Aku ngalayang tantawanku lagi di tena isa gulungan kitab sa samiding. Aye ngantuh gaaku, "Inunkah sa hanyu inni?" Tuingku, "Aku nginni isa gulungan kitab sa samiding, amaue 20 hasta di lebare 10 hasta." Balalu, aye ngantuh gaaku, "Itilah kutuk sa balua manimpa kaluhan negri. Kaluhan ulun sa ngalat mat nasingkir manurut tulisan ta lapeh sa isa, di satiap ulun sa basumpah nasingkir sasuai pahengau tulisan ta lapeh lain. Aku haot nunyue balua, firman TUHAN samesta alam. Kutuk hio mat suluk ga huang lewu pangalat palus ga huang lewu ulun sa basumpah sarapah demi aran-Ku. Kutuk hio mat mamalem ta huang lewu here di nyanawohe, maeh kayue hadi watu-watue." Wawei di Gayung Hawilah malaikat sa bapaner pahengauku hio di ngantuh, "Kiratlah matenu di innilah inun sa timul hio!" Aku nyantane, "Inunkah hio?" Tuinge, "Isakawua suntang." Lagi eaue, "Itilah kajahatan here ta kaluhan negri!" Innilah, tutup timah suntang hio paenat, di tainni isaulun wawei maharung ta penah-penah suntang hio. Ngantuhlah malaikat hio, "Hiolah kafasikan!" Balalu, najujuelah wawei hio waleng ga huang suntang di napepaielah watu timah hio ga wawa suntang. Sahaot hio, aku ngirat mateku di aku nginni tena rueh ulun wawei sa kalekepe najuju ulah riwut. Kalekep here parcis wurung ranggung wurung ranggung. Here ngenat suntang hio ta antara langit di bumi. 0 Balalu, aku nyantane ga malaikat sa bapaner diaku hio, Ga awekah here nuna suntang hio?" 1 Tuinge gaaku, "Ga tane Sinear mat napinri isakawua lewu ga wawei hio. Udi kaluhan jari, aye mat natampauneng ta onoi, ta unenge karaerai."