1 (4-14) Awukiti, hanyu harus panalu pasukannu, pangapungan haot naannak tahadap takam. Pahengau tungkeh, here mat mangkung pahu pamarintahan Israel. Mesias Nalahirkan ta Betlehem 2 (5-1) Tatapi, hai Betlehem Efrata, hanyu sa tahalus ta antara kaum-kaum Yehuda, neke hanyu mat buan matga-Ku isaulun sa mamarintah Israel, isaulun panguasa Israel, sa asal usule samanjak zaman purbakala. 3 (5-2) Ulah hio, Aye mat ngasatatayuh here hampe wawei sa kayaan hio nganak. Balalu, pulaksanai-pulaksanai e mat waleng ga ulun-ulun Israel. 4 (5-3) Aye mat tampil di mat mangambalakan here pahengau kakuatan TUHAN, huang kamegahan aran TUHAN, Allah-E. Here mat benyem pahengau aman ulah ta awuk hio Aye matjari hante hampe ga ujung bumi. 5 (5-4) Aye matjari tetei damai sajahtra. Amun ulun-ulun Asyur suluk ga negri takam, di here ngararah puri takam, takam mat namuan pitu gambala, malah walu pamimpin marasia. 6 (5-5) Here mat ngulah jahat tahadap Negri Asyur pahengau pedang, di Negri Nimrod ta manawang-manawang gerbang. here mat mambebaskan takam neke Asyur jaka here suluk ga negri takam di ngararah daerah takam. 7 (5-6) Le,e-le,e Yakub mat naan ta penah-penah rama bangsa, sameh amun neke TUHAN, sameh uran mehet sa minau ta hamau pamule-pamule, sa bakoi maharap-harap ulun di bakoi ngandrei ga anak marasia. 9 (5-8) Tangannu mat natampaentu mangatasi lawan-lawannu di kaluhan musuhnu mat nasanawoh. Ulun Mat Bagantung Ga Tuhan 10 (5-9) Ta andrau hio mat tarjadi, Kalaitilah firman TUHAN, "Aku mat nyanawoh kuda-kudanu neke penah-penahnu, di mambinasakan kereta-keretanu. 11 (5-10) Aku mat nyanawoh kota-kota ta negrinu di mat ngahancur kaluhan benteng pertahanannu. 12 (5-11) Aku mat nyanawoh alat-alat sihir neke tangannu, di tukang-tukang paramal bakoi mat naan lagi ta penah-penahnu. 13 (5-12) Aku mat nangalis patung-patungnu, di tugu-tugu barhalanu neke penah-penahnu sahampe hanyu bakoi mat sujud manyambah ga ulahan tangannu. 14 (5-13) Aku mat namparuntun turus-turus barhalanu neke penah-penahnu, di mambinasakan kota-kotanu. 15 (5-14) Aku mat ngulah pambalasan huang karikang di kasangit-Ku tahadap bangsa- bangsa sa bakoi kakan ngarengei.