Pasal 1

Ta wulan ka walu taun karueh pamerintahan Raja Darius, hawilah firman TUHAN ga Nabi Zakaria, anak berekya, anak Ido, lengane, "Tuhan tuu marikang ga datu nininu. Ulah hio, eaubolah ga here: kalaitilah firman TUHAN samesta alam,'Walenglah gaKu,'kalahiolah firman TUHAN,'maka Aku angaran waleng gahanyu,'firman TUHAN samesta alam. Adalah samehdi datu nininu. Para nabi sadahulu haot ngantuh gaaye, eaue: Kalahiolah firman TUHAN samesta alam, bapalinglah neke lalan welumnu sa jahat di neke ulahan-ulahannu sa jahat! Tatapi, here bakoi kakan ngarengei di bakoi mahirau Aku, firman TUHAN. Ta awekah here, datu nininu? Inunkah para nabi welum salawah-lawahe? Bakoikah firman di katatapan sa haot Kuparintahkan ga hamba- hamba-Ku para nabi haot hampe ga datu nininu? Balalu, here batobat di ngantuh, "TUHAN samesta alam haot mambalas takam sasuai pahengau kalakuan di ulahan-ulahan takam, kalahiolah Aye ngulah tahadap takam!" Epat Kuda Ta anrau sa karuampulu epat wulan kasablas, ayehio wulan sebat, ta taun karueh pamarintahan Raja Darius, hawilah firman TUHAN ga Nabi Zakaria, anak Berekya, anak Ido, lengane, "Ta kamalem anrau, aku ngini isaulun laki nungang kuda mariang! Aye minri ta helang kakau-kakau murad huang jurang, samantara ta wadinge naan kuda-kuda mariang, coklat kamariang, di mahilak. Aku yantane, "Inunkah arti kaluhan iti, u tuanku?" Malaikat sa bapaner pahengauku manjawab, "Aku angaran nyantarang gahanyu arti kaluhan iti." 0 Ulun sa minri ta helang kakau-kakau murad hio ngeau, "Here nautus TUHAN mat manjalajah bumi." 1Here bapaner ga malaikat TUHAN sa minri ta helang kakau-kakau murad hio, eaue, "Kami haot manjalajah bumi. Satuue, kaluhan bumi aman di tenang." 2Balalu, malaikat TUHAN ngantuh,"U TUHAN samesta alam, papire lawah lagi Hanyu bakoi kaahi ga Yerusalem di kota-kota Yehuda sa Hanyu haot maruka tahadape salawah 70 taun?" 3 TUHAN manjawab malaikat sa bapaner gaaku hio pahengau kata-kata sa maeh di mahibur 4 Malaikat sa bapaner pahengauku hio ngantuh gaku, "Antuhlah, firman TUHAN samasta alam, Aku tatuu ngadidit tahadap Yerusalem di Sion. 5 Tatapi, Aku tatuu maruka ga bangsa-bangsa sa nginam dirie welum aman. Awuk Aku maruka dutik bo, here haot nampalua kajahatan. 6 Ulah hio, kalahiolah firman TUHAN, "Aku mat waleng lagi ga Yerusalem pahengau kaahi. Lewu-Ku mat natamuan ta onoi, firman TUHAN samesta alam, di tadi pangukur angaran nakansang lagi ta hamau Yerusalem. 7 Hinra lagi antuhlah, firman TUHAN samesta alam: Kota-kota-Ku mat nalimpahi pahengau kamakmuran. TUHAN angaran mahibur Sion di angaran midi Yerusalem." Epat Tanruk di Epat Tukang Wasi. 8 Aku ngenat mateku, balalu aku nginni epat tanruk. 9 Aku nyantane ga malaikat sa bapaner pahengauku, "Inunkah arti kaluhan iti?" Tuinge gaku, "Itilah tanruk-tanruk sa haot manyarah Yehuda, Israel, di Yerusalem." 0 Balalu, TUHAN nyantarang gaku epat tukang wasi. 1 Balalu, aku nyantane, "Inunkah sa angaran nagawi ulun-ulun sa hawi hio?" Tuinge, "Itilah tanruk-tanruk sa haot manyarah Yehuda sahampe bakoi isaulun gin ehei ngenat ulue. Ulun-ulun iti hawi mat nyangkemah here, mat medak tanruk bangsa-bangsa sa haot ngenat tanruk ga tane Yehuda, mat manyarahe."