bili fe ndjokpa na o djoro ngwa modere de matinda, engbo bili engo na ngbe ngali kote ko ngama te no etitiya ngbilingo, gugu guma fe ekilimo de ofanango. Aleke jojo ba ileke ongo kayi fekendi bakana mobeko ekoto, itsia ogarango kokoro de. 24 O mazibo, eme siri teye, tse gbiya ngulu. 25 Thinga ka yi, o iyètè ngo de o farizayo! kokoro dé, ite zoro rangbo kodho na vino de ngbo bala, gogo ndesi d'elhi : de koro. 26 Farizayo na mazibo! To fekendi nazoro go kodho kaye de bala, sidingana de go bubu ngbo sēsēlè. 27 Thinga kayi o iyètè ngo de o farizayo o isala! Kokoro dé, i bakaná ô bù mogó, engbò chile te e jójó ekilidjo, sono gogo esi de bike de no okpikpi de o zi e nde. 28 Eyi mini, ekilidjo, itia te yi bakana o ngbili kpara fe o gara, ta natsia go i, isi de o sisiti ngo. 29 Thinga kayi, o iyete ngo de o farizayo o isala! Kokoro de, ilulu te fe o mogo ka o profeta, te igo tere tokote mogo ka o ngbili kpara, 30 Te ite fa : te ano ngbo go dhinga ka o wo a, ano mele ba atike ngote o profeta de de wo. 31 Ite du timo fe yi be mele yi ba ide o djinga o kpara omomoro o profeta. 32 Indja kitima te o wo yi noto. 33 O kporo, yingili ka mbuma! I mele ga fe na kpe mbele wa? 34 Tongo kaka, ite tsia, ma tima fe yi o profeta, de o kpara ombela nakina de o iyete ngo. I moro ga o gara, i fuaga o gara go o sinagoga kayi, te i ndraga o gara go gbata nde, 35 Amele ga teye ba ngote ka o ngbili kpara fe to te fe yi, nato be de Abele ngbili kpara mbi go no na Zakariya, enga Barakia te imomoro esuga tempelo de meza ka Eme. 36 Mafa fe yi go ngbilingo, ongo no nde te ga fe ingili no. 37 Yeruzalema, Yeruzalema, engbo moro o profeta de engbo chite teme fe o no otitima, edo mbara fe male nabite go da seke bili o djinga mo, bakana ye engo engbo bite o djinga ye esa mbulaye, te ikunda nani de. 38 Itsia na, bakana ete kayi tse ga yi go mogo; 39 Tano, mate fa fe yi, itsia egambu ma de, mbi de iya fa: Eku ngu fe no engbo no de ele Ngama!