Ngbekpa 1

1 Polo, Silivano, de Timoteyo gote na lisambo ka o tesalonika, engbo ka Eme woni de Yezu Kirisitu Ngama kani: 2 Grasiya de jongo to te ye sidinga Eme woni de Yezu Kirisitu Ngama kani. 3 Alengeta tengo kayi, o ndayi, ngbo eto grasiya fe Eme, baka te angbo fano, tongo male Eme kayi emele ebebhe teyo go guma yi. 4 Anga deno abebhe ngoyi go bu Eklezia ka Eme, go bu molende kayi de malengo kayi go bu o ndjandjaka ongo te omele yi di no de no te idje ba da. 5 Anga deno esudha na kolo ngbili mbanga ngali Eme no le o kpara mele jongo, ba de ile gote ka Eme na manyiga tongo itse bonyokoli tete. 6 Tongo anga de ngbilingo ka Eme na du ngbilingo, engi du ga siti ngo fe o kpara ongbo meli yi sisiti, 7 De nato feyi o kpara lalo, tsenga nadje. Ofe te wo deni, go dhinga te Ngama Yezu koto ga etikpe de o anzelu kaye de ndjaka kaye. 8 Go bu mbele ewa, bakana etumbu fe o no mbela Eme de de o no ole Ngali Eme Ngama kani Yezu de. 9 Etumbu ka wo ngbo ga ekpi no engbo ndia de, ngengele la ndjo Eme de mazeba ka ye de ndjaka ye. 10 Go dhinga te engi no ga, go ela na, go bu mazeba ka o satu kaye de mabebhe go ono olele nde, tongo timo kani ede yi ele teye. 11 Tongokana diri a ku te a fe Eme ela nde tongoka yi, ba Eme kani luka yi ba o ngbili kpara, de engi kokisi de ndjaka ka ye no jojo te ikina go jongo kaye, de kitima kayi na male, 12 Bano de Ele Ngama Kani Yezu ngbo zeba teye te yi go grasiya ka Eme kani de Ngama kani Yezu Kirisitu.