Pasal 11

Hai Lebanon, ukalah manawang-manawangnu mat apui kaiyuh nguta kakau-kakau arasnu! Marapetlah, hai kakau-kakau sanobar ulah kakau aras haot tempong. Kakau-kakau hante haot nawunu! Lalunguilah, hai kakau-kakau sanobar ulah kakau aras haot naratakan! Rengei lalungui kawan gembala ulah kemuliaan here haot nasanruntun! Rengei angang singa-singa ulah tayap Hungei Yordan haot nasanawoh. Kalaitilah firman TUHAN, Allahku, "Gembalakanlah sawayan domba samalisan hio! Ulun-ulun sa midie nyamalis di bakoi nahukum, di ulun-ulun sa matange ngantuh, 'Tapujilah TUHAN, Aku sugih!' Gembala-gembalae karaerai bakoi kaahi tahadap domba-domba here. Ulahgana, Aku bakoi lagi ngalelu pamuneng bumi, firman TUHAN. Sasatuue, Aku Angaran nyarah asing-asing ulun ga tangan sasamehe di ga tangan rajae. Here angaran nampalenuh bumi, di Aku bakoi angaran ngalapas isaulun gin neke tangan here." Pahengau kalahio, Aku angaran mangambalakan sawayan domba samalisa hio matga pamatang-pamatang domba. Aku ngalap rueh tungkeh, sa isa Kuulaharan 'kamurahan', di sa lain Kuulaharan 'hurukan', balalu Aku mangambalakan domba-domba hio. Huang isa wulan, aku nyingke telu kaulun gembala, ateiku bakoi sabar lagi tahadap domba-domba hio, di here gin ngingkam marikang tahadap aku. Balalu, Aku ngantuh, "Aku bakoi hakun lagi mangambalakan hanyu, sa matei elahlah matei, sa jawoh elahlah jawoh, di sa masih muneng elahlah nguta lunek hengaue." 0 Aku ngalap tungkehku, ayehio 'Kamurahan', balalu nyantepue mat ngabatal parjanjian sa haot Kuhuruk pahengau hadi bangsa. 1 Jari, parjanjian hio batal ta anrau hio sahampe pamatang-pamatang domba sa ganyah nyampining aku karasa ulah hio ayelah firman TUHAN. 2 Balalu, aku ngantuh ga here,"Jaka manurutnu maeh, ammilah aku upa. Jaka bakoi,elahe bo!" Balalu here manimang 30 keping perak jari upaku. 3Tatapi, TUHAN bafirman gaaku, "Sarahbolah hio ga panuang logam!"--ayehio uman taentu sa here nilai gaaku. balalu, aku ngalap 30 keping perak hio di manyarahe ga panuang logam ta lewu TUHAN. 4 Udihio, aku nyantepu tungkeh sa karueh, ayehio 'hurukan', mat nyamitus jalahan antara Yehuda di Israel. 5 Sahaot hio, TUHAN bafirman gaaku, "Alaplah hinra lagi barangbana isaulun gembala sa ngangar! 6 Gana, sasatuue Aku angaran namuan ta negri iti isaulun gembala sa bakoi paduli sa jawoh, sa bakoi angaran ngalupui sa tawang, sa bakoi angaran nangkaoh sa batan, sa bakoi angaran ngurus sa sehat,malahan sa angaran nguta lunek domba sa ponok di mubut kuku here. 7 Salakalah gembala-Ku sa ngangar, sa nanan domba-dombae! Elahlah pedang wuah penang di mate kawane! Elahlah penange karing sakaring-karinge, di mate kawane kabus sakabus-kabuse!"