¹ Israel nuna sa kaluhan na miliki aye palus mulai panakia here. Pas aye hampe ta Bersyeba, aye ngami persembahan korban da Allah Tala sa na sembah Ishak amahnu. ² Saat kamalem Allah bapaner ga Israel huang upi, " Yakub, Yakub Israel nuwing, "oy Tuhan". ³ Udi hio Allah Tala bapaner, "Aku ina Allah Tala-Allah Tala amahnu ada hanyu takut tulak ga Mesir ulah aku ngulah hanyu jari bangsa sa hante. ⁴ Aku uma hanyu ga Mesir palus aku nuna hanyu kaluar teke aro. Ule hanyu mateu ta aro, ulah tangga Yusuf raerai sa nutup mate nu bila hanyu matei. ⁵ Yakub nanan Bersyeba lalu ngalanjut takia e ga Mesir. Anak-anak Israel, nuna amah, ine-ine, here anak e ga Mesir. Here mamai kereta sa na ami Firaun. ⁶ Here giru nuna ternak, barang sa mahaba here teke tanah Kanaan. Yakub pun tulak ga Mesir pahengau kaluarga e. ⁷ Pahengau anak umpu e biak sa laki mau pun sa wawey. pahengau kaluhan keluarga e. ⁸ Inalah aran anak-anak e Israel sa tulak pahengau aye ga Mesir: Ruben anak Yakub sa no Isa. ⁹ Anak laki Ruben aran e Henokh, Palu, Hezron di Karmi. ¹⁰ Anak laki Simeon aran e Yemuel, Yamin, Ohad, Yakhim, di Zohar naan lei Saul sa lahir teke wawey Kanaan. ¹¹ Anak laki-laki Lewi di Gerson, Kehat, di Merari. ¹² Anak laki e Yehuda di Er, Onan, Syela, Peres, pahengau Zerah. Er di onan matei saat ta Kanaan. Anak laki e Peres ialah Hezron di Hamul. ¹³ Anak e laki Isakhar aye Tola, Pua, Ayub, di Simron. ¹⁴ Anak e laki Zebulon aye Sered, Elon, di Yahleel. ¹⁵ Ruben, Simeon, Lewi, Yehuda, Isakhar, di Zebulon aye anak Yakub teke Lea, Harau e. Lea ngalahir here di Padan-Aram. Aye gi ba anak wawey ba aran Dina. Naan telum pulu telu kaulun huang keluarga e. ¹⁶ Anak laki Gad di Zifyon, Hagi, Syuni, Ezbon, Eri Arodi, di Areli. ¹⁷ Anak Laki Asyer di Yimna, Yiswa, Yiswi, Beria, pahengau pulaksanai wawey here, serah naan ley anak Beria aye hio Heber di Malkiel. ¹⁸ Here kaluhan anak Yakub di Zilpa, pembantu wawey sa naami Laban ga Lea, anak e naan enam belas huang keluarga e. ¹⁹ Anak Yakub di Rahel, Harau e di Yusuf pahengau Benyamin. ²⁰ Ta Mesir Yusuf naan ruweh anak e laki, Manasye di Efrain. Harau Yusuf di Anat anak Potifera, Imam ta kota on. ²¹ Anak laki Banyamin aran e Bela, Bekher, Asibel, Gera, Naaman, Ehi, Rosy, Mupin, Hupin, pahengau Ared. ²² Iti aye anak laki yakub pahengau harau e Rahel. Naan epat pulu isa kaulun ta huang keluarga here ²³ Anak laki Dan adalah Husim. ²⁴ Anak laki Naftali adalah Yahzeel, Guni, Yezer dan Syilem. ²⁵ Ina anak-anak di Bilha. Bilha budak sa naami Laban ga anak e Rahel. Naan pitu kaulun huang keluarga e. ²⁶ Ajoh keturunan Yakub satulak pahengau aye ga Mesir enam pulu enam kaulun. Harau anak koy na hitung huang jumlah hio. ²⁷ Yusuf naan ruweh anak e laki ta Mesir pahengau ruweh umpu keluarga Yakub ta Mesir naan pitun pulu kaulun kaluhan e. ²⁸ Yakub nunyu Yehuda dahulu teke here mat manalu Yusuf, mat Yusuf nutui lalan nintu Gosyen ga Yehuda. Udi hio, Ykub pahengau keluarga e ngapung ga Gosyen. ²⁹ Yusuf karasa amah e hawi. Aye, siap-siap di kereta e palus kaluar manalu Israel, amah e, ta Gosyen. Pas Yusuf kaini amah e, aye ngikup diung e palus nangis lawah ta tuu. ³⁰ Israel bapaner ga Yusuf, " auk ina aku tau matey huang tanang ulah haot ngini rai mate nu palus aku karasa hanyu masih welum." ³¹ Yusuf bapaner di here pulaksanai atey e pahengau keluarga e salain "Aku kakan tulak manalu Firaun palus bapaner, uu pulaksanai atey ku keluarga amahku sa muneng ta Kanaan haot naan hawi dapot aku. ³² Here ulun sa nyamelum domba pahengau lembu. Here nuna kaluhan ternak pahengau kaluahn harata here ga ina. ³³ Amon Firaun nerau kaon palus nyantane, inon ulah kaon? ³⁴ Paner ga aye, pambantu-pambantu nu ma haot lawah jaga ternak teke waktu masih iya hampe auk ina, teke kami hampe datu nini kami. Firaun nunyu here muneng ta tane Gosyen ulah ulun-ulun Mesir koy suka di ulah gawi here gembala."