Imatiu 2

1 Inaama ana ma Ijesu da, ini Ibetirẹhẹmụ ọi Ijụdiya, ini ụmẹ Ihẹrọdụ oshinọyi, di anẹrụ ọnụvira nin fụri aka izi ọyi tụụ fụrẹ, dẹ vẹ Ijerụsanẹmụ, dẹ fọ ka, 2 "Yere izi oziọnọrụ ana ma, ana vi Oshinọyi Iju nin ya kẹ? Yee re ụzọmi aani aka izi ọyi tụụ fụrẹ, dii vẹ ki ya va vakuẹtẹ yọ." 3 Ụmọni Ihẹrọdụ, oshinọyi wụ irẹyi ọnọni, dọ kụ ọtụtụrụma gẹba, shi Iju nin ana ya pe e. 4 Ihẹrọdụ ọ shi oshirẹsụ arụfa nin bo ọnri ọchẹriwe aza aani vaabẹ, dọ fọ wa ka, yere izẹna kaa ki a va yaa ma Ikristi kẹ?" 5 Dẹ kaa yọ ka, "Ini Ibẹtirẹhẹmụ ọi Ijudiya yọ, fụvọki avọ amẹ chẹrẹ tụni iwe aani zirẹngwụ ọkisẹ nin. 6 'Ama ẹwụ, Ibẹtirẹhẹmụ, ini ẹtẹ Ijuda, ọzi vi ẹwụ ono weyi fu bo ini oshirẹsụ Ijuda nin, fụvọki fiini akaakana awụ ọni oshirẹsụ vaa jinẹ fụrẹ, ana vaa kụ aza aani Isrẹni zi.'" 7 Di Ihẹrọdụ bebe shi anẹrụ ọnụvira ẹnẹ, dọ fọ wa ka, yere ẹfi ọni ụzọmi ọnọ chi kẹ? 8 Dọ tụ wa nọ Ibẹtirẹhẹmụ, dọ ka, "Na dụ wa tangwa nee si afụ ozi ọnọ, ẹfi ọnụ re re ozi ọnọ nin da, za itu va ka yi mi nin, di ma na vakuẹtẹ fẹkẹ ẹ." 9 Ẹmẹ wụ irẹyi ọni oshinọyi ka da, de si fu aa na, di ụzọmi ene bidi re, tụọvidi aanini poro, dọ na dinẹ tụni aka izi ozi ọnọ ya gẹdẹgẹdẹ. 10 E me re ụzọmi ọnọ, dẹ jụjẹ ẹtẹtẹrẹ. 11 "Maa ka yụwụ, kwẹẹtẹ, kara upoto awụ, dụ waa neeshi awụ." 12 Ụmụmọ dọ kwẹẹtẹ, dọ sẹ kara upoto aani, dọ zụsẹ jinẹ tụra fineeshi ọnọ ineyi aza bo, dọvi isene shuweeyi, dẹ va si ụga yi Oshomoshi, dẹ ka, "Yezi meen rire ẹngwụ isọnọni yẹẹyẹ." 13 Ẹ mẹ zi na da, di angẹni ọi Ananyiyi si ẹngwụ zụ Ijosẹfụ ini ụra, dọ kaa yọ ka, "Kwẹẹtẹ, si ozi ọnọ ọnri ọnyi aani, du wee zue nọ Ijipti. Dụ wa yizọ poro netu ẹfi ọnim vaa ka yụ wụ, fụvọki Ihẹrọdụ vee si ka ọnọ wụ ozi ọnọ." 14 Irafụ ọnọ, di Ijosẹfụ kwẹẹtẹ, dọ sị ozi ọnọ ọnri ọnyi aani nọ Ijipti. 15 Dẹ yizọ poro netu ụmọni Ihẹrọdụ si su. Ọnọni ọ mẹ, fụvọ isa ọni Oshomoshi ka tẹte zirengwụ ọkisẹ ka, "Fiini Ijipti ọnim shi ozi ami fụrẹ." 16 Ihẹrọdụ me ve re ka anẹrụ ọnụvira ẹnẹ vana si ọni mẹ isiya, di ayi kụọ kokoro. Dọ tụ ki a na wụ ezinụvọ anẹrụ bo ana yi Ibetirẹhẹmụ ọnri ọkakooro aani, ana ra vi ezi irayi ẹẹva davachi, fiini ẹgẹ ono ye fisụe finụvọ anẹrụ ọnụvira ẹnẹ. 17 Ọnọni ọ mẹ fụvọ isẹna ka tẹtẹ, zirẹngwụ Ijeremaya ọkisẹ ka, 18 "Aa wụ ọngwẹ Iraama, ọngwẹ orere ọnri ọkikarẹsụshi ọbani, Irechẹẹni ọ jorere yi ezi aani, ọ zi zẹ dọ efufu ẹngwụ, fụvọki ezi aani ee su vasha bo." 19 Ụmọni Ihẹrọdụ fu su, di angẹni ọi Ananyiyi ọnya si ẹngwụ zụ Ijosẹfụ ini ụra ini Ijipti, dọ ka, 20 "Kwẹẹtẹ dụ wa si ozi ọnọ ọnri ọnyi aani, nọ ẹtẹ Isrẹni, fụvọki ẹnẹnee si ki ẹnẹ wụ ozi ọnọ e fu su da." 21 Di Ijosẹfụ kwẹẹtẹ, dọ si ozi ọnọ ọnri ọnyi aani, dẹ varama vangwụ ẹtẹ Isrẹni. 22 Ama, ụmọnị ẹ wụ ki Achenọsi oshinọyi, ọ dọ Ihẹrọdu ada aani irẹsụ ini ẹtẹ Ijudiya nin, di angwa ee shi o ọninọ izọ. Inaama ọni Oshomoshi kọọnọ inụra da, dọ fiizọ nọ okakooro Iganini, 23 dọ na ra ini irẹkụra anaa shi Inazarẹti. Ọnọni ọnọ mẹ ki isa ọni ọkisẹ nin ka tẹtẹ, ọ sẹ, ka, ani Inasarẹti ana vaa shi ọ.