Ngbekpa 12

1 Go dhinga no; Yezu ngbó gulu go bu yé na ndala má ó kpara go kini na sabata. Ó máva ye ngbó de gomó, té óto na gboro ndo ezo. 2 ó Farisaya, Natsia bã tófã féngu: tsia, ó máva mó emele engo ngbongbo de na mele go kini ka Eme. 3 Engo bili ta Yezu du fewo: itanga enani de ba dhinga te Davidi dje gomo ete engu de o mava ye; 4 Engu nole go te ka Eme enozo mokate. Te o kina de na mamele de mazo enonbgo de dengu eno oteye be fe o Kpara ka Eme. 5 Ino tanga go buku na rengo de ba kini ka Eme o kpara ka Eme no gulu fe koni ka Eme o te ka Eme na mbela de ba nitongo de. 6 Mafa feyi ba, anga sene o dinga he ngbengbe enye fe ete ka Eme. 7 Te imbela ba: maza jojongo fe okpara na guma na tsinga de o mava kama o hi ga tongo de no. 8 Ano enga Eme de ngama na sabata. 9 Nayaka, Yezu ya le go ngbe té ka Eme. 10 De itsia, engu maka kpara bili komoko de óró kpaye. Toyi tandjo Yezu ba: aleke nde nakowo kpara go sabata? Anongbo de kadje na fóngu. 11 Téngi du féwuó: éda esugayi engbó bi de enó na malilá bili tengu noté go du go sabata, mó néké de ngbè ngu go du? 12 Edo fé ngbè kpara enye fé ngbè no jó kadjo kaha bã kpara méle jóngó go sabata. 13 Éngi fa fé kpara no: tima kpamo. Éngu ya tima kpaye, té kpangu ekowo bákáná gara no. 14 Ó farisaya ya koto, tokina bã ani méle fè na móró ngu. 15 Éngó bili tá Yezu na mbela bã, éngu ya yia go séké no. ó libi kpara tó na fata ngangu. Éngu kowo ó móró kõ nde, 16 Tá éngu yoko wó ndjándjáká bã éngu ngbó de dã, 17 Ánóngbó bã tóngó kana Rhonda éngó té profeta Isaya fánani: 18 Tsia móró kitima kama té malólo, ndáyi té má hõ guwama. Má hõ ga sipiritu kama féngu, éngu fága bùla fé ó kpara. 19 Kpara djè ga wiwingu de, Kpara djè ga lingu de té ókadjé. 20 Éngu goma ga Kpara enyoko no dé, éngu móró ga tala efa bã nikpi makpi no dé, éngi méle bã tóká na ló fé bùla. 21 Té ó kóté nde hõ ga gumawo fé ndjongu. 22 Onó de móró gbongwa mazibõ bili ngbó ló de Sidi nga Yezu, té Yezu kowo Kpara no, téngi tó na ló de na tsia. 23 O libi kpara to na mbambanga tofa: engi denga Davidi de? 24 O Farisaya nadje ba, tofa: kpara no like ogbongwa te ele Belezebula, ngama kogbongwa. 25 Baka te Yezu mbela ete bano, engi fa fewuo: ongama nde dokpara kawuo egogo esuga ono mandia kawuo de kpi kote nde de okpara nde ongbo egogo esuga ono mandia kawuo o lolo de. 26 Te gbongwa like gbongwa, engi like teye kpikpi kaye, ngama kangu lo ga fe? 27 Tangbo de ma, ba malike ogbongwa de wo Belezebula, odjingayi, omelega fe? Ano tongo kane ongboga ozuzi kayi. 28 Engo bilita, tangbo ba ade sipiritu ka Emedeno malike di ogbongwa no, go ngama ka Eme noyi feyi. 29 Kpara lingita fé na lé gote ka komoko bili tongoka nagboro kumuka kaye, go dhinga to hina ndjaka komoko no de? Ano engu gboro ga kumuka gote kangu. 30 No kpara enbgo de ma mama engu yala ma, no kpara engbo dema mama dengu misa. 31 Busisi mafa feyi ba: makonda nde do siti ngo saboliga teye fe o kpara nde, engo bili ta siti ngo toka sipiritu sabolaga teye de. 32 Kpara nasiri Enga Eme, engu zaga saboli; engo bili ta kpara nasiri Sipiritu Santu, zaga saboli de go dhinga ne de go dhinga no ngbo nono. 33 Ofa ba elo jojo de lele jojo, ofa ba elo meleye jojo ba lele sisiti; bakana nimbela elo de lele. 34 Eyi odjinga mboma, ifa ga o jojo ngo go ndenge ne, ondjandja kpara bakana yi? Dhinga o nodjo ngo te guma no te emo fa. 35 Jo kpara gbeke o jongo sidi nga kitima kaye. 36 Mafa feyi: dhinga nakolo ngo, o futi ga o kpara na fata ngali wo de kitima tomemele. 37 Tongo ka ngaliyi, igbo ga de hi iga teyi. 38 Tene esuga o hi ete ngo dofarisaya za ngali tofa: Ngama, nikonda ba momele ngbengbe ngo feha. 39 Tengu du fewo: ndjandja mbembe domoro gbama iyo ngbengbe ngo; angboga beno amelenani te profeta Yona. 40 Tongo, Yona nomele kini bata de biti bata go bu ngbe sungu bili, beba enga kpara melega kini bata de biti bata esa to. 41 O komoko na Ninive yaga étukpé go dhinga na gbo ngo, de mabebe no o hi ga wo, kókóró dé o nole ngali Yona; de tsia, asene o gara de Yona. 42 Ngámá na Midi yága go dhinga na gbo ngó, de mabebe hi gawo, kókóró dé ó séké nde na to ó djè makiná ka Salomoni , de itsia, ó gara de Salomoni. 43 Dhinga te gbongwa ekotote te komoko no, engi ma seke ningbo fe teye, engi maka de. 44 Sono engu fa ba: mago ga sidi gote kama manokoto enani ete; go dhinga tengi koto ete, engu maka kote kokoro, okpa makpa te o leke jojo. 45 Engu neke, tengu za o gara gbongwa marazi nongbo ndjandja fengi; tole gote, tongbo ka, te mobeko kangu ngbo ndjandjaka na gulu no na gilano. Angbo ga beba fe ndjandja mabebe no. 46 Baka te Yezu ngbo lo ete de o libi kpara no, ano, yiyié do ndayié, nongbo ekilidjo, ongbo ma nalongo dengu. 47 Kpara bili fa fengu: titsia, yimo do ndayimo ekilodjo, oma nalongo demo. 48 Engo bili ta Yezu du fe kpara no ngbo longo sidi nga ngu: Yima deda, do ndayima? 49 Sidi nganga, engi eme kpaye fe o mava ye tengu fa: titsia yima dondayima. 50 Ano, kpara namele ngo ka wora nongbo étukpé, kpara no de ndayima, tsangbase de yira.