Ngbekpa 13

1 Bigo tano, Yezu eya go ete, ekoto, enbgo edele ngbengu. 2 Nodjo kpara ongbo ede engu mini, engi le go zabu, engbo. Libi o kpara onbo edengu. 3 Engi fa go mayanga olibiongo, tengi yafa : 4 Eluye ekoto tokanalu ohi,bakan tengu eluete , tengi azo eteedele kadje: elibi elu okoto, oya zo. 5 Gara ete go seke na tem, gara go seke to ngbo jojo ama: tango kho bigo dhinga no, tongo engi maka jo eto de; 6 Engo bilinta dhinga ela koto ete, tanga oro tengu tsuru, selo angbo jojo de. 7 Gara nguwa ete go oti: o etito etakangi. 8 Gara ate go jo eto: aya to lelo, nguwa kama tuku sita, gara tuku misato. 9 Kpara ngbo de dje dengu dje. 10 O mava okoto moli, oya fa: tango ne mofa go mayanga? 11 Yezu eya du fewo: kokoro de kpara ato teye mbila ongo namawo go ngama na tukpe, ano to teye fewo de. 12 Tongo oto fe kpara engo ngbodi, engi kotodi nodjo, engo bili ta no kpara engu ngbo di ama, o eme nono tngi ngbo dina. 13 Anga dilo malo fewo go mayanga, tongo otsia bakana otsia de, teye na dje, odje bakana o dje de. 14 Anga fewo ngali profeta Isaya alingita teye yi: Idje go djeyi bakana odje d, itsia go djil bakana o tsia de. 15 Dhinga o guma ka kpara siti, to dhika dje wo, odhika djilawo, de makpe otsia djilawo be odje mele bigo guma wo, dho dji guma wo, adine makowo wo. 16 Engo ili ta tsila go djilayi, toka matsia, de djeyi, ate dje. 17 Mafa feyi go ngbilingo, nodjo profeta ede o jo kpara ogele mbila na tsia, o hino otsia de, djengo no ite dje, engi dje nade. 18 Eyi nde, dje nodjo ngo na elu go mayanga. 19 Go dhinga kpara je ngali go ngama embela ngo de, o kpara na siti makina koto Eme ohi o lu go guma engu: kpara no de kpara elu go edele kadje. 20 Kpara eza nguwa na malu go seke na teme, kpara idje ngali engi za ndalo go djadja; 21 Engo bili ta selo kaye bili mama, engi yanga de, ano, dhinga ekoto go ma gala tinga ngali Eme, engi tey fano. 22 Kpara emaka nguwa esuga oti, engi kpara ngbo dje ngali, engo bili ta makina de djadja na kito na kumuka eme ngali Eme go gumaye. 23 Kpara maka nguwa go joeto, engi de kpara dje ngali Eme na mbila; engi maka jo lelo, ade guma koto, kama gara tuku sita, na gara tuku misato. 24 Engi gele ba ilongo go mayanga, engi fa: go ngama na tukpe abakana kpara elu jo nguwa go eye kangu. 25 Engo bili ta, go dhinga kpara la ete, siti kpara koto lu o hi go siti suguru eya neke. 26 Go dhinga jo elo akoto ete, siti suguru koto ndalo. 27 O moro kitima na ete ka ngama ofa fengi: ngama mo elu jo o hi go ye komo de? Siti suguru no ya tayo? 28 Engu du fewo ba: siti kpara, engi mele engo no mele, o moro kitima oya fa: mokonda ba oneke gboro? 29 Ba de, engi fa fewo, go dhinga magboro suguru ete mogbeke elu ndalo. 30 Itse aga seke bili mbi oya kokolo go dhinga na makolo, mafa ba: gboro siti suguru fekendi, moya tsuru, engo bili ta seke bili go kafa kama. 31 Tengu ya fa fewuo gara mayanga tengi fa: go ngama na étukpé amala teye de nguwa ngbongbo te komoko bili eza te ngula goye kaye. 32 A deanga mbo nguwa na malu; engo bili ta, go dhinga tengu ngbokena angbo anefe kpedekpede de nakoto bakana elo, tongokanolu na tukpe ngbó etena fe o yayakpa. 33 Tengu ya fa fewuo gara mayanga: go ngama na tukpe anga malateye de toma te wuruse bili ngbo za miziri bata o go zuye, bite kambe ya emeteye. 34 Yezu yafa fe o libi kpara ongo nde be go mayanga, tengu ya tse nafa go mayanga, 35 Sidi nganga daya mele teye bakana te o profeta fanani ete: ma o ga mora go mayanga, mamburuga ongo wotewo bakana eto meleanani teyetena. 36 Ano sidi nga na du o libi kpara, tengu ya le gote. o mava ye dotewo edengu, tofa: shudha fea mayanga na lela ngbongbo guye. 37 Tengu ya du: kpara ngbo lu jo nguwa, a de enga kpara; 38 Eye ,detó; jo nguwa , a de odjadji na go ngama; lela ngbongbo , a de odjadji na moro ewu; 39 Moro siti guma eluanga de gbongwa; mawa, a de matata na molongo; o moro na mawa do anzelu. 40 Tongo, bakana togboro sugu keno to toro go wa, anga ngbo beba go matata na molongo. 41 Enga kpara timaga o anzelu, togboroga go ngama kaye o kpara nde ngbo kere de ono ngbo mele ligbiri: 42 Tengu ya toroga wuo go djuwa engbo ndjandjaka, go da seke na gba de nazo te. 43 Go dhinga no o kpara na bula ngbo ga etsi bala go ngama ka wo wuo. Te kpara ngbo na dje nadje dengu dje. 44 Go ngama na tukpe anga tokana mala teye bakana kumuka na mawo gó yé . Kpara emakangu tenguwo; go lidjadja kangu, tengu tikisio hé nde tengi ngbodi,sidinganga tengu ya sia eye. 45 Go ngama na kpe amala teye tokana baka kpara na tikisi ó hé ngbo ma o jojo teme. 46 Engu maka teme bili ngbengbe de ndjaka gba; engu ya neke notikisi o he nde tengi ngbodi, tengi ya sia teme no. 47 Go ngama na tukpe amala teye tokana de fiyo bili te o toro anga go ngu teya tsó ó ndanga do jo sungu nde. 48 Ghinga tasiete, ó makangó ya gbeke wuó; tenganga,toya gbeke ededele ngu, té ó tó na ho ibu mbura ono ngbo jojo de na toro o sisitina. 49 Anga ngboga beba go matata na molongo. O anzelu nó ga náyē ó móró ndjándjá dó móró bhùla, 50 te o toroga wuó go du na mangiya de, sõ angbogaka de gba de názó téme. 51 Idje dingangó noyi jojo? Tó ya dù, wóyi. 52 Tengu ya fa féwuó: kókóró dé, hi éte ngó nde na mbela de natsia go ngámá na tukpé emala teye de móró kóté bili éngi ngbó go kumuka Kaye ó tõ ngó dó diri ngó. 53 Go dhinga té Yezu ndjiate nálõ ó mayanga no, téngi ya sõ. 54 Dhinga tengi kotote go gó Kaye,éngi ngbó to ngáli Eme go sinagoga, go dhinga té óngbó djè éngi té no té ó to na mbanga téofa: makiná bã de ó ngationgó bã éngi yadi yó? 55 A déngu de énga foro hé? Mariya meleye de yiyié de? Yakobo, Yozefu, Simoni de Yuda, ó dó ndayié dé? 56 Dó ndayié wuruse ó nde isuga ha de? Engu ya yo dongatiango ba? 57 Ano engu ngbonani féwuó bakana kadjé na máté. Éngó bili tá Yezu yafa féwuó: ó lèlè profeta bili be gótó Kaye de gbangu. 58 Téngu méle ö nódjó ngó gó séké no dé , tóngóka ndjaka guma káwuó.