¹ Pire andau hio, Yusuf haot nawara,"amahnu e sakit .'' Maka, aye ngenei karueh anak e, Manasye di Efraim, di tulak manalu amah e. ² Hio Yusuf hawi pire ulun mawara ga Yakub, "Anaknu,Yusuf, manalu hayu.'' Israel bangat maleme, tapi aye bausaha karas di maharung ta uneng paandre e ³ Balalu, Yakub bapaner Yusuf, "Allah sa mahakuasa nyantaran ga los, ta tane Kanaan. Allah memberkat aku ta aro. ⁴ Allah bapaner ga aku aku akan ngulah jari bangsa hante. aku akan ngami tane iti ga katurunannu sabangai milik mat ga here.' ⁵ Awuk iti ,hanyu naan rueh anak ina lahir ta iti samete aku hawi. karueh anak nu iti, Efreim di manasye, mat jari sameh anak-anakku raerai aye mat jari sameh Ruben di Simeon bagiku. ⁶ Akan tapi,aye hio amunhayu naan anak-anak lagi sameh here, anak-anak hio akan jari miliknu. mengenai milik pusaka, here naatuh bedasarkan aran Efraim di Manasye. ⁷ Huang perjalanan neke Padan-Aram, Rahel matei ta tane Kanaan, bakoi lawit neke Efrata. Hal iti ngulahku bangat sedih. aku ngogang e ta onoi,ta lapeh lalan manuju Efrate(awuk iti naantuh Betlehem). ⁸ Balalu, Israel ngini karueh anak laki yusuf.Israel bapaner ''hiye here iti?'' ⁹ Yusuf bapaner ga amah e , ''iti lah anak-anak ku. here iti ayelah anak-anak sa na ami kan Allah ga aku sa ta Mesir." Israel ngeau tunalah anak-anaknu ga aku akan memberkati kaon." 10 Israel haot matueh di mate e rabun. Yusuf nuna anak-anak e rite ga amah e. Israel yiuk di ngarangkul here. ¹¹ Israel ngeau ga Yusuf, "Aku bakoi pahindra bapikir bahwa aku mat ngini rai nu langi. Tatapi inilah! Allah bahkan ngini hayu di anak-anak nu." ¹² Yusuf narik anak-anak e neke pangkuan Israel di aye sujud ta muka amah e. ¹³ Yusuf ngannak Efraim ta tuhi kawan e di Manasye ta tuhi kawi e. Jari,Efraim naan ta tuhi kawi Israel, di Manasye naan ta tuhi kawan e. ¹⁴ Akan tapi,Israel yawalang tangan e di nganak tangan ga amau ulu Efraim. sa aye lah anak pangaiya Yusuf. Udi hio, aye malatakan tangan kawini ga amau ulu Manasye, meskipun manasye anak panga tueh. ¹⁵ Israel memberkati Yusuf di ngantuh, "ku berdoa ga Allah sanalayani oleh datu nini ku, Abraham di Ishak; Kepada Allah sa haut jari gembalaku hampe andrau ina, ¹⁶ Malaikat sa haot newuh aku neke kaluhan sa jahat, Berkatilah kira e anak-anak muda iti. kira e nangka here ulun ngigat aran ku di aran datu nini kami Abraham di Ishak. aku badoa kira e bumi mat natampenu ulah katurunan here." ¹⁷ Yusuf nena amah e nganak tangan kawan e ga amau ulu Efraim.Yusuf bakoi sanang akan hal hio . Yusuf negei tangan amah e ga mamindahkan neke ulu Efraim ta ulu Manasye. ¹⁸ Yusuf ngeau ga amah e, "Amah,tangan kawannu naan kawannu naan pada anak sa hala. Manasye ayelah anak iya. Annaklah tangan kawanu ga entu e.'' 19 Namun, amah e manolak di ngeau, "Aku karasa, nak. Aku karasa. Masnaye anak pangatueh. aye akan jari amah rama ulun. Akan tapi, Efraim sa labih iya akan jari labih hante neke aye . di,katurunan Efraim akan jari lawit labih hante.'' ²⁰ jari, Israel mambarkati here andrau hio. aye ngantu, " Umat Israel akan mamakai aran nu inon bila here mambarkati ulun. here akan bapaner, 'samoga, Allah ngulah hanyu sameh Efraim di Manasye."' Kalainalah Israel ngulah Efrim labih hante neke hio Manasye. ²¹ Udi hio, Israel bapaner ga Yusuf, "Tenalah, andrau pampateiku haot riet, tapi Allah akan menyertai nu. aye akan nuna hayu waleng ga tane datu nini. ²² Aku ngami ga hanyu bagian sa lebih hante teke pada sahindra-sahindra nu, aye hio wilayah sa aku na rabut ku baya pedang dan panah teke ulun-ulun Amori."