¹ Banyak mensia yang datakng dari Yudea ke Antiokhia untok ngajaR kan jeRahan dia'k, modah, "Tek ken bon besunat sesuai dongan adat Musa, ken bon selamat." ² Tang ke ker yak Paulus ngan Barnabas ngadap pedebatan dongan sida'k. Lalu Paulus ngan Barnabas ngan uRang laetn, angkat nopat kan Penatua di Yerusalem untok betanya'k tnotang yak. ³ Sida'k yang diutos jemaat ke gereja-gereja melalui Fenisia dan Samaria dan diumom untok mantau uRang-uRang yang betobat. Sida'k mae'k kesukaan bakah ke semua jeRahatn. ⁴ Waktu sida'k datakng ke Yerusalem, sida'k disambut kan jemaat, rasul ngan Penatua, sida'k modah semua yang dah Tuhatn pulah ke sida'k. ⁵ Tetapi bebeRapai uRang yang pecaya'k, temasok uRang Farisi, bediRi lalu bekata, "Tok pontekng untok nyunat sida'k, sak sida'k nunak prator Musa." ⁶ Laga yak lah kan Penatua bekumpol untok mahas beRena yak. ⁷ Seudah bedebat banyak, Petrus bediRi ngan bingan, "Oi kan jeRahatn, ken panai ke yang bae'k yang Tuhan pulah pilehan yang bae'k disentaRa iketn, sak melalui mulotku, ninga kan kabar bae'k, lalu pecaya'k. ⁸ Tuhatn panai ke hati, udah besaksi k sida'k, more'k Roh Kudos, yang dah bekerja didalapm ken; ⁹ dan ia botn mulah pebedaan diantaRa kita, mulah ati sida'k beReseh ngan pecaya'k. ¹⁰ Bito'k ngapai ken ne nak nyuba Allah, ken se nak ngelotak kuk diatas liher mure'd, sementaRa ine'k umoh ken bon telaga nangokng? ¹¹ Tapi kita pecaya'k akan diselamat melalui kebae'k Yesus Kristus." ¹² URang banyak diapm sementaRa sida'k ninga Barnabas ngan Paulus bekesah tontang keajaiban Tuhatn yang dah keReja diantaRa bangsa-bangsa bukan Yahudi melalui sida'k dua. ¹³ Tang ke sida'k dah lopak bejantoh, Yakobus nyingol, joko'k ia, " Ooi kan jeRahatn, dingaku lok. ¹⁴ Simon dah bekesah ke kati ia nunjok ke kebae'k ia ke bangsa yang ukatn Yahudi dalapm nama ia. ¹⁵ Pekata nabi cucok dengan kata tok, maba'k dah tetules, ¹⁶ Seudah tok aku bebalek, aku kan mlah age'k kemah Daud, yang dah robah; Ku mulah ngan nyemoe'k ia gek, ¹⁷ supaya sida'k yang tesisa'k sak ngoga'k Tuhan, temasok uRang-uRang yang pecaya'k ke ia dalapm nama ia. ¹⁸ Tok yang jokok Tuhatn, yang dilaga kan sia seja'k mare'k. ¹⁹ KaRena yak, nuRot penapatku, kita bon peRolu ngaRu bangsa-bangsa ukatn Yahudi yang bebalek ke Tuhatn. ²⁰ Tapi kita akan nules ke sida'k bahwa sida'k onang nyemah kan dewa-dewa, dosa cabol, makatn kan beRona yang dikidah, ngan daRi daRah. ²¹ Untok Musa yang dah dikenal ditiap kota daRi mare'k ngan ia baca di laman-laman ibadah tiap aRi Sabat." ²² Tang ke dipantau bae'k dimata penatua ngan rasol, dengan seluRoh gereja, untok memileh Yudas yang ditimpai Baranabas, ngan Silas, yang mimpen gereja, yang ngirepm sida'k ke Antiokia dongan Paulus ngan Barnabas. ²³ Sida'k nules beto'k: "DaRi Rasol ngan Penatua, mpala tuha ken, untok Jemaat di Antiokia, Siaia ngan Sisilia: Salam! ²⁴ Kita dah ninga bahwa bebeRapa mensia yang bon kala'k dibore'k panai ukopm yak, nudi kami ngan nyusah iketn dongan pengajar yang ngaru ati ken. ²⁵ Seinga tok bae'k untok kita, sak sepokat mileh uRang-uRang ngan ngutos sida'k ke rong iketn beRota ngan Barnabas ngan Paulus, ²⁶ sida'k yang betaRoh nyawa dalapm Nama Tuhatn Kita Yesus Kristus. ²⁷ SementaRa kami ngirepm Yudas dak dua Silas, yang kan modah iketn hal yang sama lam caRa sida'k kedere'k. ²⁸ Laga beRona yak bae'k nuRot Roh Kudos jorak e, sak bon meban ken dongan hal-hal yang bon peRolu: ²⁹ yang ngaleh ken ke pemansakng baek daRi penyombah kan behala, daRah, binatakng-binatakng yang tecokak, daRi dosa pecabol. Tek iken nyoga dere'k ken daRi yak semua, yak bae'k bagi iketn. Selamat bepisah. ³⁰ Tang ke sida'k bepamet, sida'k nopakng Antiokia; ngan seudah sida'k ngumpol kan mensia banyak, sida'k ne nyeRah suRat yak. ³¹ Tang ke sida'k dah maca yak, sida'k gangak ngan teibor. ³² Yudas dak dua Silas, yang nabi ugak, ngeju sida'k dongan kata-kata ngan nguat ati sida'k. ³³ Tang ke sdia'k nang ngobes waktu berapai lama't di dia'k, sida'k ngirepm kan kabatn yang dah ngutos sida'k. [ ³⁴ Bandeng ngan Kis. 15:40 ] ³⁵ Tapi Paulus dak dua Barnabas diapm di Antiaokia ngan kan kabatn jerahatn, yang dah di ajaR ke Pekata Tuhatn. ³⁶ Tang ke dah beRapai aRi Paulus bingan ke Barnabas, " Kasa kita pulang bito'k lalu ngunjong kan jeRahatn di beRapai kota yang dah kita kesah ke Pekata Tuhatn, ngan kita mantau pai uba sida'k." ³⁷ Barnabas nak mae'k Yohanes yang ditimpai Markus. ³⁸ Tapi Paulus ngangap bon bae'k mae'k Markus, yang dah nudi sida'k di Fampilia yang bon lobeh jaoh namah sida'k lam pemansakng keReja yak. ³⁹ Lalu timol cekcok diantaRa sida'k, yang aker e misah sida'k, Barnabas nabeh Markus lalu merahu ke Siprus. ⁴⁰ Tapi Paulus mileh Silas, se udah diantaR kan kabatn, lalu nyeRah sida'h ke dalapm anugerah TUHATN. ⁴¹ Lalu sida'k ngelolo'k Siria Sisilia, menguatkan umat-umat.