Pasal 9

2 Panghakiman tahadap Bangsa-Bangsa Lain Antuhan ilahi. Firman Tuhan hawi hamau negri Hadrakh di Damsyik, sa angaran matjari uneng panunnuk. Ulah, kaluhan mate marasia di kaluhan suku Israel tatuju ga Allah. Gin Hamat sa baparawuyan pahengaue, di Tirus di Sion, belesa here tuu bijaksanan. Tirus napinri bemeng ga arepe di ngubun perak samehdi dabu di amas, samehdi boek ta lalan. Sasatuue, Tuhan angaran ngulahe susah di mangkung kakuatane ta laut, Balalu aye angaran nakuta galis ulah apui Askelon mat nginnie, balalu matjari koiehei, Gasa angaran matjari keketer di gin Ekron, ulah harapane haot soot. Raja Gasa angaran binasa di Askelon bakoi angaran nauneng lagi. Katurunan sampuran angaran muneng ta Asdod, di Aku angaran nyanawoh kasakah ulun Filistin. Aku angaran manyingke ira neke wawae di kasanriki neke antara dipene. Here sa patanan angaran matjari ampun Allah takam di samehdi pamimpin kaum ta Yehuda. Ulun Ekron Ulun Ekron angaran samehdi ulun Yebus ulun Yebus. Aku mat bakemah ta rite lewu-Ku jari tantara matsa bakoi naan isaulun gin sa itah langkah . Bakoi angaran naan lagi panindasan nangkahe, ulah awukiti Aku karaerai nyampininge. Raja Sa Mat Hawi Basuraklah pahengau mehet, hai Putri Sion! Basurak-sorailah, hai Putri Yerusalem! Innilah, Rajanu hawi gahanyu; Aye adil di manyalamatkan, rannah atei di nungang isakaikui keledai, isakaikui keledai iya. 0 Aye angaran nyanawoh kareta-kareta neke Efraim, di kuda-kuda neke Yerusalem. petan prang angaran nasantepu. Aye angaran mawara damai sajahtra ga bangsa-bangsa. Uneng kakuasaane angaran luas neke laut hampe ga laut, neke Hungei Efrat hampe ga pusing bumi. Tuhan Angaran Manyalamatkan Umat-E 1Manganai hanyu, ulah gana ira perjanjian-Ku pahengau hanyu , Aku angaran ngalapas ulun-ulun tahanannu neke tolong sa bakoi baranu. 2Walenglah ga bemengnu, hai para tahanan sa penu harapan! Ta anrau iti, Aku mawara gahanyu gana Aku angaran mambayar karugiannu rueh kali lipat! 3Sasatuue, Aku angaran nampaleme Yehuda samehdi petan di ngisie pahengau Efraim. Aku angaran namuan anak-anaknu, hai Sion, Mat nawan anak-anaknu, hai Yunani. Aku angaran nampajari hanyu samehdi pedang isaulun pahlawan. 4 TUHAN angaran nyantarang arep ga here, di anak-anak panah-E angaran lajang samehdi kelat. Tuhan Allah angaran nyiwui sangkakala, di angaran takia maju huang riwut barat neke selatan. 5Tuhan samesta alam mat malindungi here. Here angaran nangalis di ngiik-narah watu-watu umban. Here angaran ngoot ira samehdi anggur di matjari penu samehdi tagayan pawuwui, samehdi panjuru-panjuru mezbah. 6TUHAN, Allah here, angaran manyalamat here ta anrau hio samehdi sawayan domba umat-E. Bujur, here samehdi permata-permata mahkota sa mangkilat, ta tane-E. 7Bujur, labih maehe! di labih segahe! Kawan iya angaran bahante hinang ulahgana gandum di nakia mea ulahgana anggur.