1 Go dhinga te okoto moli Yeruzalema, te oya koto go Betafazeya, fe eta na Oliva, Yezu eya tima o mava kaye bhochu, 2 efa fe wo : ineneke go mbo kote te egilano i ka, imaka ga dhongi o i engi de ke enga e, imburu wo, de ino de wo fe le. 3 Te kpara bili yita ndjo yi, idu ga bas : Ngama te yo anga. Go dhinga no engi ya tse ba ino di. 4 So, amele te e bakana te ngali o profeta efafa : 5 Ifa fe enga woruse na Siona : Tiana, Ngama kamo te no sidinga mo, de gu guma, fe dhongi, fe enga dhongi. 6 Omava oya neke, omele be bakana Yezu no fa tete fe wo. 7 Ono de dhongi de enga ye, oya o obongo fe ye, te oya o engi fefe. 8 Nodjo esuga libi o kpara osu o bongo ka wo fe kadje, o gara okolo o kpa lo, ogbo fe kadje. 9 O no egilano de o no sidinga Yezu ngbo wanga : Ozana fe enga Davidi! Eku ngu fe no engbo no de ele Ngama! Ozana go kpe. 10 Go dhinga engi ngbo le go Yeruzalema, gbata nde embambanga, te ongbo fa : no de da? 11 Libi o kpara no ngbo du : Ade Yezu, profeta, na Nazareta na Galileya. 12 Yezu eya le go te ka Eme. Eya like o kpara nde ongbo tikisi de no ongbo sia go ta Eme; Eya dji maza ka o idji pata, de o seke na mangbo ka o itikisi kurubu. 13 Te eya fa fe wo : a yete te e : ete kama ngbo ga ete na ku te ye fe Eme. Ta eyi, idji anga seke nawo he ka o morozi. 14 O mazibo de o maze o do te wo ede engi go te ka Eme. Te engi kowo wo. 15 So, o kpara ofo te wo de o iyete ngo o tsia te bakana na o ndanga kpara, natsia ongo te engi memele, de mbo djadji ongbo wanga go te Eme : Ozana fe enga Davidi! 16 Oya fa fengi : Mo te dje engo no ote fa no? Wo yi edu Yezu fe wo. Itangana ngatio o li no de : mo gbe maziba go mo mbo djadji de no ongbo ndjo eka? 17 Te, eya tse wo, ekoto ekilidjo gbata no tongoka na neke go Betania, engi la dini ka. 18 Fiyo, go djinga na go go gbata, eya dje gomo. 19 Eya tsia lo figi fe kadje, edo te ye ede anga; ta engi maka be kpakpa, te efa fengi : lelo sikidha koto de mo egalambu de! Be go dhinga no lo figi no eya oro. 20 O mava, natsia anga, ombambanga, te ofa : amele te ye fe ba lo figi no oro be titiane no? 21 Yezu eya du fe wo : ma te fa fe yi go ngbilingo, te ingbo de male de ite toto guma yi de no, imele ga be no ekokoto fe lo figi no de, ta go dhinga te iya fa fe ngbe eta no : ya so de moneke no te go ngbe ngu, aya mele te ye. 22 O e nde te iyo de male de lisambo, imaka ga. 23 Yezu eneke go tepelo, te, go dhinga te engi ngbo to ngali Eme ete, ogi na o kpara o fo te o de o diri kpara ono nofa fengi: go li ngama ne mote mele ongo no, te eda ato femo na ngbo fe o kpara? 24 Yezu edu fe wo: Ma yita ndjoyi diri; te idu fele no, te ma ya fa feyi fe ngama ka da mamele ongo no. 25 Batisimo ka Yoani, anga ya yo? Go etikpe, soko sidinga o kpara? Ta okina esuga wo; te a du: etikpe, engi fa feni: tongokane ano le enani engu de? 26 Te a du: sidinga o kpara, ate kpe libi o kpara no, tongo ote za Yoani bakana profeta. 27 Ano odu fe Yezu ba: ambela de. Te edji te ye efa: Ema gbeka mini, mafa feyi de ba go ngama ka da mamele ongo ne. 28 Ikina fe? Kpara bili ngbo de o djadji bhochu, elo ngo fe no na egilano, efa: enga ma, neke no mele kitima enane go eye na vino kama. 29 Edu: makunda de. Sidingana, edji guma e, te eya neke. 30 Te engi fa fe gara, be ngbolo ngo bili no. Te djadji du: male i, ngama. Te eya neke naye de. 31 Esuga wo bhochu eda amele malanga ka wo wo? Oya du: No na egilano. Te Yezu efa fe wo: mate fa feyi ngbilingo, o ilolo pata ka leta de moro waza lega fekendi feyi go Gongama ka Eme. 32 Tongo Yoani eno sidinga yi go ngbili kadje, te ile de engi de. Ta o ilolo pata ka leta de o moro waza ole de engi; te yi, itsia anga nde, idji ta o guma yi de tongoka na le engi. 33 Idjedje gara mayanga. Engbo de kpara bili, moro kote, elu eye vino. Te engi boso, edhika de gbaka, edjo du ngu, te elu ziriba ededele, elila vino etse fe kpara na mele kitima vino, etse gbata no eneke. 34 Go dhinga na egbe ngwa kolo ete, etima omoro kitima kaye sidinga o no ongbo lila vino no, tongoka naza ngwa vino kaye. 35 O no ongbo lila vino, ozoro o moro kitima no, o gbala bili, omoro gara, te o wike no na bata na bata teme. 36 Te engi tima tokana o gara moro kitima, nodjo, egulu fe o no na egilano no; te o kpara na lila vino omele wo be bakana ono na egilano. 37 Go nandja, etima fe wo enga ye, efa: o kpe ga enga ma. 38 Ta, go dhinga te o elila vino otsia djadji, ofa esuga wo : itsia enga moro kumuka no dene; inono, amoro engi, de aya za feni kumuka no nde. 39 Te oya i engi, ogbo engi ededele eye vino, te omoro engi. 40 Tiane, go dhinga te moro vino noga, engi melega o elila vino no fe? 41 Te odu fengi: engi moro ga wo nde, te engi to ga eye vino fe o gara kpara, ono ongbo to ga le vino go dhinga te engi yo ga. 42 Yezu efa fe wo: ino tanga ngali Eme nani de: Teme enani te o ilute toro, ekoto gina ngbe teme; Anga no de Ngama, ade gboko ngo go dhila yi? 43 Tongokana, mate fa feyi, Gongama ka Eme yiga esaka yi, te ato ga te ye fe o gara kpara, fe o gara yingili, otoga le mele wo. 44 No kpara etega fe teme no, engi gumaga teye, te no anga te ga fengi engi kpiga. 45 Sidinga nadje o mayanga no, o ngbengbe o ifo te wo de o farizayo oya mbela ba Yezu ngbo fa ongo tongo ka wo. 46 Te ongbo ma na i engi; ta ongbo kpe libi o pkara, tongo ongbo za engi bakana profata.