Hawilah firman TUHAN samesta alam, lengane, "Kalaitilah firman TUHAN samesta alam: Aku ngadidit ulah Sion pahengau kadidit sa hante. Aku ngadidit diaye pahengau panyangit sa hante." Kalaitilah firman TUHAN, "Aku angaran waleng ga Sion di angaran muneng ta penah-penah Yerusalem. Yerusalem angaran naantuh Kota Satia, sadangkan gunung TUHAN samesta alam angaran naantuh Gunung Barasih." Kalaitilah firman TUHAN samesta alam, "Angaran naan lagi kakah-kakah di itak-itak maharung ta lalan-lalan ta Yerusalem, masing-masing negei tungkeh ta tangane ulah matueh umure. Lalan-lalan ta kota hio angaran penu pahengau nakia laki di nakia wawei sa bangang ta hio." Kalaitilah firman TUHAN samesta alam, "Amun ta awuk hio le'e-le'e bangsa iti baanggapan masalah hio ajaib, inunkah Aku gin nganggape ajaib? Firman TUHAN samesta alam." Kalaitilah firman TUHAN samesta alam, "Sasatuue, Aku angaran manyalamatkan umat-Ku neke uneng baluae mateanrau hampe letenge. Aku angaran nunna here mudi, mat here muneng ta penah-penah Yerusalem. Maka, here angaran matjari umat-Ku di Aku angaran matjari Allah here huang kasatiaan di kebenaran." Kalaitilah firman TUHAN samesta alam, "Kuatbolah ateinu, hai ulun-ulun sa salawah iti ngarengei firman iti, ayehio firman sa naantuh ulah wawa para nabi neke mulai lewu TUHAN samesta alam naannak mat namuan Bait Suci hio. 0 Sasatuue, samete awuk hio, bakoi naan upa ga marasia, gin bakoi ga satua. Bakoi naan ulun sa balua di ga ulun sa suluk, ulah Aku ngulah kaluhan marasia palakat isaulun pahengau sa lain. 1 Tatapi, awukiti, Aku bakoi angaran ngulah le'e-le'e umat iti samehdi ta awuk ari, kalahiolah firman TUHAN samesta alam. 2 Pangkan angaran nahamur pahengau damai. Kakau anggur angaran bawua, tane angaran ngammi hasil, di langit angaran nampetak ammun. Aku ngulah le'e bangsa iti mawarisi kaluhane. 3 Ulah hio,samehawe hanyu ariyo matjari kutuk ta antara bangsa-bangsa, hai kaum Yehuda di kaum Israel, maka awukiti Aku angaran manyalamatkan hanyu sahampe hanyu matjari berkat. Adabo takut, kuatbo ateinu!" 4 Kalaitilah firman TUHAN samesta alam,"Belesa Aku bamaksud nampahawi malapataka ga hanyu awuk datu nininu ngele kasangit-Ku, Aku bakoi manyasal, " firman TUHAN samesta alam. 5"Kalahio lei, ta anrau iti, Aku bamaksud nampahawi kakaeh ga Yerusalem di kaum Yehuda. Ada takut! 6Eha-eha itilah sa angaran hanyu gawi:Bapanerlah wuah isaulun tahadap sa lain, di gawilah hukum sa wuah di sa nampahawi kadamaian ta manawang- manawang gerbangnu. 7 Ada ngarayang kajahatan ta huang ateinu isaulun tahadap sa lain, di ada mancintai sumpah palsu. Ulah, kaluhane hio Kumarikang," kalahiolah firman TUHAN. 8 Hawilah firman TUHAN samesta alam gaaku. 9 Kalahiolah firman TUHAN samesta alam,"Awuk puasa ta wulan kaepat, ta wulan kadime, Wulan kapitu, di wulan kasapuluh mat jari kaeson di kasanang, di anrau pesta sa ramiraya ga kaum Yehuda. Ulah hio, sintailah katu'u di damai sajahtra!" 0 Kalaitilah firman TUHAN samesta alam, "Tatap angaran hawi lagi bangsa-bangsa di pamuneng ajoh kota. 1 Pamuneng kota sa isa angaran tulak ga pamuneng kota lain nelang ngantuh, 'Ayu takam tulak lako kakaahi TUHAN di ngalupui TUHAN samesta alam! Aku gin angaran tulak! ' 2 Ajoh suku bangsa di bangsa-bangsa sa kuat angaran hawi ngalupui TUHAN samesta alam ta Yerusalem di lako kakaahi-E." 3 Kalaitilah firman TUHAN samesta alam, "Ta awuk hio, sapuluh ulun neke awe-awe bangsa di bahasa angaran negei pisit-pisit pusing jubah isaulun Yahudi nelang ngantuh, kami kakan tulak nengaunu, ulah kami haot ngarengei gana Allah nengau hanyu!"