Ngbekpa 15

1 Ano o Farizayo de o i yete ngo ono go Yeruzalema ede Yezu, te ofá : 2 Tongokane o mavamo odji o diri ngo ka o kondu a? Ozoro kpa wó de tongoka nazo. 3 Edu fe wo : ata eyi, Tongokane ite o ndjaka ndjo fe ongo ka Emè tongoka o diri ngo kayi? 4 Emè efa : Kpe wo no de yi mo; ba : te kpara to siti ngali fe wo engi de ye engi, o moro engi. 5 Ta eyi, ifa : te kpara fa fe wo engi de ye engi : e te mafa ba mato fe mo, mato anga fe Emè. Anga jójó. 6 I te dji ngali Emè tongoka o diri kobo kayi. 7 Isala, Isaya efa feyi ba : 8 O kpara no te bebe ngo kama be go mo wó, ta go guma wó, wó ngengele ma. 9 Mabebe ma wo no de zero, o te suda makpama no engbo ka o kpara. 10 Eyá bhuka libi o kpara, efa : Idje de i o go ndjo i. 11 Ade no engbo le go bu angbo siti kpara; ta no engbo koto go bu siti kpara mele ye. 12 Omavangi ono ede engi, ofa : mombela ba o Farizayo ngbo kpe, de oli te ongbo dje no? 13 Engi du fe wo : elö elu wó ma go kpe de no, egbe ga te e be mele ye. 14 Itsetse wó : ade o mazibo deno ote gbeke te so; te mazibo ngbo gbeke mazibo, ote ga go dú. 15 Petero, eza li, efa : dji fe a mayanga no. 16 Te Yezu fa : Eyi mini, Imbela nakina ngo dé? 17 Imbela de ba no engbo gulu go mo no engbo neké go bu, te aya toro teye go seke o titsia dé? 18 Ta no engbo koto go mo eya be go guma, ano engbo siti kpara. 19 Ta go guma engbo koto o siti nakina, no namoro o kpara, no na waza, ezi, gbama, na dji ele o kpara. 20 Ade ono engbo siti kpara; nazoro kpa de tongoka nazo, engbo siti kpara dé. 21 Yezu eya koto so, eya neke go Tire de go Sidona. 22 Te worose bili na Kanana, eno de ede ngu, eya wanga fengi : dje guma tsenga fe ma, Ngama, enga Davidi! Enga ma na worose edengesa teye esaka gbongwa. 23 Engi du fengi engo bili de, te o mavangi odo te wo ede engi, te olifila na ye tengi : Fa fengi engo ba engi ya neke, tongo engi te wanga sidingani. 24 Eya du fe wo : mano enani fe ono na matsi no engingita go te ka Izarayele. 25 Ta worose no eno no gbukuma te e egilano, efa : Ngama, gamisi ma! 26 Eya du : a jojo mama naza bala gbanda ka o djadji, etoro fe o dinga boro. 27 Woyi, Ngama, efa engi, ta o dinga boro ongbo zozo be no engbo te esa meza ka moro ye. 28 Tano Yezu eya du fengi : worose, male kamo ngbengbe; amele te e bakana mo yo tete. Te be go dhinga na, enga worose no ekowo. 29 Yezu eya ya go da seke no, eneke ede ngbe ngu na Galileya. Te engi le fe ngbe ta, eya ngbo kito. 30 Tano libi o kpara ono ede engi, obe o kpara na maze, o mazibo, o loba de o moro ko nodjo. Oya o wo ede le engi, te eya kowo wo. 31 Libi o kparo no ngbo de lidjadja natsia ba : o ndayi wo oto na lo ngo, ote dhoko, etia mbara, o mangbungbu te dje, o aloba o eme to wo odhoko,te oto nazeba Ele Eme na Izarayele. 32 Yezu ebhuka o mava kaye, efa fe wo: masi de guma tsenga fe libi o kpara no, kokoro de omele yi ola bata ede ma, te ode e na mazo mama. Madu wo tokana de gomo de, na kpe ba wo wo za fe kadje. 33 O mava fe fengi : amaka ta ezo go oroda seke ne yo tongoka na to fe libi o kpara ba? 34 Yezu eyi tandjo wo : ide de o bala gbanda so fe? Oya du fengi ba : marazi de o mbombo sungu. 35 Tano, eya fa fe libi o kpara no ba ongbo kito. 36 Eya za o bala gbanda de o sungu no, te, sidinga naku te e fe Eme, te ngiga, te engu to fe o mavangi, ba ogafa fe libi o kpara no. 37 Wo nde ozo esika, te ya be o mbura marazi na ndundula sungu oge. 38 Ono enani zozo ngbo o komoko koto bala, natse o worose de o djadji. 39 Sidingana, eya fa fe libi o kpara no ba ogogo, eya le go zabo, eza kadje na Magadani.