¹ Seudah lima aRi imam bakah Ananias, datn sida'k tuha-tuha Yahudi datn siko'k pengecara nama e Tertulus angkat koetn. Sida'k ngadap wali negeri ngadu ke Paulus. ² Waktu Paulus bediRi ngadap didepatn Wali negeri, Tertulus mulai modah dakwaan datn ia modah kewali negeri, "kaRena jasa ikau kami ngeRasa sejahtera datn apai yang ikau rencanakan ngemaek pemagak bagi negeri kita; ³ Jadi kami modah teRima kaseh am kami nyomut apai yang ikau pulah. ⁴ Abont ngerept ikau dan abotn lamak-lamak, Aku minta dinga sekenyap am. ⁵ Kami udah nemu ke siko'k oRakng tuk am yang jadi penyaket jelangket dan udah mulah uRakng Yahudi membeRontak, ia am jadi pemipetn sekte Nasrani. ⁶ Ia onak menajiskan bait Allah, kaRena kami nahan ia. ⁷ Tapi Lisias kepala pasukan datakng dan encuri oRokng daRi jaRi kami. ⁸ Ikau nanyak ke masalah tok ke Paulus, Ikaupun akan pahapm apai yang ikau tudohkan ke ia. ⁹ Urakng Yahudi pun nyalahkan Paulus dan modah semua nya amat am. ¹⁰ Tapi waktu wali negeri more'k tanda biar Paulus bejantoh, Paulus nyawab e. "Aku pahapm selama betahutn-tahutn ikau udah jadi hakem di bangsa ito'k, nyak am aku ganga'k amat modah ke aku ke iketn. ¹¹ Ikau dapat mastikan bahwa seupatn dua belas aRi aku angkat semayakng ke Yerusalem. ¹² Sida'k napat aku di bait Allah aku abont bebantah dongan sapaipun, aku abotn ngasot sida'k, baet di Sinagog dan dalapm kota. ¹³ Abotn panai moRek bukti ke tudohan sida'k ke aku. ¹⁴ Tapi aku ngako'k am tuk ke iketn , yang menuRot sida'k yang modah aku sekte, kaRena aku melayatni Allah ine'k umuh kami. Hukopm Taurat dan kitab nabi aku taati. ¹⁵ Aku yaketn ke Tuhatn upa sida'k nunga sida'k yang mati bangket baek te amat maupun yang abotn tejadi. ¹⁶ Dalapm hal ito'k aku beRusaha nyaga deRe'k aku biar kata hatiku abotn cacat didepatn Allah dan mensia. ¹⁷ Udah betahotn-tahotn aku datakng, aku nolokng sida'k bangsaku dan morr'k sida'k duit. ¹⁸ Waktu aku mulah iyak, uRakng Yahudi mantau aku mulah yak waktu aku meReseh bait Allah abotn sek keRusuhan ¹⁹ ito'k sehaRosnya ada dituk dan nyolas ke tuduhan sida'k ke aku, kalau amat ada. ²⁰ Kalau bon, aju jak sida'k modah ke penyalah aku waktu aku bediRi dihadapatn Mahkamah Yahudi. ²¹ Atau waktu aku bejantoh pakai ingan kuat, waktu aku bediRi diantaRa sida'k. URang mati panai bangket ito'k am yang nyadi penyebab aku dihakepmi. ²² Felix yang udah ngenal jalatn Tuhatn, nunda sidakng itok. Ia modah, kalau Lisias kepala pasukan udah datakng baRo'k aku mutos ke pengara ito'k. ²³ Lalu ia nyuRoh perwira ngawal Paulus tapi dibore'k kelongaran agar jeRahatn ia datakng nolokng dan nyongau ia. ²⁴ Seudah beberapa aRi age'k, Felik datakng maek Drusila bini e, ia uRakng Yahudi, lalu ia nyuRoh nimpai Paulus ngau ninga kesah iman pecaya'k dalapm nama Yesus Kristus. ²⁵ Tapi tapi waktu Paulus modah ke ia tontang kebenaRan, penguasaan deRe, pengakepm yang akan datakng, Felik jadi takut dan ia modah , beto'k, angkat am ikau, tapi kalau ada waktu longakng, aku nimpai ikau. ²⁶ Waktu nyak ia ngaRap Paulus moRe'k ia duit, nyak am nyuRoh ia selaRat nimpai ia dan bejantoh dongan ia. ²⁷ Udah dua tahutn age'k Pekis, Festus, nganti Feliks sida'k onak agar uRakng Yahudi tetap ganga'k, sehingga ia totap nahatn Paulus dalapm penyaRa.