1 Mat tarjadi ta andrau-andrau taahir, gunung Bait TUHAN mat nategakan mangatasi mangatasi gunung-gunung di natampaentu ta hamau bukit-bukit. Kaluhan bangsa mat raraun-raun raraun-raun ga onoi. 2 Suku-suku bangsa mat tulak di ngantuh, "Ayu, takam mamai ga gunung TUHAN, ga Bait Allah Yakub, mat Aye mangajarkan lalan-lalan-E ga takam, di mat takam takia nebu e. Ulah, pangajaran mat balua neke Sion, di neke Yerusalem mat balua firman TUHAN. 3 Aye matjari hakim ta antara bangsa-bangsa, di Aye mat ngami hukuman bagi suku-suku bangsa sa hante hampe ga uneng sa lawit, here mat menepe pedang e matjari mate bajak, di makai doha-doha e matjari pisau pamangkas. Bangsa bakoi mat lagi ngenat pedang tahadap bangsa, di here bakoi mat lagi balajar baprang. 4 Satiap here mat maharung ta leba kakau anggur di ta leba kakau ara e karaerai. Bakoi isaulun gin sa ngulah here takut, ulah TUHAN samesta alam sa bafirman. 5 Biarsa sagala bangsa welum di takia demi aran allah e asing-asing, tapi takam mat takia demi aran TUHAN Allah takam mat sataruse di salawah-lawahe. Karajaan Napulihkan 6 Ta andrau hio, kalaitilah firman TUHAN, "Aku mat ngumpul here sa pincang di mumpun ulun-ulun sa tapisah-pisah tapisah-pisah di sa haot kusalakakan." 7 Aku mat nampajari here sa pincang sabagai le,e bangsa, di here sa taumpe matjari bangsa sa kuat. TUHAN mat nampajari raja amau here ta gunung sion, mulai awukiti hampe salawah-lawahe. 8 Hanyu, hai Menara Sawayan Domba, hai bukit putri Sion, mat hampe ga hanyu di mat hawi pamerintahan sa asal, karajaan amau putri Yerusalem. Wuahinun Israel Harus Tulak Ga Babel? 9 Awukiti, wuahinun hanyu kamiak mehet? Bakoi naankah raja ta penah-penahnu? Binasakah panasehatnu sahampe kahanang nipanhanyu sameh wawei sa nganak? 10 Maetatlah di raruutlah, hai putri Sion, sameh wawei sa nganak. Ulah, awukiti hanyu tapaksa balua neke kota di muneng ta padang. Hanyu harus tulak ga Babel, ta arolah hanyu mat nasalamatkan, ta arolah hanyu mat natewuh TUHAN neke tangan musuhnu. Tuhan Mat Mambinasakan Rama Bangsa 11 Awukiti, ajoh bangsa bakumpul nawan hanyu, di ngantuh, "Elahe aye nacemarkan, elahe mate takam puas nantau Sion!" 12 Tatapi , here bakoi karasa pikiran TUHAN, here bakoi kataru rencana-E, ulah Aye mat mumpun here sameh wusi-wusi gandum ga uneng pangiik. Israel Mat Nampatalau Musuhe 13 "Hai umat Yerusalem, buanlah di binasakanlah here! Buanlah di rarahlah, hai putri Sion, ulah Aku mat nampajari tanruknu sameh besi, di Aku mat ngulah kukunu sameh tembaga. Bangsa-bangsa mat nutu hanyu hampe lenuh, hanyu mat ngahusus rampasan here matga TUHAN, di panyugih here matga Tuhan sakaluhan bumi!