1 Iwe itọpa oshuku Ijesu Ikristi, ozi Idevidi, ana vi ozi Abrahamụ. 2 Abrahamụ ọnọ vi ada Aiziki, di Aiziki vi ada Ijakọbụ, di Ijakọbụ vi ada Ijuda ọnri ẹnyara aani. 3 Ijuda vi ada Ipẹrẹzi ọnri Izẹra zirẹngwụ Itamari, Ipẹrẹzi vi ada Ihẹzirọni, di Ihẹzirọni vi ada Irama. 4 Irama vi ada Aminadabụ, di Aminadabụ vi ada Inaashọni, di Inaashọni vi ada Isarimọni. 5 Isarimoni vi ada Iboazi zirẹngwụ Irahabụ, Iboazi vi ada Obedi zirẹngwụ Irutu, Obedi vi ada Ijese. 6 Ijese vi ada Idevidi Oshinọyi, Idevidi vi ada Isoromoni zirẹngwụ ose Uraya. 7 Isoromoni vi ada Irehoboamụ, Irehoboamụ vi ada Abija, Abija vi ada Asa. 8 Asa vi ada Ijehoshafatu, Ijehoshafatu vi ada Ijoramụ, di Ijoramụ vi oshuku Uzaya. 9 Uzaya vi ada Ijotamụ, Ijotamụ vi ada Ahazi, Ahazi vi ada Ihezekaya. 10 Ihezekaya vi ada Imanasẹ, Imanasẹ vi ada Amoni, di Amoni vi ada Ijosaya. 11 Ijosaya vi oshuku Ijekoniya ọnri ẹnyara aani ini ụmẹ ana si fụ wa nọ Ibabirọni. 12 Inaama ana fụ wa nọ Ibabirọni da, Ijekoniya vi ada Isheatiẹri, Isheatiẹri vi oshuku Izerubabẹri. 13 Izerubabẹri vi ada Abiudi, Abiudi vi ada Eriakimụ, di Eriakimụ vi adi Azọri. 14 Azọri vi ada Izadoki, Izadoki vi ada Achimu, di Achimu vi ada Eriudi. 15 Eriudi vi ada Ereaza, Ereaza vi ada Imatani, di Imatani vi ada Ijakọbụ. 16 Ijakọbụ vi ada Ijosẹfụ ọva Imeri, ọzẹna zirẹngwụ aani ma Ijesu, anaa shi Ikristi. 17 Evereze bo, fiini ụmẹ Abrahamụ netu ụmẹ Idevidi vi ẹwụrẹna; fiini ụmẹ Idevidi netu ẹfi ana si fụ wa nọ Ibabironi zẹ vi vi evereze ẹwụrẹna, ọnri fiini ẹfi ana si fụ wa nọ Ibabirọni netu ụmẹ Ikristi, zẹ vi vi evereze ẹwụrẹna. 18 Ọmima Ijesụ Ikristi mẹmẹ ya yi, Ọnyi aani Imeri vana si irenu za yi Ijosẹfụ, ama dẹ tangwa va zi gẹ, de re ka Imeri e zirẹyẹ zirẹngwụ Ifẹ Ọnini. 19 Ijosẹfụ ọva aani, vi ọnirẹiza, ọnri ki o zi si ki ọnọ mụshi nyi ọ ini orere. Fụvavọ, doo si ka ono bebe yi o tẹtẹ. 20 O mee ro inọpati isẹnẹni, di angẹni ̣Ananyiyi siẹngwụ zụ ọ ineyi ụra, dọ ka, "Ijosẹfụ ozi Idevidi, asụụ shiangwa ini ọsisi Imeri mẹ ose awụ, fụvọki ozi ono zirẹyẹ aani, vana vẹ zirẹngwụ Ifẹ Ọnini. 21 Ọ vaa ma ozi ọnọrụ; Irẹsha ọnụ vaa shi ọ ọno ̣vi Ijesu, fụvọki ọni ọnọ vaa dọ aza aani tụ fiini aichama aanini. 22 Isẹnẹni bo ẹ mẹ doti isa ana ka, fiidi Ạnanyiyi zirengwụ ọkisẹ nin ọ zụ se,̣ ka, 23 "Re, ọnyẹnẹ ana razi yi yẹ ọnọrụ, vee zirẹyẹ, dọọ ma ozi ọnọrụ, ana vaa shi irẹsha aani Imanụẹni"--- ọshafụsha aani ọno ̣vi ka, "Oshomoshi ọ ya bẹrẹ yi." 24 Ijosẹfụ ọ sha fiini ara, dọ vatụra isẹni angẹni Ananyiyi ka yọ ki ọ mẹ; dọ si Imeri mẹ ose aani. 25 Ama o zi pe e sụ poro netu ụmẹ ọnọ ma ozi ọnọrụ da. Inaani, dọ shi irẹsha ozi ọnọ, Ijesu.