¹ Paulus behadapatn dongan anggota Mahkamah Agama, joko'knya. " oi iketn, aku udah idop di hadapatn Tuhatn dongan seponuh ati sampai aRi tok". ² an Imam Bakah Ananias nyuRoh sida'k yakng bediRi di sepiaknya untok nampaR mulot inya. ³ Paulus nyingol ke inya'k " Allah akatn nampaR kau, ikau munafik. ⁴ Joko'k sida'k yang bediRi, "bea'k kah ikau ngemolu Imam Bakah?. ⁵ Paulus nyingol e, "aku bon panai am iketn nya'k, kalau ia nya'k je Imam Bakah. ⁶ waktu Paulus nyinek bahwa anggota Mahkamah Agama ada sebagiatn nang urakng Yahudi datn ada sebagiatn agek ada nang uRakng Farisi, ia ngora dongan ingan ngumatn dalapm sidakng, " oi iken e , aku uRakng Farisi, anak uRakng Farisi. Oleh kaRena inya'k e aku saja yaketn am dongan uRakng mati panai idop bangket age'k. ⁷ Waktu ia modah hal inya'k e, muncol am suatu penapat di antara uRakng Saduki dongan uRakng Farisi, datn tabolah am sida'k banyak e. ⁸ sebab uRakng Saduki modah bahwa bon sek uRakng mati idop age'k, bon sek sida'k malaikat, bon sek roh-roh, tapi sida'k Farisi ngako'k inya'k semua ada. ⁹ Udah inya'k bekalot am sida'k, daRi bebeRapai iko'k ahli mashab Farisi bediRi udah nya'k modah am, "Kami bon sek mantau kesalahatn daRi nsa iyak. Kati am kalau roh atau malaikat yang udah modah ke iya?. ¹⁰ Waktu sida'k bepadu, an kepala pasukan golak am, golak ke Paulus digasak-gisek sida'k, udah inya'k ia ngatoh pasukatn untok turotn ke babah datn nabeh inyak daRi antaRa anggota Mahkamah Agama yakng ngerugok nya'k, udah inya'k ia dibaek tama'k ke oRokng yakng aman. ¹¹ Pada malapm saReya'k Tuhatn bediRi di sepiak inya'k dan bepodah, "Onang golak am ikau, se uba'k ikau besaksi tontakng aku di Yerusalemp an ikau haRos ingkas age'k besaksi di Roma. ¹² Waktu siakng aRi, bebeRapai ikok uRakng Yahudi basumpah dongan minta'k kutukatn tuRutn ke atas sida'k kedere'k, sida'k modah, dah bon makatn bon minum apai-apai am sampai sida'k udah munoh Paulus. ¹³ Hamper lobeh ompat puloh iko'k mensia yakng mulah rencana nyak. ¹⁴ Sida'k ingkas ke oRokng sida'k imam kepala dongan tuha-tuha, joko'k e, " kami udah nyoRah dere'k ke dalapm ku tokatn, untok abotn makatn apai-apai, sampai kami munoh Paulus. ¹⁵ Oleh nyak e bito'k, biar am anggota Mahkamah Agama modah ke Kepala Pasukan unto'k mae'k iya ke rokng iketn, sak iketn dapat mutos pekaRa inya dongan baek. Untok kami e, kami siap am unto'k munoh inya seupatn ia datakng koto'k. ¹⁶ Tapi anak daRi mpala betina Paulus ninga sida'k babula'k nungo'k e, maka ia ingkas datn tama'k ke oRokng ntabo'k dongan modah Paulus. ¹⁷ Paulus nimpai siko'k tentaRa, jokonya, " bae'k anak muda nyak ke oRokng kepala Pasukatn, sebab ada yang onak dipodah e". ¹⁸ An udah nya'k perwira nyak ngame'k dan mae'k anak muda tok ke oRokng kepala pasukatn, sebab ada sesuatu yakng onak dipodah e. ¹⁹ Udah inya'k kepala pasukatn mae'k inya ke oRokngnya, joko'knya " Apai yang ona'k kau podah ke aku? ²⁰ Anak muda nya'k modah e, "uRakng Yahudi telah bepokat minta'k ikau untok nabeh Paulus ke Mahkamah obo'k, seolah-seolah sida'k agek nanya'k pekaRa lebih teliti. ²¹ Tapi ugai am nyoRah ke sida'k, kaRena ada lobih daRi ompat uRakng yakng ngadakng inyak. Sida'k udah minta'k kuto'k tejadi atas dere'k sida'k kedere'k untok bon makatn bon minum sampai sida'k munoh Paulus. An sida'k udah siap am, nungo'k pesetujuan duatn. ²² Udah nyak kepala pasukatn ngelopas anak muda nya'k angkat, seudah bepodah ke iya, " onakng modah ke sapai-sapai bahwa ikau udah modah nyak ke aku. ²³ Udah inyak ia nimpai dua uRakng daRi perwira nyak, joko'knya, " ²⁴ siapkan dua Ratus pRajuRit untok ingkas sejauh ke Kaesarea, dan juga tujoh puloh pasukatn bekuda, dua ratus prajurit besanjata kujoR. Iketn onak ingkas japm semilatn malapm tok. ²⁵ Udah nyak e ia nules suRat ubak tok; ²⁶ Salamp daRi Kaludius Lisias ke oRakng yang dikepoma gubernur Feliks. ²⁷ Mensia nya'k dipasokng oleh uRakng Yahudi dan hamper dibunoh sida'k nya'k, waktu aku dongan prajurit ke oRokng sida'k dan ngelopas ia, waktu aku panai ia uRakng warga negara Romawi. ²⁸ Aku ona'k panai ngapai sida'k nudoh nya'k, jadi aku mae'k inya ke makamah sida'knya'k. ²⁹ Aku pahapm am bahwa ia ditudoh sida'k sektar mempetanya'k hukomp sida'k, tapi bon se'k dakwaan yakng cocok kemenjaRa atau kemunoh ia. ³⁰ Udah nya'k e, hal tok udah dipodah ke aku bahwa ada Rencana untok melawatn uRakng nyak, maka aku ngirepm inya ke oRokng duan, dongan ngatoh sida'k yang nudoh e untok podah tudohatn sida'k ke iya di hadapatn duan. sampai bedapat age'k. ³¹ Maka e sida'k PrajuRit onak ninga peRintah untok sida'k; sida'k ngame'k Paulus dan mae'k ia ke oRokng Antipatris waktu potang aRi. ³² Habes aRi nya'k e banyak am sida'k prajuret nudi pasukatn bakuda untok angkat beRota dongan ia datn sida'k e pulakng age'k ke bentekg pertahatnan. ³³ Waktu pasukatn bekuda datakng di kota Kaisarea datn nyoRah suRat nyak ke oRokng gubernur, sida'k juga mempekenal Paulus ke sentuha. ³⁴ Waktu gubernur maca surat nya'k e , ia betanya'k am, dari Provinsi monai asal Paulus; saat ia panai bahwa Paulus dari Sisila, ³⁵ Ia modah, "aku onak ninga e daRi ikau lolu, nanti'k waktu sida'k yakng nudoh datakng kotu'k. "Udah nya'k ia nyorah ia untok dipasokng di orokng istana Herodes.