NGBEKPA 11

1 Denga Yezu endjiya te nató na sudango fe Omava ye bukpa de fe bhochu, te mele so, no suda de naefa ngali eme go ô gbata na kote. 2 Yowane, go te ku edje Ote fa ojongo ka kristu, tengi toma ô mava ye ba oyi: 3 Mo be de no tono, fa bamo teno soko nibiti nga gara kpara? 4 Te Yezu edu fewo :ineke no fa fe Yowane engo te idje de no te otsiya: 5 O Moro mazibo te tsiaya , o Moro maze te edoko, o Moro gbole ekoto mgbee, o moro dikadje te dje, o ikpikpi te zoko ,go denga no ngali eme ti doko sidinga okokoro kpara. 6 Zongo fe kpara te mangbo fe ngi de kadje na mate! 7 Denga to neke ete, yezu tona fa fe olibi kpara , fe engo tsiya yowane: ineke no tsiya go go? Bakana te wavi time te gbaka ? 8 Engo bili ta ineke notsiya ne ? komoko bili eyoteye Jo bongo ? itsitsiya ô kpara engbo eyo Jo bongo ô ngbongbo go te ka ô ngama . 9 Ino neke no tsiya ne profeta? woyi, mafa feyi ,ba manye fe profeta. 10 Tongo engi o ete: tsiyana matima matima kama kangamo, ba denga leke kadje femo sidinga ngama. 11 Ma fa feyi ngbilingo ,esoga odjadji te oworose ezuzu ,djadji bili mama egulu fe Yowane batisita .be no ngbo go ngama na tikpe ebe ngaye enye fe gnu. 12 Bakana atoteye denga ka Yowane batisita mbi enane, ekpe eyikeyi tongo omoro djanga ele mele wo. 13 Oprofeta bakpa de orengo olo mbi denga kayowane; 14 te ilingi na embela engu ye te eliya fa ba engu 15 kpara engbo de dje de engu dje 16 Okpara na nane bakana oda ?obakana odjadji ongbo go da poso , eneke wutu, 17 Ma fa feyi mame ngabi, ilobe de ;mayo djenga iku gba de. 18 Tongo Yowane nono,engi ngbo Zoe de edjo fande, o fa ba ngu de gbongwa. 19 Ema enga kpara mano, ma te Zoe , edjo fande ; o fa ba ma de Moro elé Moro fande ba ma dje tema de ositi kpara made ekiliye wo.bagini kera echido teé go kitima ka ngu. 20 Sidi te Yezu eto na kpeke fe gbata notsiya okpakala ngo, tongo odji guma wo de. 21 tsenga kamo korazini, tsenga kamo betasayida, tongo o ndjaka o kpakala ngo eno emele te singa yi ta mele te ba go tire de go sidona ba o dji guma woyi na eyó beré de furu embé 22 Busi ma fa feyi denga na kolo ngo,tire desidona engo kawo ngbo . 23 Emo kafaranauma,mole etikpe? ewu moko kito mbii kini na kpi tongo kpakala ngo eno mele teé gbamo ta mele teé ba go sodomo,ba mbii enane ba ngu lado 24 Busi ma fa feyi: denga na kolo,kote na sodomo ngbo ga kito. 25 Go denga ,te Yezu eza eli te ngu fa: Ema mazeba mo, baba , ngama na tikpe de na kito, tongo mowo ongo fe ongbengbe kpara de o imakina ngo, te ngo echido fe odjadji 26 wo yi, baba,Ema mzeba Bakana temo le ba. 27 wora eto fele o e ba kpa, kpara embela, be ewo de kpara mama embela ewo be djadji de no kpara te djadji esuda . 28 Ino sidingara eyi okpara ndala , Ife teyi 29 Izoro djema de Iza engo kama tongo ma gugu guma na kito de imaka mafe te guma. 30 Tongo djema gugu, gbiye kama tiri.