¹ Yusuf bakoi iyuh lagi nguasa arep e aye ngiak ta adapan kaluhan ulun sa naan ta aro. Yusuf bapander, "hunyu bo kaluhan ulun sa nanan uneng ina. Balu kaluhan ulun sa nanan uneng hio ekat kaluhan sa pulak sana'ie hio bo sa muneng pahengau Yusuf. Balu Yusuf mawara nampajelas ga here, hie sa arepe. ² Yusuf ngiak adi lengan/suara sa mehet sa ngulah kaluhan ulun Mesir ta huang lewe Firaun ngarengei-e. ³ Aye bapander di pulak sana'i, "Aku na Yusuf pulak sana'i kaon. Inon sa ambah ku lagi wulun lah? Tapi here bakoi nuing-e, ulah here bingung adi takuten ta adapan Yusuf. ⁴ Balu Yusuf bapander ga here pulak sanai-e, awat rite-rite ga ina di aku, "here nyan rite arep-e ga aye balu eyau Yusuf ga pulak sana'i kaon sa nabatang aye jari walah ga ulun Mesir. ⁵ Adi wayah ti ada sadih/ ada mahanang atei atawa manyasal arep nu ulah kaon haot nabatang aku ga ina. Ulah Allah Tala nunyu aku dahulu teke kaan pakai nguan welun. ⁶ Ulah wayah kalauan haot hawi 2 taun ka lawah-e ta pulau uneng takami ti/tane ina balu adi naan dime taun lagi ta awe ulun bakoi tau ngambule atawa masi. ⁷ Balu Allah Tala ngutus aku ga iti dahulu teke kaan pakai ngalestari/nampajari mat bakoi baubah anak umpu turunan kaon ta bumi pakai nyalamat welen kaon pakai sara sa istimewa. ⁸ Ulah hio, lain kaon sa ha'ot ngirim aku ga'iti tapi Allah Tala sa tu'u e. Balu aye haot nampajari aku kala ambah ga Firaun, pamimpin di lewu rean-e, pudi jari penguasa ta kaluhan pulau tane Mesir. ⁹ Yusuf bapander, "Hinang bo tulak ga ambah ku. Wara ga aye, Yusuf anaknu ngisin pesen itia Allah Tala haot ngulah aku jari gubernur ta pulau kaluhan tane Mesir. Ulah hio hinang hawi bo ga aku na. Ada ba lawah-lawah. ¹⁰ Hanyu iyuh muneng rite aku tatane Gosyen. Hanyu, kawan anaknu, umpu-umpu-nu, pahengau kaluhan pamelum nu tau tuu hawi. ¹¹ Ta Gosyen, Aku kakan nampasukup kaluhan sa na perlumu ulah naan wayah kalauan dine taun na adap pudi. Ulah hio, hanyu pahengau lewu lean nu pudi seduhan sa jari ampun nu bakoi ta'u kalauan. ¹² Wayahna, kaluhan kaor an put Benyamin haot ngindi laerai, ti wawaku lei sa bapander ga kaan. ¹³ Balu antuh bo di ambah ku bakoi sakakira kahormat ulun di aku sa na tarima ku ta tane Mesir ti. Pander/antuh bo ga aye kaluhan inon lei sa haot na indi kaen ta iwa. Wayah na lunang, hulu tulak ngalap ambah endei aye ga ina. ¹⁴ Udi hio, Yusuf ngikup Benyamin, pulak sana'i-e balu here rueh alai ngiak. ¹⁵ Yusuf ngiak nelang nyiuk kaluhan pulak sana' ie udi hio, here malai bapander di aye. ¹⁶ Awuk kabar hio geger ta kaluhan lewu rehan Firaun, kala pulak sanai Yusuf haot, hanai, Firaun pahengau walah-e kaeson tu'u. ¹⁷ Balu Firaun bapander di Yusuf antuh bo ga pulak sana'i nu mat here ngalap kaluhan panguta sa naperlu here balalu waleng ga tane Kanaan. ¹⁸ Pander bo ga here, mat ngaun ambah amput lewu rean here ga ina, ga aku na. Aku kakan ngami tane sa pangkamaeh ta Mesir na ga hanyu mat uneng nu muneng. Pudi lewu rean nu tau nguta ye hio panguta sa pangka maeh sa ampun takan ta iti. ¹⁹ Pudi wayah na, aku nuyu hanyu Yusuf, mat pander ina ga here : alap bo papire kareta sa pangka maeh teke tane Mesir na pakai anak-anak adi harau-harau kaon, pudi aun ambah kaon ga iti. ²⁰ Ada gaen di pakakas-pakakas sa tapaksa na tanan here, ulah sa pangkamaeh ta kaluhan tane Mesir kakan jari ampun nu. ²¹ Balu anak-anak Israel ngagawi hio. Yusug ngami ga here papire Kareta budas kala sa nahunyu Firaun. Yusuf pudi ngami-ngami panguta sa sukup tu'u pakai panakiya here. ²² Aye ngami ga tiap ulun pulak sana-e erang ka pasang kawan pama. Balu ga Benyamin, aye ngami dime ka pasang pama pahengau telu jatuh duit perak. ²³ Ga ambah'e Yusuf ngirim sapuluh ukui kaledai sa pakai ngaun pakakas sa pangkamaeh teke Mesir. Aye ngirim adi gandum, gambung di panguta sa lain pakai wasi ambah-e kalawah pakiyaan here ga Mesir uni. ²⁴ Balu Yusuf ngatet pulak sana, ie tulak. Awuk here tulak, Yusuf mesen ga here, ada kaan palakat ta pakiya kon. ²⁵ Here nanan Mesir balu tulak ga ambah, e tatane Kanaan. ²⁶ Here bapander di ambah-e, "Ambah, Yusuf lagi wehin bo! Balu aye jari gubernur ta kaluhan Mesir." Tapi ambah-e mandanu ulah aye bakoi harap di here. ²⁷ Balalu here mawara ga aye kaluhan sa naatuh Yusuf. Udi Yakub ngidie Kareta sa na kirim Yusuf ga aye, mat pakai ngaun aye ga Mesir, samangat Yakub welum pudi. ²⁸ Eyau Israel, "Ganyah ina aku haraf lagi welum bo! Aku kakan tulak ngindi aye sanete aku matei.