Walenglah malaikat sa bapaner pahengauku hio, balalu ngele aku, samehdi isaulun sa naele neke anree. Aye nyantane gaaku, "Inun sa nu inni?" Tuingku, "Aku nginni isakawua kandil kandil, kaluhane naulah neke amas, pahengau uneng ilaue ta hamaue. Naan pitu palita ta kandil pahengau pitu corong ilau ta bagian hamaue. Rueh kakau zaitun naan ta ritee, isa ta tuhi kawan uneng ilau hio di isa ta tuhi kawie." Balalu, aku nyantane ga malaikat sa bapaner diaku hio, "Inunkah arti kaluhan iti, tuanku?" Tuing malaikat hio gaaku, "Bakoikah hanyu karasa inun arti kaluhan iti?" Tuingku, "Bakoi, tuanku!" Balalu, aye bapaner gaaku, "Itilah firman TUHAN ga Zerubabel, 'Bakoi pahengau kagagahan di bakoi pahengau kakuatan, koilain pahengau Roh-Ku,' firman TUHAN samesta alam. Hiekah hanyu, hai gunung sa hante? Tahadapan Zerubabel, hanyu angaran matjari tane sa rata. Aye angaran nuna balua watu paratama nelang ngantuh: Maeh! Maeh tatuu watu hio!" Udihio, inaulah firman TUHAN lagi gaaku, kalahio, "Tangan Zerubabel haot ngannak paung lewu iti, di tangane ley sa angaran nyanarie. Pahengau kalahio, hanyu angaran ngarasa ulah TUHAN Allah samesta alam haot ngutus aku gahanyu. 0Ulah, hie sa nginni hina anrau neke kajadian-kajadian halus, here angaran kaeson awuk nginni watu pidian ta tangan Zerubabel. Kapitu palita iti ayelah mate TUHAN, sa nampuh kaluhan bumi." 1Balalu, aku nyantane gaaye, "Inunkah arti karueh kakau zaitun sa naan ta tuhi kawan di tuhi kawi kandil hio?" 2Mat karueh kalie, aku nyantane gaaye, "Inunkah arti karueh paka kakau zaitun sa naan ta lapeh karueh pipa amas hio?" 3Tuinge gaaku, "Bakoikah hanyu karasa inun arti kaluhan iti?" Tuingku, "Bakoi, tuanku!" 4Balalu, aye ngantuh, "Itilah karueh ulun sa napidi, sa minri ta rite Tuhan kaluhan bumi!"