1 Go dhinga no, ngama Hérode eyá djè otelõngo ka Yezu, ya fá fé ó móró kitima Kaye: bã a de Yoani Batista! 2 Éngu zoko Sidi nga kpi, a deno tengu tengu méle ete ó kpakpala ngó. 3 Táno Hérode no memele bã ómóró Yoani, té ó hingi go ku tóká Herodiya wara Filipo ndayié, 4 Kókóró dé Yoani fá féngu: Ano lingita de gbangu tsiangu bákáná wuruse. 5 Éngi kóndá bã nimoro ngu, éngó bili tá éngi ngbó de tsóró fé ó libi kpara, kókóró dé éngi ngbó tsia Yoani bákáná profeta. 6 Bagini dhinga tóngbó zébã éla na mázù ka Hérode, énga wuruse ka Herodiya élõbè esuga gó Kpara óno go da be, té aleke fé Hérode, 7 Bákáná tengu fá té de mále bã óto féngu no tengu yõgã. 8 Tengu djè li yiyié téngi fá bã: tofele kine go by gato ndjo Yoani. 9 Ngámá ngbó de tsinga, éngó bili tá, tóngó ka sirika Kaye fé ó kpara, tengu tó liye bã Itó féngu, 10 Tengu tima bã ókokolo ndjo Yoani go ku. 11 Tóya be ndjongu go gato té ónodi to fé énga wuruse, tengu yato fé yiyié. 12 Ó máva Yoani yaza kóngu, tóya zéngu. Tóya néké nófa fé Yezu. 13 Na djè tóngó no, Yezu ya lé go zabu tokana doteye ngengele go égo; té ó libi kpara dje, to fata ngangu go Gbata de léó. 14 Do dhinga tengu koto été go zabu, tengu tsia ó libi kpara, tengu djè Tsinga go gumá ye, ya to na kowo ó móró kõ. 15 Tambilago ekoto, ó máva ódo téwó edengu, tó fá bã: séké ne dégó, té dhinga nékéyi, dudu ó libi kpara dogo gbawó tóngó nasiya ó hé na mazo. 16 Yezu du féwuó: ókonda na néké ikoté dé, ito féwuó ó hé na mazo bi nékéyi. 17 Éngó bili tá ófa féngi: abisene de mále buleve de sungu boshu. 18 Tengu fá: ibé nodi féle. 19 Éngi koto té ó libi kpara ngbó fé suguru, eza mapa buleve de sungu boshu, tengu eme djila ye étukpé, tengu to garasia. Sidi nganga, tengu hõ mapa de nato fé ómava bã óto to fé ó libi kpara. 20 Ó kpara nde zó té ósika, té ó gara óbé mbura bukpa de téyé boshu gbe de zó no titiga. 21 Ó kpara nozo zó ngbó bakana o komoko koto buleve na eme o wuruse de o djadji. 22 Tsi tsiana, sidi nganga tengu fá fé ó máva ye bã óleleke zabu dó yagulu egilanó féngu go gara fangarangadi, go dhinga té éngi ngbó du ó libi kpara. 23 Go dhinga té éngi du été ó libi kpara nõ, éngu ya lé fé tà , tongo ka ná ku teye ededele; báka te tambelago ngbo ekoto été , éngi ngbó bi kpikpi kaye. 24 Zabu ta eto ngbe ngu, ndjaka wavi eme zabu fangara ngadi. 25 Go biti na bala, Yezu eneke sidi nga wuó, nánoko fé ngbè ngu. 26 Go dhinga té ó máva tsia ngu noko fe ngbe ngu, toto na mbambanga tofa : a de kulu Kpara! Go bu tsóró kawuó, óto na wánga. 27 Yezu fá féwuó: igugu gumayi, a be dema, ingbo de tsóró fé. 28 Petelo du féngu: Ngámá, tangbó de mó, fá bã máno Sidi ngamo fé éngu! 29 Tengu fa ba : Nõnó! Petero ekoto go zabu, tengu to na dhoko fengu, tongo ka naneke sidi nga Yezu. 30 Engo bili ta, na tsia ba wavi ngbo ndjandjaka, te tsoro lé tengu, bakana tengu to nalinda ete, tengu wanga: Ngámá, kókóró má. 31 Te Yezu to kpaye, tengu zorongu, yafa: komoko na mbo mále,molé dé tóngó kanè? 32 Tóyalé go zabu, té wavi ndjia. 33 Óno óngbóngbó go zabu ónéké nogbukuma egila Yezu, tófã: Move de énga Eme fanó. 34 Sidi nga nakolo ngbè ngu no, tóya néké go Genezareta. 35 Ó kpara na kóté no, na mbela Yezu, óya tima óli go ó séké nde, tóya bé féngu ó móró kõ. 36 Tengu fa fewuo de omofo mó bóngó kangu. Té ónodi nde óngbó mofo óya kowo.