Ta taun kaepat pamerintah Raja Darius, hawilah firman TUHAN ga Zakaria ta tangal epat wulan gakasuwei, ayehio wulan Kislew. Ta ganyah hio, pamuneng Betel haot ngutus Sarezer di Regem-Melek pahengau ulun-ulune mat ngalako ahi lelu TUHAN, pahengau nyantane ga para imam ta lewu TUHAN samesta alam di ga para nabi, "Haruskah kami nangis di ngahusus arep ta wulan kadime parcis sa haot kami gawi bataun- taun lawahe?" Balalu, hawilah firman TUHAN samesta alam gaaku, lengane, "Antuhlah ga kaluhan pamuneng negri di para imam: Awuk hanyu bapuasa pahengau tuu-tuu di ngariet ta wulan kadime di kapitu, salawah 70 taun iti, inunkah hanyu tuu-tuu bapuasa matga aku? Ta awuk hanyu kuman di ngoot, bakoisa hanyu kuman di ngoot arepnu karaerai? Bakoisa firman iti haot nahampe TUHAN pahengau nangkah para nabi saduhulu awuk Yerusalem lagi natanan di lagi makmur, pahengau kota-kota ta sakalilinge, di Tane Negeb di daerah lagi natanan?" Firman TUHAN hawi ga Zakaria, lengane, "Kalaitilah firman TUHAN samesta alam, Jalani hukum sa wuah , tutuilah kasetiaan di ahi lelu isaulun tahadap sa lain! 0Adalah nindas walu-walu, nakia-nakia yatim, ulun-ulun asing, di ulun susah. Ada ngarancana kajahatan ta huang ateinu isa tahadap sa lain. 1Tatapi, here bakoi kakan ngahirau, maling lutuk jari nawan, di ngantep silue mat bakoi ngarengei. 2 Here nangkape atei here samehdi watu intan mat bakoi ngarengei hukum di firman sa nahampe TUHAN samesta alam netei roh-E pahengau nangkah para nabi sahahaote. Ulah hio, hawilah kasangit sa hante neke TUHAN samesta alam. 3 Samehdi here sa bakoi ngarengei ta awuk naherau, kalahiolah Aku bakoi ngarengei ta awuk here nerau, firman TUHAN samesta alam. 4 Ulah hio, Aku angaran nampisahpisah here samehdi riwut barat ta antara hadi bangsa sa bakoi here kataru. Negri sa here tanan angaran matjari suni benyem sahampe bakoi naan itah-langkah ta onoi. Kalahiolah here ngulah negri sa segah hio matjari uneng sa suni benyem."