Itilah firman TUHAN manganai Israel. Bafirmanlah TUHAN sa nyawalang langit, ngannak lapik bumi, di manciptakan roh ta huang marasia, "Sasatuue, Aku nampajari Yerusalem matjari pasu pasu sa mamabukan hadi bangsa ta sakalilinge, gin Yehuda angaran ngalami kasusahan katika Yerusalem tasasah Ta awuk hio, aku angaran nampajari Yerusalem watu pikulan basing hadi bangsa. Hiye sa ngenate angaran batan mehet. Hadi bangsa ta bumi angaran bakumpul mat manyarange. Ta awuk hio, kalahiolah firman TUHAN, Aku angaran ngulah kaluhan kuda matjari bingung, panungange matjari rapui. Hamau kawan Yehuda, Aku angaran nguka mate-Ku, tapi hadi kuda bangsa-bangsa angaran Kuulah matjari maintem. Sahaot hio, kapala kawan Yehuda angaran ngantuh huang ateie, pamuneng Yerusalem kaampun baisi kakuatan gana TUHAN samesta alam, Allah here. Ta awuk hio, Aku angaran ngulah kapala kawan Yehuda samehdi jukung apui ta penah-penah kayu tutung di samehdi suluh baapui ta penah-penah juntu gandum. Here angaran nguta kaluhan suku bangsa ta tuhi kawi di ta tuhi kawane, tapi pamuneng Yerusalem angaran tatap muneng ta unenge karaerai. TUHAN angaran manyalamatkan kemah-kemah Yehuda sa partama kali, matsa babuhan Daud di pamuneng Yerusalem bakoi talalu mamparagah arep tahadap Yehuda. Ta awuk hio, TUHAN angaran malindungi pamuneng Yerusalem, sahampe sa paling maleme ta antara here ta awuk hio angaran matjari samehdi Daud, di babuhan Daud angaran matjari samehdi Allah, samehdi malaikat TUHAN sa nyantueh here. Ta awuk hio, Aku mat bausaha mat nyanawoh hadi bangsa sa hawi mat manyarang Yerusalem." 0 Aku angaran ngaruak roh kasih karunia di roh pangalako hamau babuhan Daud, di hamau pamuneng Yerusalem, here angaran nantau ga-Ku, sa haot here suduk, di angaran lalungui aye samehdi ulun lalungui anak tunggale di basedih ulahgana aye samehdi ulun sa nangis anak pangatuehe. 1 Ta awuk hio, angaran naan lalungui sa hante ta Yerusalem, samehdi lalungui ta Hadad-Rimon ta lapeh Megido. 2 Ta negri hio, satiap kawan babuhan ngaraerai di harau-harau here ngaraerai angaran lalungui, ayehio katurunan Daud di harau-harau here, kawan katurunan Natan di harau-harau here, 3 Kawan katurunan Lewi di harau-harau here, kawan Simei di harau-harau here, 4 gin kaluhan kawan sa mele'e, satiap kawan ngaraerai di harau-harau here ngaraerai."