1 Ini ọkụshi ẹnẹ, ljọọnụ Ọsami ọ vẹ ini ụnọmi ljụdiya, dọọ karenụbe ọiza, ka, 2 "Rinẹ varama, fụvọki ijọva ineeku ọ kavape." 3 Fụvọki ọni ọnọ vi ọza ana karẹyi aani zirẹngwụ Aizaya ọkisẹ ka, "Ọ nyi ọngwẹ ọza ọnyi, o nee nowu ini ụnọmi, ka, 'Teni oze Ananyiyi tẹtẹ, Teni oze aani doti ọ vọrọ ẹtẹrẹ.'" 4 Ọmẹyani, Ijọọnụ vene chire auru ana si ẹyi lrankụmi shi ita aani, dọ zẹ si ibaanụ ụpa kara ọtẹ. Akụvariva ọnri ẹfụ ọnọ vi isari aani. 5 Ani Ijerụsanẹmụ ọnri ani Ijụdiya bo bẹri anrẹkụra nin bo ana varakara okufa ljọdani ẹ tụra na 6 Ẹ dụvọ aichama aanini, dọ mẹ isami yụ wa ini okufa Ijọdani. 7 Ama, o me re ka Ifarisi nin ọnri Isadusi ẹrụrụ ẹ kavavẹ, ki ẹnaa vaa mẹ isami, dọ kaa yụ wa ka, "Ẹwụ nin ezi ibe, ẹnẹ ka wụ ọnọ nini ki we zue fiini ọikụ ọbani anaa vẹ?" 8 Tụ ẹtụtụ, ana va siọ zụ ku we rinẹ varama nin da. 9 Asuu nee roo, dụ waa ka ini akaakana awụ nin ka, 'Yaa nyi Abrahamụ ana vi ada ayi da.' Di ma ka yụ wụ nin ka, Oshomoshi va zụụ si irẹta ẹnẹni vara ezi yi Abrahamụ 10 Ini ọmẹyani, aa si iraga pe ẹpa ọchi da, fụvavọ ọchi bo ana razi tụ ẹtụtụ ọiza, vana vaa ma, dee ne e ngwụni ira. 11 Ẹmi vanaa si enyi mẹ isami yụ wụ nin, doti we rinẹ varama nin. Ama, ọza anaa vẹ inaama ami ọ bani fu mi, ma zi yai ọza ọnọ vọrọ ki o chema ivata aani. Ọni ọnọ vaa si Ifẹ Ọnini bẹrẹ ira mẹ isami yụ wụ nini. 12 O teni opo ọnri ọpẹpẹ aani chauvọ da, ono ve sii tu akụ, doo ve peshe ẹtẹrẹ, do pere akụ tụni ụfọ aani, ama afẹchi vọnọ vaa rira ini ira ene rei zue mi poro pooro. 13 Ụmọnọ di Ijesụ fụri Iganini vini okufa Ijọdani ve tu Ijọọnụ, doti ọ m ẹ isami yi ọni. 14 Ama, di Ijọọnụ ka, "Eeye, ẹwụ ọnọ vọrọ kọ mẹ isami yi mi, dụ waa vẹ idami?" 15 Di Ijesụ voshi ka, "Navọ doti ọ vọọ vi, fụvọki ọ vọrọ ki ya si isẹnẹ sẹrẹ bo vẹ ini ọmimẹ." Di Ijọọnụ va zẹ yọ. 16 A mẹ mẹ isami yi Ijesụ kẹnẹ, dọ tụ fini enyi vẹ. Re, a mẹ fụ ineeku sha yọ, do re Ifẹ Ọnini ka o chi vẹ, venebiri obenekuku, do ve ku o. 17 Re, di ọngwẹ vẹ fụri ineeku ka, "Ozi ami ọnim ngwụayani yi, inẹ ami o shine tu o kokoro."