Pasal 3

Sahaot hio, aye nyantarang gaaku imam hante Yosua imam hante Yosua sa minri ta hadapan malaikat TUHAN, samantara Iblis minri ta tuhi kawane mat nuduh aye. Ngantuhlah TUHAN ga Iblis hio, "TUHAN nampahulu hanyu, hai Iblis! TUHAN sa middi Yerusalem, nampahulu hanyu! Bakoikah aye iti raan kayu sa haot na jujut neke Apui?" Naansa Yosua nuwe pakaian sa bere awuk aye minri ta hadapan malaikat hio. Balalu, malaikat hio ngantuh ga here sa minri ta hadapane, "Uka pakaian sa bere hio neke aye." Aye ngantuh lei ga Yosua, "innilah, aku haot nampalawit kahala neke hanyu, di aku angaran nuwe pakaian pesta gahanyu." Balalu, aku ngantuh, "pakailah lawung lawung sa suci ta hamau ulue!" Balalu, here ngannak lawung sa suci hio ta ulue di nuwe pakaian gaaye, samantara malaikat TUHAN minri ta hio. Malaikat hio ngami jaminan ga Yosua, eaue: Kalahiolah firman TUHAN samesta alam, amun hanyu welum manurut lalan-lalan sa Kututui di ngagawi kawajiban sa haot Kuami gahanyu, hanyu angaran mamarintah ta Lewu-Ku di mangurus sampatai-Ku. Aku angaran ngalewa hanyu suluk ga antara here sa minri malayani ta iti. Rengeilah, hai imam hante Yosua! Hanyu di hengau-hengaunu sa maharung ta hadapannu -- bujur, hanyu anggap isa lamang. Sasatuue, Aku angaran nampahawi hamba-Ku, Sa Solok. Ulah, sasatuue, haot Kuannak ta hadapan Yosua, isa permata sa bamate pitu. Sasatuue, Aku angaran ngulah ukiran ta hamaue, firman TUHAN samesta alam, Aku angaran ngahapus kahala negri iti huang 1 anrau bo." 0 Ta anrau hio, firman TUHAN samesta alam, "Satiap ulun neke hanyu angaran mangundang hengaue maharung ta kapit kakau anggur di ta kapit kakau ara."