¹ Bito'k, Festus datakng ke oRong nyak, dah nyak seudah tiga aRi, inya beRangkat daRi Kaisarea ke Yerusalem. ² Imam kepala dongan pemuka-pemuka Yahudi mae'k tudohatn-tudohatn ngelawatn Paulus pada Festus, ngan sida'k dongan bakah bingan ke Festus . ³ Dongan sida'k udah minta'k ke Festus untok sute'k nagkok menyangkot Paulus, sak inya dapat nimpai Paulus ke Yerusalem dongan macapm nyak panai munohnya dalapm pejalatn. ⁴ Tapi Festus nyawab bahwa Paulus lage'k dialapm penyaRa di kaisarea, dah nyak inya kedere'k akan bebalek kekoetn. ⁵ "KaRena nyak, sapai nyang buleh," katanya, "ARos namah kekoetn dongan kami." Tek ada sesuatu nyang salah dongan mensia nyak, ken aRos nyongka'k inya'k." ⁶ Seudah inya diapm selama delapatn atau sepuloh aRi lage'k, inya angkat tuRon ngaRah ke Kaisarea. Pada aRi selanyot e, inya dudok dikursi penghakiman ngan nyuRoh sak Paulus dibae'k ke oRongnya. ⁷ Pas nya udah datakng, uRang-uRang Yahudi daRi Yerusalem udah bediRi didampekng e, ngan sida'k banyak mae'k tudohatn-tudohatn boRat nyang bon panai sida'k bukti e. ⁸ Paulus mela dere'k e ngan bingan, "Aku bon ngelaga apaipun ngelawatn hukopm uRang-uRang Yahudi atau ngelawatn Bait Allah, atau ngelawatn Kaisar." ⁹ Tapi, Festus onak napat keuntokngan daRi uRang-uRang Yahudi, dah nyak inya nyingol Paulus ngan bingan, "Apaikah ikau onak angkat ke Yerusalem ngan dihakimi oleh aku tontang hal-hal didietn?" ¹⁰ Paulus nyingol , " Aku bediri diadap kurusi penghakiman Kaisar rong aku aRos diadeli. Aku bon besalah ke uRang-uRang Yahudi dalapm hal-hal apaipun, macapm dongan nyang iketn keponai dongan jelas. ¹¹ Tapi, jika aku udah mulah kesalah dongan tek aku udah, ulah sesuatu nyang mulah aku pantas matoi, aku bon nolak mati, Tapi tek tudohatn-tudohatn sida'k abotn tebukti, bon siko'k mensia pun nyang panai nyeRahkan aku ke sida'k. Aku nimpai Kaisar." ¹² Seudah Festus bejantoh ke anggota mahkamah, inya nyingol, "Ikau timpai Kaisar, ikau akan ngadap Kaisar." ¹³ Seudah bebeRapa aRi, Raja Agripa dongan Bernike datakng ke Kaisarea untok ader dikunjongan keReja tehadap Festus. ¹⁴ Seudah bebeRapai aRi inya ada didietn, Festus modah kasus Paulus ke Raja, inya modah, "Sikok mensia udah didudi di dito'k oleh Feliks sebagai tahatnan, ¹⁵ Sewaktu aku ada di Yerusalem, Imam Kepala dongan nyang tuha-tuha uRang Yahudi modah tudohatn teadap uRang ito'k kepadaku, ¹⁶ Dalapm msalah tok aku nyingol bahwa ukatnlah kebiasaatn Romawi untok ngelopaskan siko'k mensia badi kebaikan e; sebalek e uRang nyang ditudoh nyak harus e ada kesempatan untok ngadap sida'k nyang nudohnya dongan mulah pembelaan atas tudohatn ke inya. ¹⁷ Badi nyak, pas sida'k sama-sama datakng koto'k, aku bon nungo'k, tapi obo'k aRi e, aku dudok di kursi penghakipman dongan meRintahkan sak mensia nyak dibae'k ke rongku. ¹⁸ Pas paRa penudoh bediRi dongan nudohnya, aku bepiker bahwa abotn ada sute'k pun tudohan nyang panai memboratkan nya. ¹⁹ Sebalek e, sida'k malah bebalek dongan e tontang agama sida'k ngan tontang Yesus tertentu, nyang udah mati, nyang Paulus pecaya'k nyalah inya udah idop lage'k . ²⁰ Aku bingong kati caRa nyelidek masalah ito'k, dongan aku betanyak ke inya apaikah inya onak angkat ke Yerusalem untok diadeli di dietn tontang masalah ito'k, ²¹ Tapi pas Paulus ditimpai untok ditahatn oleh paRa penyaga sebagai keputos kaisar, aku meRintahkan inya untok sak ditahatn sampai aku ngirepmkan ke Kaisar." ²² Agripa udah modah ke Festus," Aku pe onak ninga uRang ito'k. "Obo'k," kata Festus," ikau akan ninga inya." ²³ Jadi pas obo'k e, Agripa dongan Bernike datakng dongan banyak sambutan; sida'k tama'k dihalaman sama-sama dongan paRa perwira militer dongan sama-sama dongan uRang nyang tehoRmat di kota nyak. ²⁴ Festus bekata, "Raja Agripa, dongan iketn semua nyang besama dongan kami, pantau am kenlaki ito'k; URang-uRang Yahudi betanyak ke aku di Yerusalem ngan de dito'k dongan ngoRa ke aku sak inya haRos diakhiRi idop e. ²⁵ Aku udah mantau e bahwa inya abotn besalah ngan abotn bebuat jahat sute'k pun nyang beRoga kematian; Tapi badi nya nimpai Kaisar, aku mileh untok ngutoskan inya, ²⁶ Tapi aku bon sek kepastian untok ditules ke kaisar. Atas alasan nyak, aku udah mae'k nya ke iketn, nyang petama ke ikau, Raja Agripa sampai aku panai napat sesuatu nyang lebeh untok ditules tontang ito'k. ²⁷ Badi masalah nyak nampak e abotn bealasan untok aku ngan untok ngirepm siko'k tawatnan ngan abotn ngelotak tudohatn ke inya."