Pasal 3

1 Aku ngantuh, "Rengei- lah, hai para pamimpin Yakub di para pamimpin kaum Israel! Bakoikah hanyu karasa kaadilan? 2 Hanyu sa marikang kamaehan di mancintai kajahatan, sa ngirah upak bangsaku, di lunek neke taulang,taulange, 3 sa nguta lunek bangsaku,ngupah upak neke tengae, nyanramuk taulang-taulange, di nareteke sameh lunek huang ringing, sameh tetekan-tetekan lunek huang kawah. 4 Here mat ngantuh-ngantuh ga TUHAN, tatapi Aye bakoi mat ngajawab e. Aye mat nina rai-E neke hadapan here, ulah here haot ngulah jahat. Nabi-Nabi Palsu 5 Kalaitilah firman TUHAN ga para nabi, sa manyasatkan bangsaku: Jaka here kaiuh saisa mat naepa, here ngantuh damai, Jaka ulun sa bakoi ngami saisa ga huang wawa here, here mat siap baprang. 6 Ulah hio, andrau matjari kamalem matgahanyu tanpa kaini, di matjari maieng matgahanyu tanpa ramalan. Mateandrau mat leteng matga nabi-nabi hio, di andrau matjari kapateian matga here. 7 Para pangini mat natampamangan, di para paramal mat naeyau, here mat manutup rai e, ulah bakoi naan jawaban neke Allah. Mikha, Nabi Allah Sa Jujur 8 Sabalik e, aku iti penu pahengau kakuatan, pahengau Roh TUHAN, pahengau kaadilan di kaperkasaan, mat mawara ga Yakub palangaran e, di ga ulun Israel dosa e. Pamimpin Israel Natampahala 9 Maehlah, rengeilah iti, hai para kapala kaum Yakub di para pamimpin kaum Israel, sa ngini leba tahadap kaadilan di ngabalengkong eha sa witu. 10 Hanyu napindri Sion pahengau ira di Yerusalem pahengau kajahatan. 11 Para kapala e mangadili ulah sogok, para imam e mangajar ulah bayaran, para nabi e maramal ulah duit, padahal here basandar ga TUHAN pahengau ngantuh, "Bakoikah TUHAN naan ta penah-penah takam? Bakoi mat naan malapataka sa hawi manimpa takam." 12 Ulah hanyu, Sion mat nabajak sameh alah, Yerusalem matjari timbunan le,e, gunung Bait Suci matjari bukit-bukit mahaket