¹ Jokok Imam Bakah : "Apai ja semua yak amat?" ² Stefanus nyingol, "Kan jerahan pengetuak merina, dinga aku: Tuhatn udah nompak kemuliaan ia ke umoh kita Abraham waktu di Mesopotamia, seupatn ia diapm di Haran. ³ Ia bingan bak tok, 'Dudi kan tanah aRai ngan keluarga kau, angkat am ke tanah yang kutunyok ke ikau.' ⁴ Tang dah iyak ia nudi tanah Kaldea dan diapm di Haran; sampai apang ia mati, Tuhatn maek ia ditanah oRong peniapm ken bitok. ⁵ Ia bon morek kan tanah ke ia, pemakah tapa'k kaki pun abotn. Tapi ia bejanji, bahkan sampai ia pan sek anak, ia akan more'k tanah sebagai koros sampai ke kan kenturotn ia. ⁶ Allah dah bejantoh ke ia beto'k, bahwa kenturotn ia akan idop sekenyap ditanah asing, dan pendudok di dietn akan maek sida'k ke lapm pebudak, ulotn pacal, ngaga kadak aRi pelamat 400 tahotn. ⁷ Tapi Aku akan ngukopm bangsa yang mempebudak sida'k, jokok Allah' dan seudah iyak sida'k akan keluar ngan nyembah Aku dirong tok, ⁸ Lalu Allah morek Abraham pejonji sunat, sak Abraham nyadi Apang Ishak, apang Yakub, dan Yakub apang daRi dua bolas senyodekng. ⁹ Laga iRi daRi kan mpala Yusuf, sida'k nyual Yusuf ke Mesir; tapi Tuhatn nyerota ia ¹⁰ ngan nyelamatkan ia daRi semua marabahaya. Ia more'k Yusuf kan segala kebijaksanaan di perodap Firaun, Raja Mesir, yang mulah Yusuf jadi Gubernur ngan semua wilayahnya. ¹¹ Bitok tejadi lapaR gabotn seroyak Mesir ngan Kanaan, apan sida'k bon bise'k pemakatn. ¹² Tapi ketika Yakub ninga bahwa ada pemakatn di Mesir, ia ngirepm pemakatn ke apang nya petama kali. ¹³ Pada pejalatn kedua Yusuf modah dere'k ke kan mpala ia bahwa ia senyodeng ngan anak-anak Yakub, lalu keluarga Yusuf pindah ke Mesir. ¹⁴ Yusuf ngirepm kan mpala untok ngamek apang ia sak datakng ke Mesir, berota ngan kan keluarga, sejumlah tujoh puloh lima uRang. ¹⁵ Yakub angkat ke Mesir dan mati di dietn. ¹⁶ Sida'k maek mayat Yakob ke Sikhem, lalu ngelotak duet perak, daRi anak-anak Hemor di Sikhem. ¹⁷ Tang dah dampeng pejanji Tuhatn, ia bejanji ngan Abraham, bahwa sida'k akan idop ngan kekembang di seluroh Mesir, ¹⁸ sampai idop raja laetn yang bon kenal dengan Yusuf. ¹⁹ Raja tok nganiaya semua kenturotn ngan ngelaga sida'k raya kada'k aRi, sida'k monsol kan tuha kita sak mulah kan biak dalapm celaka, sak sida'k punas ayas. ²⁰ Peroma yak Musa laher, ia mlangar baek dimata Tuhatn, ia dipara dilaman apang ia selama tiga bulatn. ²¹ Ketika ia dibuakng, anak Firaun nangkatn ia jadi anak ngan ia diangap anak amat oleh anak Firaun. ²² Musa dididek dengan semua kebijaksanaan uRang-uRang Mesir, dan ia bakah ngan bijak dalapm semua kata ngan pemansang. ²³ Tapi ketika ia berumor empat puloh tahotn, ia lahar ngan kan jerahatn ia, anak-anak Israel. ²⁴ Ia mantau ada uRang Israel di laga kadak aRi laga uRang Mesir, ia ngemalu uRang Israel lalu malok uRang Mesir: ²⁵ ia ngempinda jerahan ia ngan ngangap bahwa ia nyelamatkan sida'k, tapi sida'k bon ngalom. ²⁶ Tang ke obo'k aRi gek, ia nopat jerahatn Israel yang lagek bekelahi; ia coba nemporang sak sida'k bedamai ngan yang laetn; baro'k ia modah, "Ken kan sama dere'k; ngapai ne kelahi sapai luka bakal? ²⁷ Tapi sida'k yang salah lalu nyolah ngan nyuhak Musa, "Sapai ngangkat kau jadi temongokng kami? ²⁸ Bon kau ne munoh kami mabak kau ngasak sida'k Mesir kemaRek?' ²⁹ Musa dari ninga beak; ia nyadi asing ditanah Midian, di oRong ia nyadi apakng daRi dua anak. ³⁰ Ketika empat puloh tahotn belalu, malaikat nompak dere'k ke ia di tongah gurotn umai Buket Sinai, alapm api di dalapm babas. ³¹ Tang ke Musa mantau api, ia ngojet ke pemantau ia; lalu nompekng, ada ingan Tuhan, modah, ³² 'Aku Tuhatn apakng kau, Tuhatn aRi Abraham, Ishak, ngan Yakub.' Musa begotar ngan bon brani nyinek. ³³ Jokok Tuhatn, 'Lopas senal dikaki kau, oRong kau bediRri yak Tanah yang suci. ³⁴ Aku dah mantau semua pemodeh semua umatku di Mesir; aku ninga sida'k menciak, aku nak nyemat sida'k, Aku akan ngirepm kau ke Mesir.' ³⁵ Musa yang sida'k tulak, "Yang nganca peRator ngan ukopm aketn?'--Ia menyadi mensia yang Tuhatn kirepm. Tuhatn ngirepm ia melalu malaikat alapm api yang dipantau Musa dalapm babas. ³⁶ Musa mimpetn sida'k keluar Mesir, seudah ia mulah anda ngan mujisat di Mesir, di Laut Mati, ngan di Padakng Gurotn pelamat empat puloh tahon. ³⁷ Moses ito'k gam yang bingan ke uRang Israel, 'Tuhatn akan nangokng ikau nyadi Nabi anatar kan kaban jerahatn, seRang nabi mabak aku.' ³⁸ Ia tok yang beRota malaikat di padakng gurotn, bejantoh ngan ia di Buket Sinai. Ia tok yang berota ngan apang kita; ia tok yang nerimak kata-kata pengidop untok kita. ³⁹ ia tok mensia yang ditulak apakng untok dikhianat; sida'k nulak ia diantara kan kabatn jerahatn, dan dalapm ati sida'k nak bebalek ke Mesir. ⁴⁰ Peroma sida'k modah ke Harun, 'Sak Tuhatn yang mimpetn kami. Laga iyak am Musa mimpetn kita di tanah Mesir, kita bon panai apai yang tejadi ngan ia.' ⁴¹ BaRok sida'k mulah patong sesembahan, ngan memuji sebab karena pemansang dijaRi sida'k. ⁴² Tapi Tuhatn melok ngan mulah sida'k bebalek memuji bintankng dilanget, maba'k yang dah tetules dalapm kitab kan nabi, 'Apai yang ken tawar ke aku selaetn kelongkakng mabak pemansakng iketn di Padakng Gurotn palamat empat puloh tahotn di, laman Israel? ⁴³ Iketn dah nerima oRong semayakng Molokh dan bintang dewa Refan, ngan gambar-gambar yang ken pulah untok nyembah sida'k; Aku nak maek iketn jaoh ke Babel. ⁴⁴ Kan ine'k umoh kami dah umpok Tabernakel kesaksian di padakng gurotn, mabak yang udah Allah suRoh peroma ia bejantoh dongan Musa, bahwa ia aros mulah hal yak sebagai contoh yang udah ia pantau. ⁴⁵ Tok kemah yang dah dbaek ine'k umoh kita, ketanah tok berota ngan Yosua. Tok tejadi ketika sida'k masok untok ngolah bangsa-bangsa yang diuser Allah dipengodap ine'k umoh kita. Mabak tok tejadi sampai peroma Daud, ⁴⁶ dan yang buleh kaseh karunia di mata Allah, ia diminta'k sak nguleh sute'k oRong peniapm untok Allah Yakub. ⁴⁷ Tapi Salomo udah mulah laman untok Allah. ⁴⁸ Amat pe bak yak, Yang mlangar tingek bon diapm dilaman-laman yang dipulah ngan jaRi mensia; mabak yang dipodah kan nabi, ⁴⁹ Langet mahkotaku, bumi oRong petijak kakiku. Langkau mabak apai yang kaupulah ke aku? joko'k Tuhatn; atau dimonai oRongku istirahat? ⁵⁰ Bonkah jaRiku yang mulah semua yak? ⁵¹ Ken mensia yang koras kepala ngan bon besunat ati ngan ponekng, ken selalu nulak Roh Kudos; ken mulah bagai mabak ine'k umoh ken. ⁵² Nabi monai yang bon dianiaya ine'k umoh ken? Sida'k munoh kan nabi yang lolu muncol ngelolu yang melangar bakah; ken bito'k dah menyadi pengkhianat ngan pemunoh Ia gam, ⁵³ ken tok am yang dah nerima Taurat yang dah ditotap oleh kan malekat, tapi ken bon mara ia. ⁵⁴ Tok ken kan anggota Dewan ninga hal-hal tok, sida'k ngisa ati bak diiRes, sida'k ngisa gigi gomot aga Stefanus. ⁵⁵ Tapi ia, yang ponoh laga Roh Kudos, ia nyinek ke Seruga ngan ponoh ati ngan mantau kemuliaan Allah, ngan ia mantau Yesus lagek bediRi disepiak Allah. ⁵⁶ Lalu Stefanus modah, "Pantau, aku nyinek Seruga tekobak, anak Mensia age'k bediRi disepiak Allah." ⁵⁷ Tapi kan anggota Dewan menciak ngan ingan bakah, nutop ponekng, dan bedodas beRota ngan ia. ⁵⁸ lalu sida'k muang ia keluar kota dan nuhok ia ngan batu: kan saksi pakaian kilah sida'k rong kaki pemuda yang benama Saulus. ⁵⁹ Saat sida'k lage'k nuhok Stefanus ngan batu, ia bingan ke Tuhatn, "Tuhatn Yesus, terima bah rohku." ⁶⁰ Ia tunok belutot ngan menciak, "Tuhatn, nang nangokng penyalah tok ke sida'k." Tang ke ia dah bingatn beak, ia pe jatok tengkaleng mati.