¹ Yusuf tulak nadap Firaun dan ngantuh, "Amah pahengau here ta pulak sa nai-pulak sa nai ku haot hawi Kanaan pahengau here ta tane Gosyen wayah ina. Here ngaun kaluhan ternak di harta banda here neke onoi." ² Yusuf midi dime ulun teke antara pulak sa nai e dan ngaun here nadap Firaun. ³ Firaun ngeyau ga here, "Inon gawian kaon?" Here ngejawab, "Tuan hamba-hamba nu ina ayelah para gembala, sameh seperti datu nini kami." ⁴ Here ngantuh ga Firaun, "Masa kalauan sangat buruk ta Kanaan. Ta onoi bakoi naan alah sa barumput pakai ternak takam. Jari, takam hari pakai muneng ta negeri ina. Takam mamohon ga Tuan ku, elah takam muneng ta Gosyen." ⁵ Firaun ngantuh ga Yusuf, "Amah pahengau pulak sa nai-pulak sa nai nu haot hawi ga hanyu. ⁶ Tane Mesir ta uka ga hanyu. Pidilah uneng sa maeh ta negeri ina pakai amah pahengau pulak sa nai-pulak sa nai nu. Here tau muneng ta tane Gosyen. Jaka naan ta antara here sa terampil, here ta menggembalakan ternak nu." ⁷ Udi hio, Yusuf nerau Yakub, amah e, pakai masuk nadap Firaun. Dan, Yakub ngabarkati Firaun. ⁸ Udi hio, Firaun ngantuh ga aye, "Pire umur nu?" ⁹ Yakub ngajawab Firaun,"Welum ku sebagai pengembara haot 130 taun. Taun-taun welum ku singkat dan penu dengan kesusahan, labih singkat neke taun-taun pengembaraan datu nini ku." ¹⁰ Yakub ngaberkati Firaun dan nanan pertemuan hio. ¹¹ Udi hio, Yusuf menempatkan amah pahengau pulak sa nai-pulak sa nai e ta tane sa panga maeh ta Mesir, ayehio ta tane Rameses, sameh sa na huyu Firaun ga aye. ¹² Yusuf lei ngami panguta sa na butuh kan amah e, pulak sa nai-pulak sa nai e, pahengau kaluhan ulun sa muneng pahengau amah e. Yusuf Midi Tane pakai Firaun ¹³ Bencana kalauan semakin hebat. Bakoi naan panguta ta awe-awe. Mesir pahengau Kanaan menjari sangat miskin ulah masa sa buruk ina. ¹⁴ Yusuf manyimoh kaluhan duit hasil pematangan gandum, baik ta Mesir maupun ta Kanaan. Dan, Yusuf ngaun kaluhan duit hio ga lewu Firaun. ¹⁵ Seudi kaluhan duit ulun Mesir pahengau ulun Kanaan galis pakai midi gandum, here hawi ga Yusuf dan ngantuh, "Amilah takam kuman. Jaka bakoi, kami mat matei ta muka nu ulah duit kami haot galis." ¹⁶ Akan tatapi, Yusuf ngajawab, "Jaka duit kaon haot galis, ami ga aku ternak kaon dan aku mat ngami panguta ga kaon." ¹⁷ Maka, ulun-ulun ngaun ternak here ga Yusuf dan Yusuf ngami here panguta sebagai ganti lembu, kuda, di kaluhan ternak sa na ami here. Taun hio, Yusuf ngami panguta ga here sebagai ganti ternak here. ¹⁸ Taun salanjut e, ulun-ulun bakoi lagi naan ternak dan bakoi kaiyuh midi panguta. Jari, here tulak ga Yusuf dan ngantuh, "Hanyu krasa bahwa here bakoi naan duit lagi, dan kaluhan ternak kami haot menjari ampun ku. Kami bakoi naan inon-inon lagi, selain tenga dan alah kami. ¹⁹ Wahinon kami harus matei ta muka nu, baik kami dan alah kami? Widilah kami dan alah kami pahengau panguta, dan takam mat jari hamba ga Firaun. Amilah kami benih pakai na bule mat takam welum dan alah takam bakoi jari gersang." ²⁰ Jari, Yusuf midi kaluhan alah ta Mesir ga Firaun. Kaluhan ulun ta Mesir matang alah here ga Yusuf ulah kalauan sa buruk tuu nimpa here. Maka, kaluhan alah sa menjari ampun Firaun. ²¹ Dan, Yusuf meminahkan here ga kota-kota, neke isa perbatasan ga perbatasan lain ta Mesir. ²² Tane sa na koi na midi Yusuf hanyalah tane sa ampun para imam. Ulah, para imam kahaba tunjangan tatap neke Firaun dan here welum neke tunjangan hio. Jari, para imam hio koi perlu matang alah here. ²³ Yusuf ngeyau ga here, "Aku haot midi kaon di tane kaon ga Firaun. Wayah ina, aku mat ngami benih ga kaon, dan kaon kaiyuh mule alah kaon. ²⁴ Ta masa panen, kaon harus ngami seperdime hasil panen ga Firaun. Epat perdime hasil panen mat jari ampun kaon raerai. Kaon ka iyuh menggunakan sebagian hasil panen hio pakai benih ta alah dan sebagian mat ga panguta ga kaon di kaluarga kaon, juga ga kawan nakia kaon." ²⁵ Here ngantuh, "Hanyu haot nyelamat welum kami. Kami senang menjari hamba Firaun." ²⁶ Udi hio, Yusuf menjarikan hal hio sebagai hukum mengenai tane Mesir, dan hukum hio masih balaku hingga andrau ina. Hukum hio mengatur bahwa seperdime neke kaluhan hasil alah ayelah milik Firaun. Hanya tane imam sa bakoi jari ampun Firaun. Ada Ngogang Aku ta Mesir ²⁷ Israel muneng ta Mesir. Aye muneng ta tane Gosyen. Kaluarga e makin ajoh dan menjari hante tuu. Here jari sa ampun tane ta Mesir dan ngajar e dengan maeh. ²⁸ Yakub muneng ta Mesir salawah pitu walas taun, jari aye baumur 147 taun. ²⁹ Ganyah andrau kepatei e semakin riet, Israel nerau Yusuf, anak e, mat hawi ga aye. Israel ngeyau, "Jaka aku kaiyuh kemurahan nu, anaklah tangan nu ta kapit pangkal kahapang ku dan bajanjilah. Bajanjilah bahwa hanyu akan nyentarang kasih dan kesetiaan ga aku. Apabila aku matei, ada ngogang aku ta Mesir. ³⁰ Ogang aku ta awe datu nini ku na ogang. Aunlah aku balua neke Mesir dan ogang aku tahuang ogang kaluarga takam." Jawab Yusuf, "Aku bajanji bahwa aku mat ngulah inon sa na eyau nu ga aku." ³¹ Udi hio, Yakub ngantuh, "Basumpahlah ga aku." Dan, Yusuf basumpah ga aye bahwa aye mat ngulah hio. Israel nampakading ulu e waleng ta uneng mandre.