¹ Udi hio, Yusuf mamerintah hamba e, eyau e, "Isilah karung here hio di gandum sehadi sa iyuh here nuna. Udi hio, tampasuk duit here ga huang karung here masing-masing. ² Tampasuk galas perakku ga huang karung sahindra sa paling iya hio pangehau duit e." Hamba hio menaati Yusuf. ³ Katuni e sunsung-sunsung, here na huyu ga negeri here pahengau keledai-keledai here. ⁴ Japo bo here nanan kota hio dan mete terlalu lawit, Yusuf bapaner ga hamba e, "Tulak dan apung ulun-ulun hio. Pas kaon haot ngapung here, eyau ga here, 'Wah inon kaon mambalas kamaehan di kejahatan? ⁵ Tuanku ngoot neke galas hio, dan aye makai e pakai ngarasa hal-hal rahasia. Inon sa na ulah kaon yo koi maeh!'" ⁶ Pas hamba hio haot ngapung sahindra-sahindra Yusuf, aye nampe ga here inon sa na paner Yusuf. ⁷ Tapi here bapaner ga hamba hio, "Wah inon gubernur ngatuh hal sameh hio? Hamba nu bakoi mungkin ngulah gawi sameh hio! ⁸ Tena, bahkan duit sa na haba kami ta huang karung kami haot na atet kami waleng neke tane Kanaan ga hanyu, kala awe mungkin kami ngalat perak atau amas neke lewu buan nu? ⁹ Jaka galas perak hio na haba ta pulau hamba nu ina, elah ulun hio matei. Dan, kami lei akan jari hamba tuanku." ¹⁰ Hamba hio menjawab, "Aku setuju. Ekat ulun sa kadapatan nuna galas perak akan jari hambaku, salain koi ba hala." Jabak Ta'uka; Benyamin Wah Tulung ¹¹ Udi hio, here masing-masing segera nampinau karung e ga tane dan nguka e. ¹² Hamba hio mulai memeriksa, na mulai neke sahindra sa paling matueh dan berakhir ta sahindra sa paling iya. Aye ka haba galas hio ta huang karung Benyamin. ¹³ Maka, here merat pakaian here, udi nampamai waleng karung here ga hamau keledai, here waleng ga kota. ¹⁴ Pas Yehuda dan sahindra-sahindra e waleng ga lewu Yusuf, Yusuf masih ta onoy. Sahindra-sahindra hio tempong ga tane dan sujud ta hadapan aye. ¹⁵ Yusuf bapaner ga here, "Wah inon kaon melakukan ina? Mu kaon koi karasa amun ulun sameh aku na tau karasa rahasia?" ¹⁶ Yehuda bapaner, "Jawaban inon sa harus na ami kami ga Tuanku? Inon sa harus na antuh kami? Atau, kala awe kami iyuh nyantarang bahwa kami bakoi ba hala? Allah haot kahaba kahala hamba-hamba nu ina. Kami adalah hamba-hamba Tuanku, inon hio kami atau aye sa kadapatan nuna galas perak hio." ¹⁷ Akan tatapi, Yusuf bapaner aku bakoi akan nyenjari kaon kaluhan hamba. Ekat ulun sa kadapatan ngalat galas hio sa akan jari hambaku. Sa lain hio tulak huang damai ga amah kaon." Yehuda Mambela Benyamin ¹⁸ Udi hio Yehuda ngariet Yusuf dan bapaner, "Tuan elah bo hamba nu nampe sesuatu ga tuan ku. Awat ada sangit di hamba nu, ulah hanyu sameh Firaun raerai. ¹⁹ Dahulu, Tuan ku pahindra nyentane ga hamba-hamba nu ina, 'Inonkah kaon naan amah atau pulak sa nai?' ²⁰ Dan kami manjawab ga hanyu, 'Kami naan amah- aye haot matueh. Dan kami naan pulak sa nai sa paling iya. Amah kami ma ahi nakia hio ulah aye lahir pas amah kami haot matueh. Pulak sa nai nakia hio haot matei. Jari, ekat aye nakia sa tatap muneng neke ine hio. Amah kami sangat ma ahi e.' ²¹ Udi hio hanyu ba paner ga kami, 'Tuna bo pulak sa nai hio ga aku. Aku mat nena aye.' ²² Dan kami bapaner ga hanyu 'Nakia iya hio bakoi iyuh hawi. Aye bakoi iyuh nanan amah e. Amun amah e ka jawoh aye, amah e sedih tuu dan aye mat matei.' ²³ Tapi hanyu bapaner ga kami, 'Hanyu harus nuna pulak sa nai nu sa iya amun bakoi, aku bakoi hakun matang lagi ga hanyu.' ²⁴ Jari, kami waleng ga amah kami dan ngantuh ga aye sa haot na paner nu. ²⁵ "Sehaot hio, amah kami ngeyau, 'Waleng dan widi lagi panguta ga takam.' ²⁶ Kami ngeyau ga amah kami, 'Kami bakoi tau tulak tanpa pulak sa nai kami sa paling iya. Gubernur haot ngantuh amun aye bakoi lagi matang gandum ga kami hampe aye nena pulak sa nai kami sa iya.' ²⁷ Udi hio amah ku ngantuh ga kami, 'Hanyu krasa amun harau ku Rahel nganak rueh anak ga aku. ²⁸ Aku ngelah isa anak tulak, dan aye na munu satua liar. Dan aku koi katena aye lagi sejak saat hio. ²⁹ Amun hanyu nuna anak sa isa lagi neke aku, dan naan inon-inon di aye, aku tau maresta hampe matei.' ³⁰ Wayah ina, bayangkan inon sa akan terjadi amun kami mudi bakoi pahengau pulak sa nai kami sa iya- nakia hio penting tuu ta huang welum amah kami! ³¹ Amah kami tau matei amun aye katena nakia hio bakoi pahengau kami - dan hio jari ka hala kami. Kami nuyu amah kami ga ogang e, aye ulun sa sedih tuu. ³² "Aku batanggung jawab di nakia iya hio. Aku ngantuh ga amah ku, 'Amun aku bakoi nuna aye waleng ga hanyu, hanyu iyuh nuntut aku selawah welum ku.' ³³ Wayah ina aku lako tuu di hanyu, awat ngabiar nakia hio waleng pahengau kawan pulak sa nai e, dan aku sa muneng dan menjari hamba nu. ³⁴ Aku bakoi iyuh waleng ga amah ku amun nakia hio bakoi pahengau aku. Aku takut tuu gere terjadi inon-inon di amah ku."