Lakolah uran ga TUHAN ta pangalis wayah semi! TUHAN sa ngulah jaun-jaun panuna uran mehen, di uran labat mat naammi ga here di pamule-pamule ta padang ga satiap ulun. Ulah, terafim ngantuh kajahatan, tukang-tukang tenun nena panginni namposo, di ngesah upi-upi oso, hadi ngammi panghiburan sa sia-sia. sasatuue, bangsa hio bakaliaran sameh sawayan domba di mandarita ulahgana bakoi naan ampu. "Rikang-Ku malelap-lelap tahadap hadi ampu di Aku angaran nukum sawayan kaming! TUHAN samesta alam angaran nyampining sawayan kaming-E, ayehio kawan katurunan Yehuda, di angaran nampajari here jari kuda-kuda kaagungan-E huang paperangan. Neke antara here angaran timul watu panjuru di neke here angaran timul patuk-patuk kemah, neke here mat timul petan prang, neke here angaran timul kaluhan panguasa bahayak-hayak. Here angaran samehdi pahlawan-pahlawan sa ngiik-narah musuh, samehdi boek ta lalan-lalan. Here angaran baprang, gana TUHAN nampahayak here, di here angaran ngulah mangan ulun-ulun sa ngajalan kuda. Aku angaran ngulah kawan katurunan Yehuda matjari kuat, di Aku angaran manyalamat kawan katurunan Yusuf. Aku angaran nunna here waleng, sasatuue Aku kaahi here, here angaran matjari ulun-ulun sa sameh-sameh bakoi pahinra Kuumpe ulah Akulah TUHAN, Allah here, di Aku angaran nuing here. Efraim angaran samehdi isaulun pahlawan, atei here angaran baraeson samehdi isaulun ngoot anggur. Anak-anak here angaran nginnie di baraeson, atei here angaran basurak-surak gana TUHAN. Aku angaran nerau here pahengau nakode di ngumpul here, gana Aku haot newuh here. Here angaran batamah ajoh sakalaawe jumalah here duhulu ajoh. Belesa aku haot manyarah here ga antara bangsa-bangsa, ta uneng-uneng sa lawit, here angaran ngitung Aku. Here angaran welum sasameh pahengau anak-anak here, di here angaran waleng. 0 Aku angaran nunna here waleng neke tane Mesir, di Aku angaran ngumpul here neke Asyur. Aku angaran nunna here suluk ga tane Gileat di ga Lebanon, hampe bakoi naan lagi uneng matga here. 1 Here angaran ngitar laut mahelet di ngompak umak-umak laut sahampe kaluhan uneng sa lalem ta Hungei Nil matjari karing. Kasakah Asyur angaran nasanruntun di tungkeh karajaan Mesir angaran natampalawit. 2 Aku angaran manguat here ta huang TUHAN, di here angaran takia ta huang aran-E," kalahiolah firman TUHAN.