Ngbekpa 3

1 Go matiga, o ndayi, iku teyi fe Eme, ba Ngali Eme misa teye de aza mabebe bakana te amele teye sidinga yi. 2 Ba engi kowo ni esaka o siti kpara, de o ndjandja kpara. Tongo ongbo de male mama. 3 Ta ngama de kpara engbo edhonda eyi toka o siti kpara. 4 Ade ma le fe yi go ngama bakana ite mele de imelega ongo te ayoga teyi. 5 De ngama tima guma yi sidinga Eme de sidinga mabike ka Enga Eme. 6 Akpama yi, o ndayi, te ele ngama kani Yezu Kirisitu, de ido teyi ngengele eno ndayi engbo go gbululu, no engbo go kadje te a chile fe yi de. 7 Imbela be mele yi afe tokana emala nga a, adeno ano ngbo go gbululu de esuga yi. 8 Ano zo e kokoro de bhukuma de kpara, ta go bu kitima de magala. Anomele ndjaka kitima go biti de ongo tokana engbo fe kpara bili de esuga yi. 9 Anomele bade tokana eto kadje na fa ewu sidinga na. 10 Ano dhinga te angbo ete sidinga yi, angbo fa feyi go sawuya ba: te kpara kunda namele kitima de engi zo diri de. 11 Angbo fa feyi ba tongo o gara esuga yi okowo go gbululu, omemele kitima de, ta otele go ongo kawo o gara kpara. 12 Abhuka o kpara no ayo te afaba go ele Yezu Kirisitu ozobi bhukuma kawo kpe omele kitima ndjandjaka. 13 Tokayi o ndayi, itse teye de namele jongo. 14 Te kpara bili yala ngo te afa go bu ketsekpa ne, itsia engu jojo, ingbo edje teye dengi de, ano te engi dje lomo. 15 Itsia ngu de bakana bendemo, ta fa fengi bakana ndayi mo. 16 Ano ngama na jongo to feyi jongo go dhinga nde, go ongo nde. De Eme ngbo de yi nde. 17 Mabhitsia yi, ema Polo de ngbili kpama. Ade nga kpama go bu o ketsekpa no nde, ma ete anga be melema. 18 De ndjaka ka ngama kani Yezu Kirisitu ngbo de yi.