1 Yezu, eza li, elò fé wó tokana gó mayanga, efá : 2 Gongámá na kpé bakaná ngámá bili emele dini ebe fe enga e. 3 Etima o moró kitimá kaye obhuka o kpara té engi no bhubhukà, engó bili tā, oyò namanó. 4 Etima takana o moró kitimá kaye, efá, ifá fé wó bā : ititsia, mamele festo kámá, mamoro o bagara de o ngbengbe nó kárá, o é ndè kitó, inónó gó festo. 5 Nā tōtō gumá dé, oneké, nengune go yé, ne kà to dá franga kaye. 6 O gara zoro o moró kitimá, ómé wó, ómoró wó. 7 Ngámá ndjandjà, etima o kpara kaye, té o moró o imomoró no, té otsuru gbató kà wó. 8 Ano, efá fe o moró kitimá kaye, ebē ekoto i, tā okpara té anobhubhukà ngbò o no lelekè dé. 9 Ineneké fé zero de ibhukà go bē o no té imaka. 10 Ómoró kitimá kaye oya néké go o mbombo kadjé, oza o no té onomamakà, o siti kpara de o jo kpara, tā séké na bē eya sī de o kpara. 11 Ngámá lé tongóka nà tsia o kpara'ngbó fé meza, té engi tsia kpara bili kà, de bongò nà festo mámá. 12 Efá fengi : tabā má, monomelè dini fè nalé kine de bongò nà festo dé? Kpara no engbo bā bi. 13 Ano, ngámá fa fé ómoró kitimá kaye : izoro o lé engi de o kpa engi, de igbo engi go mbili biti ekilidjó, go dá séké nà kugbā de nà nyuma ligbotē. 14 Kokoró dé, nodjo obhuka wó, tenè olè wó. 15 Ano, o farizayo oneké nomà kadjé nàzà Yezu go o liye. 16 Otima edengi o mava wó de o Erodianà, ofá : Isuda, ambelà bā mode ngbilī kpara, bā moté sudha kadjé Emè go ngbilīngó, mo tōtō gumá mo té kpara dé, motitsà okparà té làndjò wó dé. 17 Fa fé a : a jójó na'sia pako kà Kaizaro? 18 Yezu, nàmbelà mandjāndjā kà wó, edù bā : tongó kà nè ité lē má, o isalà? 19 Isudhā fele franga té ité sia pako di. Té osudhā angá féngi. 20 Yezu eya yò wó bā : no de kulù dá de o ma' etè fé franga no? 21 Odù fengi bā a kà Kaizaro. Ano efá fe wó : Idù fe Kaizaro nò ngbo kà Kaizaro, de idù fe Emè nò ngbo kà Emè. 22 Nà tōtō gumá fé nò odjedjè, oya tse ngi, té oya néké. 23 Ga la kaka nno ,sadusiya ngbo fa ba masoko go kpi mama, ono sidinga yezu ,te oya yitandjo ngi. 24 Imachida ,mosa fa ba te kpara kpi engu zu djadji de ndandayi yaza wawara ,de ngu zu ta da ndayie ye . 25 So, ano ngbo esoga ondayi marazi. na ngilano eza worose ,te engi kpi bakana te ono zu odjadji de, te engi tse wwaraye fe ndayiye. 26 Amele teye beba fe na bhochu ,de na bata, mbi go na marazi. 27 sidi nganga ,te worose ya kpi. 28 masoko go kpi, eda esoga o marazi ngbo ga de worose ?tongo wo nde noza ngi. 29 Yezu edu fewo: imbela ngo de tongo, idje ngali eme jojo de, de djaka ka eme. 30 Denga, na mazoko go kpi, okomoko za ga oworose de , oworose za ga diri okomoko de , engo bili ta ongbo ga ta bakana o angelu ka eme etikpé. 31 Tongo ka no na mazoko go kpi , inó tanga nani engo te eme fa feyi de. 32 Ma de eme ka abarama ,eme ka izaka ta eme ka yakobo ,eme de eme na ma kpi de ,de na makowo. 33 Okpara ,engbo edje nde to ombambanga de machuda ka yezu. 34 Ofalisaya,to dje ba seke koto babi osadusiya ya bite te wo 35 bili kawo, ngbe kpara na motindo, ya go tadjo ngi, tongo ka nale ngi 36 Imachuda,le makpama le ngbengbe enye go motindo? 37 Yezu ya du: mokonda ngama kamo engbo te eme,de guma mo nde, de me kamo nde, ta de makina kamo nde. 38 Ade na gilanó de ngbe makpama. 39 Tsia na bhochu, dene emala te de na gilano :mokonda kilimo bakana te mongbo konda temo tete. 40 Omakpama bhochu ne eza o motindo de o profeta. 41 Bakana te o falisaya ngbo seke bili, Yezu eto yi tandjo wo , 42 Efa :ikina ne fe Kristi ? engi de da? oya ege fe ngi ba davidi. 43 Te Yezu efa fewo: tongo Kane davidi , me eyoko wo, obuka ingi ba ngama denga engi fa 44 Ngama efa ba ngama kama :ngbongbo go kokpama ,mbi denga te mamele de okpara eyala mo odoko esa lemo ? 45 Te davidi buka ingi bangama , engi ngbo ta enga ngi? 46 Kpara bili be fengi eli de. na toté go la nokpara bili no ngboyi tandjo engi de.