¹ Masa nyak, pemanyak mured maketn nomah, ingan sida'k uRang-uRang Yahudi makai jantoh Yunani mulai timol ngelawatn uRang-uRang Ibrani. Kebadi janda-janda sida'k bon dipeduli dalapm magi pemakatn tiap aRi'e. ² Bolas rasul dan pemanyak mured lalu bingan; abotn topat amat tek kami se abotn beduli firman Allah untok ngelayatn meja. ³ Aros mileh tujoh iko'k kanlaki daRi pemanyak iketn. URang-uRang yang dikenal baek, ponoh dongan Roh yang bijaksana, yang panai kita tunyok untok nangani urosatn ito'k. ⁴ Gak kami, kami tok ja selalu amat-amat am dalapm doa ngan dalapm ngelayatn firman. ⁵ Ingan sida'k rasul nyak diterima'k laga sida'k. Udah nyak, sida'k mileh Stefanus, nyak uRang yang beiman ngan Roh Kudus, Filipus, Prokhorus, Nikanor, Timon, Parmenas dongan Nikolaus uRang yang pecayak agama Yahudi dari Antiokia. ⁶ Nyak pecayak tek nabeh sida'k ito'k ngadap sida'k rasul yang bedoa numpakng jaRi keatas sida'k. ⁷ Nyak, Firman Allah maketn tesebar; mured pun maketn banyak betomah di Yerusalem bon buleh kelamah; pemanyak-manyak daRi sida'k imam nyak nyorah dere'k dan pecayak. ⁸ Stefanus nyak ja mensia yang ponoh kuasa ko'oda, inya lagek nganok mujizat-mujizat bakah sak ke ngecolek dongan orang banyak. ⁹ muncol am bebeRapai iko'k uRang Yahudi sida'k nyak ja uRang sinagoge yang dipodah langkau sinagoge libertini, dari jerahatn Kirene ngan Aleksandria, dongan bebeRapai dari Sisilia dan Asia. Sida'k ito'k bepadu dongan Stefanus. ¹⁰ Sida'k bon sangop ngadap hikmat ngan Roh yang bingan lewat Stefanus nyak tade'k. ¹¹ nyak sida'k diapm-diapm ngasot bebeRapai ikok untok modah beak, "kami udah ninga Stefanus ngeluar jantoh kadak aRi ke musa ngan ke Allah." ¹² Nyak sida'k ngasot uRang-uRang kan penuha dongan kan sidak ahli Taurat, udah nyak sida'k datakng ke Stefanus, nangkap inya, nabeh inya ke oRong dewan Agama. ¹³ Ngempulah, jokok sida'k, "mensia ito'k sajoh modah jantoh yang nginakan orong kudus ito'k dan Taurat. ¹⁴ Kami udah ninga inya bejantoh tek Yesus yang daRi Nazaret ja onak ngancor oRong ito'k dongan ngubah adat istiadat yang oser udah dipulah musa ke kita. ¹⁵ URang yang dudok dalapm Dewan Agama mantau ke Stefanus lalu nyinek muha inya macam muha malaikat.