aku ngenat mateku di nginni, sasatuue isaulun negei tadi pangukur ta tangane. Aku nyantane, "Ga awe hanyu mat tulak?" Tuinge gaku, "Ga Yerusalem, mat ngukure, mat ngarasa pire lebar di amaue." Sasatuue, malaikat sa bapaner pahengauku hio takia maju di malaikat lain takia maju ngaritee, di ngantuh gaaye, "Lempatlah, antuhlah ga pamuda hio, 'Yerusalem angaran minri samehdi tumpuk bakoiba bemeng ulah ajohe marasia di satua ta huange. Aku karaerai angaran matjari bemeng apui ta sakalilinge,' Kalahiolah firman . TUHAN Aku angaran matjari kamuliaan ta penah-penahe." Allah Nerau Umat- E Mudi "Ayu! Ayu! Lempatlah neke tane Utara," kalahiolah firman TUHAN. "Ulah, Aku haot nampisahpisahe hanyu ga arah epat mate riwut," kalahiolah firman TUHAN. "Ayu, Sion! sanapaslah arepnu, hai hanyu sa muneng ta Putri Babel! Ulah, kalaitilah firman TUHAN samesta alam, sa huang kemuliaan-E haot ngutus aku ga bangsa-bangsa sa haot nyarah hanyu, ulah hie sa mayantuk hanyu baarti manyantuk insoi mate-E, "Sasatuue, Aku angaran ngagarak tangan-Ku tahadap here, here angaran matjari sarahan ga ulun-ulun sa duhulu tunnuk ga here." Pahengau kalahio, hanyu angaran ngarasa ulah TUHAN Allah samesta alam sa mangutus aku. 0" Hai putri Sion, basananglah di basurak-sorailah. Sasatuue, Aku angaran hawi di muneng ta penah-penahnu," firman TUHAN. 1 Ta awuk hio, ajoh bangsa angaran ngagabung arep ga TUHAN di angaran matjari umat-Ku. Aku angaran muneng ta penah-penahnu sahampe hanyu angaran ngarasa ulah TUHAN Allah samesta alam sa mangutus aku gahanyu. 2 TUHAN mat ngalap Yehuda jari bagian ampun-E, ta tane sa barasih, di Aye angaran mitdi Yerusalem. 3 Hai kaluhan marasia, ngabenyem areplah ta hadapan TUHAN, ulah Aye haot buan neke uneng muneng-E sa barasih.