Ngbekpa 27

1 Be fiyò, o Farizayo de o ngbe kpara oto na ma kadje na moro Yezu. 2 Sidinga na i engi, oya neke dengi, te odu engi fe Poso Pilato, ngbe kpara na koté. 3 Ano Yuda, kpara eno mele ba o i engi, etsia ba ofa omoro engi, edji guma e, te eya dù o lékose bukpa bukpa bata fe o Farizayo de o ngbe kpara, 4 Eyá fa : mamele ligbiri, nàtekisi ngbilí kpara. Oya fa fengi : ade ngo kani mama; atsia be mo. 5 Yuda eya toro olékosè no go tepeló, eyá neké naye, eya i ngoro e ekpi. 6 O kpara ofo te wó ololo anga, te ofa : no de e na o go mazigá ka Emè mama, ade sele na ngotē. 7 Sidinga nakina fefe, oya sia de kose no eye ka o ifo kedhe, tongoka nazé o tō kpara. 8 Ade Tongokana eyé no ebhuka te ye eye na ngotē, mbi enane. 9 Tano amele te ye bakana efa profeta Yeremia : oya za olékosè bukpa bukpa bata, sele ka ngbilí kpara, ofa ba ade ka o djadji na Izraelita; 10 Te oya to anga fe eyé ka o ifo kedhe, baka te Ngámá no fa fe má. 11 Yezu eyá koto igila ngbe ngamá na koté. Ngámá eyá yī engi, ba : mode ngamá ka o Yuda? Yezu eyá dù fengi : mofa be ye. 12 Ta so, engi dù li dangala dé fé li ka o Farizayo de o ngbe kpara na koté. 13 Tano Pilato efa : Modje dé bakana o te ho mo? 14 Te Yezu no dù nani fe engi eli bili dé fé o ngo no, engi no embanga ta ngamá mele ye. 15 Go o fasto nde, ngamá ngbo dini tse moro ku bili, no te libi o kpara ngbo yō. 16 Moro ku bili ngbo dini so, d'elé ba Barabasi. 17 Bakana ono ngbo da seke bili, Pilato efa fe wo : Barabasi de Yezu, no ongbo bhuka Kirisitu, ilingi ba matse da? 18 So engi mbela dini ho Yezu go foli. 19 Go dhinga te eya ngbo daye, wara ye efa fengi : engi bili ngbo mama esuga mo de ngbilí kpara no; enane, kote ma ke go lotò tongoka kpara no. 20 O ifo te wó de o ngbe kpara na koté ofa fe libi o kpara no ba oyò be Barabasi, omele ba Yezu kpi. 21 Ngámá eyá za li, efa fe wo : esuga o kpara bhochu no, matse da? Oya dù ba : Barabasi. 22 Pilato efa fe wo : mamele ne ta de Yezu, ongbo bhuka Kirisitu? Wó nde oya dù : gbala engi fe kurusu. 23 Guverenere eyá fa : he siti ngo ne engi mele? Te owanga tokana : gbala engi! 24 Pilato, natsia ba ongbo kpe e bili dé, ba o kpara ngbo be no, eza ngu, ezoro kpa e go dila libi o kpara, te engi fá : Ma de ngo mama tongoka ngotē ka ngbilí kpara no. Ade engo kayi. 25 Tano o kpara odu : ngotē kangi te ga fé a de o djadji ka a! 26 Tano Pilato eyá tse kpa te Barabasi; té sidinga na me Yezu, eyá tse engi ba ogbalà engi. 27 Ô soda ka guverenere obe Yezu ekilidjó, odji te so ede engi nodjo. 28 Oya gbe bongo te engi, te omba engi de o mbé bongò. 29 Te ogbe siki nati, oya o anga go ndjo engi, té oto bakete go kpa engi na komoko, tokana, oya gbukuma egilano engi, ongbo mo engi, ongbo fa : modhokoyi, ngamá ka o Yuda! 30 Ongbo tore ngusu t'engi, ongbo za bakete no omé di engi fe ndjo. 31 Sidinga na mó engi, o Emè ngbeti de engi, omba engi de bongo kaye, te eya neké tongoka na gbala engi. 32 Go denga o ngbo koto te o makakpara na sirene elengu ba simoni ozoro engu ba engi be kurusu ka yezu . 33 Okoto go seke obuka ba gologota ,no fa ba bike djo kpara . 34 Oto fe yezu fande soso toka na le ngu engu djo de 35 Ogbo ngu go kuruse oza bongo kangu te ome te wutu na makuta toe ogafa bongo kangu , 36 Sidinga ngo no ongbo tongo ka na lila ngu . 37 O ete go ndjo kuruse kangu djo kpi kangu ba yezu de ne ngama ka oyuda . 38 Ozoro mini okpara nazi omrozi ongbo bhochu go djo kuruse ede yezu gara go kokpa gara go gale . 39 okpara engbo gulu te kadje o te tsiya yezu ote siri ngu ote yike ndjowo . 40 Ongbo fa ,mongbo fa ba , mo moro gambi ete ka eme mo lu sidinga kini bata kowlo temo te mo fano enga eme . 41 Ongbengbe okpara ka eme esuda ngo ka eme ongbo fa ba. 42 Ingi nongbo kowlo kpara engi kowlo na teye ingi no o male kaye tenga wo ye . 43 Engi fa ba ni enga eme ni tsiya tsiyane te wo ngu kowlo engu tongo engi de enga eme. 44 Mbi omorozi ngbo mo ngi mini 45 Na to go denga no ono gbo ngu go kuruse na go denga na midi mbi go sa bata mbili biti ezoro sala bada . 46 Yezu ewanga go djaka li : eli eli lamasabakani ! no fa ba eme eme kara mo tse ma tongo kane ? 47 Ogara okpara olo ngengele ongbo tsiya ono dje li ngu to fa .engu te buka eliya . 48 Soga okpara bhochu ego woro eza kala bongo e o go fande eza kekere e o go djodjo ba engi ndjo .tengi tsiya kokoro engi ndjo de . 49 Ni ngbo na na tsiya ba eliya no tsiyane no kowlo . 50 Yezu ewanga ndjandjaka te ngi kolo guma ye. 51 Go denga no ngbe bongo te ngbo dika di lotalo na tepelo ta ba toye na to tikpe mbi kito .eto yike te oteme babala tewo . 52 te omogo otewo okpara enokpikpi te ozoko 53 Ono koto mogo kawo de enga me ole go kote satu 54 Ongama ko soda de ongama na roma ongbo tsiya lilita ka yezu onotsiya mayike na de ogara ngo lilibi anomele gola no te tsoro mele wo tolo yezu nongbo fano enga eme . 55 Go lilita o worose no ngbo ka ono fata nga yezu tongo ka na ku tsenga de na gamisi ngu . 56 Esoga wo nongbo mariya magalena ,mariya ,ye yakobo de yosefu de yiye odinga zebedeyo . 57 Ano koto etambogo be go la no moro kumuka elengu ba yosefu arimatere engi ngbo mini mava yezu . 58 Engi neke te nga pilato na ko yezu ba na neke noze ngu te pilato ya le . 59 Yosefu eza ko yezu tongbo na ze ngu . 60 Yosefu eze ngu go to mogo ono ze kpara go de. 61 Mariya na magadala de gara mariya ono ngbo ka etsiya mogo . 62 Kele gambi fiyo anga nongbo ela sidi naleke ongbengbe kpara de o farizayo oneke sisinga pilato. 63 to fa ba ,ngama akina ngali moro wu engi no fa ba teni kpi sidinga kini bata nizoko go kpi 64 Ayo ba mogo no olila anga mbi sidinga kini bata tongo omava no zi ko ngu to ya fa fe okpara ba engi zoko go kpi ne engbo mele ga te sidi ne nye ga ta fe na gilano. 65 Pilato efa fewo ineneke nomele bakana teyi fa te tongo no teyi no dje . 66 Te oneke te oboso mogo ndjaka de teme te olila anga .