Pasal 5

Aku waleng ngalayang tantawanku, aku nginni, tenalah epat kareta timul neke antara rueh gunung. Gunung-gunung hio ayelah gunung-gunung tembaga. Kareta partama natarik ulah kuda-kuda mariang, kareta karueh natarik ulah kuda-kuda maintem. Kareta katelu natarik ulah kuda-kuda mahilak, di kareta kaepat natarik ulah kuda babintik -- kaluhane kuat-kuat. Balalu, aku nyantane ga malaikat sa bapaner diaku hio, Inunkah arti kaluhan iti, tuanku?" Malaikat hio nuing aku, "Keepat kareta iti balua neke arah epat mate riwut, sahaot here ngahadap ga Tuhan kaluhan bumi." Kareta sa natarik kuda-kuda maintem balua ga Tane Utara, kareta sa natarik kuda-kuda mahilak nutah neke wading lutuk nuju ga arah barat, kareta sa natarik kuda babintik balua nuju ga Tane Selatan. Balalu, kuda-kuda mariang balua, here tena bakoi sadar di tulak ngitar bumi. Aye ngantuh, "Tulaklah, kitarlah bumi!" Here bulu tulak ngitar bumi. Balalu, malaikat hio ngeau gaaku, "Inni, here nuju ga Tane Utara mat manenangkan roh-Ku ta Tane Utara." Imam Yosua Kahaba Mahkota Hawilah firman TUHAN gaaku, Kalahio: 0"Alaplah persembahan neke ulun-ulun umpean, ayehio neke Heldai,Tobia, di Yedaya, sa bio bo hawi neke Babel,balalu tulaklah hanyu ta anrau iti ley ga lewu Yosia anak Zefanya. 1Alaplah perak di amas, ulahlah mahkota, balalu annaklah ga hamau ulu imam hante Yosua anak Yozadak. 2 Antuhlah gaaye, kalahiolah firman TUHAN samesta alam, 'Itilah ulun sa baaran Solok. Aye angaran nyolok neke unenge, di angaran namuan waleng Bait TUHAN. 3 Aye sa angaran namuan Bait TUHAN, di sa angaran narime kemuliaan . Aye mat maharung mamerintah ta hamau tahtae. Ta tuhi kawane angaran naan saulun imam di kaitan damai angaran naan ta antara here rueh. 4 Mahkota hio naan ta huang Bait Suci TUHAN jari tanna pangingat ga Heldai, Tobia, Yedaya, di Yosia, anak Zefanya. 5 Ulun-ulun neke lawit angaran hawi mat napinri Bait Suci TUHAN. Hanyu angaran ngarasa ulah TUHAN samesta alam sa ngutus aku gahanyu. Masalah iti angaran tarjadi, amun hanyu pahengau tuu-tuu ngarengei lengan TUHAN Allahnu."