1 Di Ifarisi ọnri ọyofi ẹnyi fụri Ijerụsanẹmụ ve tu Ijesu, dẹ ka, 2 "Sẹnẹvẹ di eziafụ awụ ra ma vatụra isa oshiẹtẹ azẹkụ ayi?" Fụvọki ẹ ma nyinụvọ aanini dẹ vaa risari." 3 D ọ voshi ka, "Sẹnẹvẹ duu yi ụmọ Oshomoshi tẹtẹ fụvọ isoshiẹtẹ awụ nini?" 4 Fụvọki Oshomoshi ọ kaa ka, "Sụbani yi ada awụ ọnri ọnya awụ" ọnri ka, ọza ọna ra kọshimi ada navẹki ọnyi aani vene vee su. 5 Ama wa kaa nini ka, "Ọza ana ra ka yi ada aani naveki ọnyi aani ka, isa ọnọ vọri ki ma si mẹ ọgụvọ yụ wụ, ma siọ mẹ irẹiza yi Oshomoshi da?" 6 Ọi kụ vọri ki ẹngwụ ọzọnọ ọ sụbani yi ada aani. Inoze ọnọni, wa vara irẹyi Oshomoshi osusu fụvọ isoshiẹtẹ awụ nin. 7 Ẹwụ nin ọfatụvaku! irẹiza ọni Aisaya kaa tẹtẹ inọpati awụ nin, ka, 8 'Azẹnẹni vana si irenu osusu sụbani yi mi, ama ọtụtụrụma aanini ọ gọdọ yi mi. 9 Dee nyima rẹsụ yi mi ini osusu, fụvọki ụmọ aza ẹnẹẹ zụ wa.'" 10 Di Ijesu zẹ shi azọkọni ẹnẹ pe ẹngwụ, dọ kaa yụ wa ka, "Batọ dụ wa nyi ọyiyẹ nini. 11 Ọzi nyi isa ọna ngwụni irenu ọza anaa vaa mẹ ki asọ vi ọnini. Akikọnọ, isẹnẹ jinẹ fiini irenu ọza vẹ ọnọ mẹ ki asi ọza vi ọnini." 12 Ụmavọ di eziafụ Ijesu, ve tu o, dẹ ka, "Ụwa yẹ ka Ifarisi nini aa mọikụ ẹmẹ wụ irẹyi ọnọ?" 13 Di Ijesu voshi yụ wa ka, "ọchi bo ọna Adami ẹbẹẹba re zi chire vọni e vee fụ rẹpa rẹpa. 14 Nụ wa avọ, ọzụọza oze ene gụri ẹnẹ vi. Aaviki ogụri ọ si ogụri zụ oze, ẹnẹviva vene vee zina ngwụni ụsi." 15 Di Ipita tụoshi ka, shafụ ụshioche ọnọni sha zụ yi." 16 Di Ijesu ka, "Ẹwu nin wa zi zẹ nyi ọyiyẹ? 17 Ọ vọrọ ko yewụ nini ka, isari ana ri vana ngwụ ininẹ, da na ngwụọ vasha? 18 Ama isa ana ra jinẹ fini irenụ ọza, vana vẹ fini ọtụtụrụma. Isa ẹnẹni, ẹnẹ mẹẹ ki asi ọza vi ọnini. 19 Ini ọtụtụrụma ọni aroo ọshimi jinẹẹ fụrẹ: ọwiwụ ọza, irẹka-ọsisẹ, amedu-asụụ, uyi oyiyi, ọdi divenu apinẹ, odidụ ọza inaama. 20 Isẹnẹni ene du ọza, aivi ọza ana razi nyinavọ dọ va risari. 21 Di Ijesu jinẹ fiizọ na ngwụni irẹkụra anaa shi Itaya ọnri Isidọni. 22 Re, ọnyẹnẹ ani Ikenaani ọnyi kọ jinẹ vẹ, do nowu ka, "Nyi ayụva yi mi, Ananyimi, Ozi Idevidi! Ifẹ azeeshi aa si ẹfitụrẹfi zama ozi ami ọnyẹnẹ, ini." 23 Ama Ijesu ọzi tuoshi ọnyọnyi. Eziafụ aani ee vetu o, dẹ dipẹ yọ ka, "Dụ ọ kavana fụvọki oo nowu vaatụra yi." 24 Di Ijesu tuoshi ka, "Azẹzi tụ mi shi ọzọnyọnyi, ọọsi fiini atẹmẹ ireshi Isrẹni ene vu. 25 Ama do ve tu o, dọ ka, "Ananyimi, mẹ ọgụvọ yi mi." 26 Do voshi ka, "Ọzi sẹrẹ ki a si isari ezi eweyi yi ezi irezi." 27 Dọ ka, "Irẹiza yọ Ạnanyimi, ama ezi irezi nyẹmbẹ vanaa risa ọna javọ fi̇ini itevuru ọga aanini. 28 Di Ijesu tụoshi ka, "Ẹwụ ọnyẹnẹ ọnọni, ọdọwụ awụ ọ bani. Ọ vọvọ ya yụ wụ vene ume sio." Ẹfi ọnọ, di ozi aani ọnyẹnẹ si dashi. 29 Ijesu ọọ fiizọ, dọ nọ ini ọgụrẹ irefu Iganini, dọ shirẹ na yatụ tụni irẹsụfa ana yi izọ. 30 Azọkọni e ve tu o. Dẹ kụ osụafụ, ogurii, evuvu, osuẹngwụ ọnri aza ana nyi ẹngwụọzi renyi renyi ọsa ve tụ o; di Ijesu fụ wa ikụ sha. 31 Do shi azọkọni ẹnẹ eyi eme re ka evuvu aa karẹyi, osuẹngwụ mẹ kweẹ̣tẹ, osụafụ aa zụsẹ ọnri oguri nin ee retẹ. Dẹ si ụga yi Oshomoshi Isrẹni. 32 Di Ijesu shi eziafụ aani, dọ kaa yụ wa ka, "Ma nyi ayụva yi azọkọni ẹnẹni, fụvọki ẹ ya pe mi fụri ẹkụshi ẹẹta, ẹ zi va nyi isa ẹnẹ vaa ri. Me zi si ki ẹ na, aaviki ẹ zi risari, doti asi ewu ve ne kuweeyi inoze." 33 Di eziafụ aani, fọ ọ ka, "Izọni ve yee re ivụrẹdi ọna vaa fụ azọkọni ẹnẹni ini ụnọmi ọnọni? 34 Di Ijesu fo ̣wa ka, "Ivụrẹdi ya ọnụ nyi nini?" Dẹ ka, "Ivụrẹdi ishimba ọnri isenyi che." 35 Ụmavọ di Ijesu kaa yi azọkọni ẹnẹ ki ẹ yatụ tụni ẹtẹ. 36 Ọ si ivụrẹdi ishimba ọnri isenyi ẹnẹ, dọ kụ Oshomoshi avọ tụọ, dọ da ivụrẹdi ọnọ, dọ siọ yi eziafụ aani. Di eziafụ aani gaa yi azọkọni ẹnẹ. 37 Aza bo ẹ risa, di inẹ aanini shi. Eme pere ewuri ana vọ, do shi uji ishimba. 38 Ẹnẹna ri isari ọnọ vi anẹrụ akashi oze ẹẹna, azẹzi za anyẹnẹ ọnri ezieweyi ika bẹrẹ. 39 Ụmavọ di Ijesu va kaa yi azọkọni ẹnẹ ka ẹẹ na, dọ ngwụ ẹpa nọ ọkakooro Imagadani.