¹ waktu nyak tejadi di Ikonium, Paulus dongan Bernabas sama-sama tama'k ke langkau semayakng Sinagoge Yahudi, bejantoh dongan uRang baRuguk banya'k, an urakng Yahudi dongan Yunani pecaya'k am. ² Tapi uRang Yahudi yang ongai pecaya'k ngangu pikeR bangsa laetn, sidak luat amat dengan kabatn jeRahatn nyak. ³ Bediam am sida'k diak cukop lama't, beRani bekesah anugerah Inyak. Ia mulah hal nyak makai mujizat-mujizat daRi jaRi Paulus dongan Barnabas. ⁴ Tapi kebanyak penduduk kota tabagi; sepiak sida'k setuju dongan uRang Yahudi, tapi sepiak setuju dongan sida'k rasul. ⁵ Waktu nyak kedua piak beRusaha untok mempengaroh pemimpetn sida'k untok ngelanyoR dan nuhok Paulus dongan Barnabas. ⁶ Sida'k dua udah paham udahnyak bedaRi ke kota Likaonia, yaitu Listra dongan Derbe dan sekitar, ⁷ dan sida'k totap mengabaR Injil. ⁸ Di Listra ada siko'k laki-laki age'k dudok, kaki lomah layo'k, udah cacat dari dalapm poRot inai e, upatn kalak bejalatn. ⁹ Ia ninga Paulus age'k bejantoh. Paulus nyinek mata inya dan panai ngecolek ia beiman dan panai somoh. ¹⁰ Ia modah dongan suaRa bakah " bediri dongan kaki kau". ORang Nyak namong udah nyak bejalatn koto'k koya'k. ¹¹ Waktu sida'k mantau apai nang dipulah Paulus, sida'k ngoRa mangkas dongan bahasa Likoania " Sida'k Dewa udah turotn ke oRong kita uba'k mensia". ¹² Sida'k nimpai Barnabas Zeus dongan Paulus Hermes, kaRena Paulus tukakng omong. ¹³ Imam Dewa Zeus nang kuel e di oRokng luaR kota mae'k lembu-lembu laki dongan kaRakng bunga ke pintu gerbakng; ia dongan sida'k banyak ona'k more'k koRobatn. ¹⁴ Waktu sida'k Rasul Barnabas dongan Paulus ninga beRita nyak, sida'k nyabik-nyabik baju solowar udah nyak copat-copat nopat mensia nang beRugok banyak, ngora. ¹⁵ Dan bepodah, oi iketn banyak, ngapai iketn gak ngelaga uba'k inyak? Kami mensia ada peRasaan uba'k iketn gak. Kami mae'k beRita baek, udah am iketn ngelaga nang bon sik roti alor ke Tuhatn yang idop, nang mulai tanah aRai, langet, bumi dan semua ise'k e. ¹⁶ Zoman lolu e, Ia ngatuh seluRoh bangsa-bangsa idop uba'k kengonak sida'k kedere'k. ¹⁷ Walaupun uba'k nyak, Ia abotn ngelopas gona tanpa saksi, Ia juga more'k yang baek, nutus hujatn daRi saRuga, dongan peRoma buah bebuah, monoh ati iketn dongan pemakatn dan penyenang. ¹⁸ Bahkan dongan kata inyak, Paulus dongan Barnabas abotn taga nahan mensia banyak more'k koroban ke sida'k dua. ¹⁹ Tapi bebeRapai iko'k uRang Yahudi daRi Antiokhia dongan Ikoanium datang lalu mempengaRoh uRang banyak. Sida'k banyak nuhok Paulus pakai batu lalu ngaser inya keluar kota, sida'k miker ia udah mati. ²⁰ Namun seketika iyak sida'k mure'd age'k bediRi ngumang inya, ia bediRi dan bejalatn tama'k kota. Obok-obok e, ia angkat lage'k ke Derbe boRota dongan Barnabas. ²¹ Abes sida'k bapodah tontang Injel oRong kota nyak, dongan udah napat banyak mure'd, sida'k babalek age'k ke Ikoanium dongan Antiokhia. ²² Sida'k menguat semongat kabatn mure'd dan ngatuh sida'k untok toRos dalapm iman, dan bapodah " kita haRos tama'k ke Kerajaan Allah melalui banyak penderitaan". ²³ Waktu sida'k udah nunyok pemimpetn sida'k di tiap gereja, dan udah bedoa, dan bepantakng, sida'k nyorah kabatn mure'd ke Tuhatn, nang sida'k udah pecayak. ²⁴ Sudah nyak sidak angkat lewat Pisidia dongan Pamfilia. ²⁵ Waktu sida'k udah nyampai Firman di Perga, sida'k turotn ke Atalia. ²⁶ DaRi iyen sida'k belayaR ke Antiokhia, tompat sida'k udah beseRah ke anugerah Allah untok pekerjaan yang udah tomo'k. ²⁷ Waktu sida'k sampai di Antiokhia dan bagunong beRugok di gereja, sida'k bapodah segala hal yang Tuhatn udah pulah ke sida'k, dan sida'k juga udah muka'k pintu iman untok bangsa-bangsa bukatn Yahudi. ²⁸ Sida'k barugok bagunong dongan kabatn mure'd untok waktu yang lama't.