1 Tongoka no etitsia mano ka Ngama kani Yezu Kirisitu de mabite kani dengi, aku t a feyi, o ndayi, 2 Itse teyi go mafite ka guma yi de, de idjidji guma yi de,de angbo go makina, de angbo go li, diri be go o waraga no ofa ga ba ano de ni, bakana te kini ka Ngama ta moli. 3 De kpara bili fite yi de; tongo gboko ngo no ga fekendi, ba atsia koto kpara na ligbiri, enga madjo, 4 Bebamo engbo Eme teye gondja etikpe nde te obu engi ba Eme de ono no te ozebata engi mbi no ngbo go ngbete ka Eme ezeba landjo e meleye ba de Eme. 5 Ikina te guma yi de ba mangbo fa fe yi ongo, dhinga te mangbo ete sidinga yi? 6 Te imbela tsiane e engbo tere engi, ba engi koto be go dhinga kaye. 7 Tongo ndjaka ka nono eyala Eme no ewowo te ye te mele kitima. Ayoba egilano no tere engi takana ya nget. 8 Sidinganga, Ngama Yezu emisaga ye wavi na guma mongi, Ngama Yezu moro ga engi go mano kangi na mazebata. 9 Makoto ka siti kpara te koto. De ndjaka ka gbongwa de o kpara kala ongo nde ba da de o ndjandjaka kpara kalongo na ewu. 10 De owu nde fe o no ele enani ngbilingo de o no okpi ga tongo ole de eya mbi ngbilingo de ono wo kowo. 11 Tokana Eme to fe wo ndjaka na mandjondjo ba d ole ngali wo. 12 Ba o no nde olele de no, olena o de sitingo o gbo ga ngbanga. 13 Feni, o ndayi na guma ka ngama aleke ba nito na ge grasiya fe Eme tongoka yi. Tongo Eme eponienani eyi baka te molongo to enani teye ete ba iza makowo ka Sipiritu Satu de go male ngbilingo. 14 Anga deno Eme ebhuka yi tongo Jo Ngali Eme te a to feyi mazebata ka Ngama kani Yezu Kirisitu. 15 Ba ondayi, izoro teyi ndjandjaka de na sudha no te ato fe yi go bu masudha ka a to go ketsepka ka a. 16 Aleke ba ngama kani Yezu Kirisitu meleye, de Eme woni nokunda ni, te engi to feni ndjaka grasiya na ela nde de tsenga e. 17 Ileke guma yi, de ito teyi ndjandjaka te namele jongo.