¹ Rueh taun udi hio,Firaun nganupi bahwa aye mindri ta entu rite hungei Nil. ² Huang upi hio,pitu kaikui sapi baluwa neke hungai dan mindri ta entu ta hio nguta rikut,Sapi-sapi hio natena sehat di ponok. ³ Udi hio pitu sapi lain baluwa neke hungai dan mindri ta pusing hungai rite sapi sa sehat hio.namun,sapi sapi hio mais dan pengini e meringin. ⁴ Kapitu sapisa sakit hio nguta kapitu sapi sa sehat,udi hio, Firaun mele. ⁵ Firaun waling mandre dan aye nganupi lei,sa ina aye nganupi nena pitu tangkai gandum welum ta isa tangkai gandum,tangkai hio sehat di penuh pahengau insoi gandum. ⁶ Udi hio aye nena tangkai gandum sa naan naan tunas,tapi mais dan malau ulah riwut malaing. ⁷ Tangkai gandum sa mais hio nguta kapitu tangkai gandum sa maeh. Udi hio,Firaun ta pa ele waling dan karasa hio ekat upi bo. |v 8Kiat katuni e Firaun nginam gelisah pahengau upi e hio.Jari,aye nerau kaluhan ahli tenung dan ulun bijak sa ta Mesir.Firaun ngesah ga here upi hio tetapi koi naan ulun pun neke here sa tau menerangkan e. Pelayan ngesah ga Firaun tentang Yusuf ⁹ Udi hio,pelayan anggur kaitung ta Yusuf dan bapander ga Firaun "Aku kaitung sa terjadi ga aku. ¹⁰ Hanyu pahindra sangit ga tukang roti pahengau aku ,dan hanyu ngapenjarakan kami. ¹¹ Isa malem aye dan aku nganupi,laerai-laerai upi kami naan arti e laerai. ¹² Naan isa kaulun Ibrani huang penjara pahengau kami.Aye hio hamba neke ulu pengawal,kami ngesah upi kami ga aye dan aye menerangkan aryti e ga kami. ¹³ kaluhan sa napander e bujur- bujur terjadi.Aye ngantuh aku akan bebas dan narime waling gawian lei sa da hulu, dan hio terjadi, aye lei ngeau ga tukang roti bahwa aye akan matei,dan hio terjadi!" Yusuf Naherau mat Menerangkan Upi ¹⁴ Maka,Firaun nerau Yusuf neke penjara,pulau pengawal segera ngaluar Yusuf neke penjara.Yusuf ngarasih tenga udi hio dapot Firaun. ¹⁵ Firaun bapander ga Yusuf,"Aku nganupi,dan koinaan sa tau ngejelaskan upi hio ga aku.Aku ngerengei bahwa hanyu tau ngejelas upi,udi ulun ngesah ga hanyu upi-upi hio." ¹⁶ Yusuf nuing,"Aku koi tau ! akan tetapi Allah tau menerangkan e ga tuanku Firaun." ¹⁷ Udi hio,Firaun bapander ga Yusuf,"huang upi ku hio aku mindri rute hungai Nil. ¹⁸ Pitu sapi balua neke hungai dan mindri ta aro nguta rikut,tetapi sapi-sapi sehat di punuk. ¹⁹ Udi hio,aku nena pitu sapi lain belua neke hungai,tetapi sapi sapi hio mais dan natena sakit,sapi-sapi hio ayelah sapi sa paling raat sa suah na tena ta kaluhan Mesir! ²⁰ lembu -lembu sa mais dan sakit hio nguta lembu-lembu sa sehat, ²¹ Namun sapi -sapi hio tetap mais dan natena sakit,bahkan koi tena tanda-tanda bahwa sapi-sapi sa sakit hio haot nguta sapi-sapi sa sehat.Sapi sapi hio tetap mais dan sakit seperti sa mete e.udi hio,aku mele. ²² Huang upiku sa udi hio e, aku nena pitu tangkai gandum sa tumu ta isa watang gandum. Tangkai hio sehat dan penu wusi gandum. ²³ Udi hio, pitu tangkai gandum sa lain ba tunas,tetapi mais dan malau ulah riwut malaing. ²⁴ Tangkai gandum sa mais nguta kapitu tangkai sa maeh. Aku ngisah upi hio ga pulau tukang tenungku. Namun, koi naan ulun pun sa tau ngaarti e ga aku. Inon maksud upi-upi hio?" Yusuf Ngajelas Upi ²⁵ Udi hio, Yusuf bapander ga Firaun,"Karueh upi hio naan arti sa sameh.Allah ganyah mawara ga Tuanku tentang inon sa akan segera terjadi. ²⁶ Pitu sapi sa maeh baya pitu tangkai gandum sa maeh arti e pitu taun sa maeh. ²⁷ Dan, pitu sapi sa mais dan sakit dan pitu tangkai gandum sa mais maksud e akan terjadi pitu taun kalauan ta negeri iti. kapitu taun sa buruk akan terjadi pitu taun sa maeh. ²⁸ Sa kala awe hamba eau ga tuan ku,Allah haot nyantarang inon sa akan terjadi. ²⁹ Kalawah pitu taun akan naan hadi ehakuta ta Mesir. ³⁰ Udi hio, akan terjadi pitu taun kalauan. Ulun-ulun Mesir bahkan akan koi kaitung sa kahadi e ehakuta dahulu hio. Bahaya kalauan akan ngarusak negeri iti. ³¹ kalauan hio akan sangat buruk hampe-hampe ulun-ulun koi kaitung kalaawe inam e naan hadi ehakuta. ³² Tuanku Firaun,hanyu naan rueh upi tentang hal sa sameh. hio arti e, Allah kakan nyantarang bahwa aye bujur-bujur akan ngulah hal ina terjadi, dan akan segera ngawujudkan e! ³³ Jari,Tuanku Firaun, hanyu harus midi isa kaulun sa bijaksana dan pandai,ngenat aye mat ngatur negeri ina. ³⁴ Balalu, hanyu harus midi pire kaulun sa neke ulun lain mat ngumpul ehakuta neke rakyat Mesir.sa kalawah pitu taun sa maeh, ulun-ulun harus ngami seperlima neke kaluhan ehakuta sa here bule. ³⁵ Neke cara ina, here ngumpul kahadi panguta sa lawah e pitu taun sa maeh baya nyimoh e huang kota-kota hampe hio na perlukan. Ehakuta hio akan naan ta leba pengawasan Tuanku. ³⁶ Kala hio lah,salawah pitu taun masa kalauan akan naan panguta ga Mesir. baya, Mesir koi akan bahaya ulah bahaya kalauan." ³⁷ Leon e, hal ina merupakan pikir ku sa sangat maeh mat ga Firaun, dan kaluhan pajabat e satuju. ³⁸ Firaun bapander ga pulau pejabate,"Aku koi yakin takam tau kahaba ulun sa lebih maeh neke Yusuf mat ngulah hal ina! Roh Allah naan ta huang aye sehingga aye sangat bijaksana!" ³⁹ Maka, Firaun bapander ,"Allah haot nutui kaluhan hal ina ga hanyu. aku nginam koi naan ulun lain sa lebih bijaksana neke hanyu. ⁴⁰ Aku akan ngenat hanyu mat jari ulu istanaku. Kaluhan rakyatku akan patuh ta panernu. Ekat aku bo isa-isae ulun sa lebih bakuasa neke hanyu." ⁴¹ Firaun bapander ga Yusuf,"Ina aku ngenat hanyu mat jari gubernur ta entu kaluhan Mesir." ⁴² Udi hio, Firaun napas cincin neke tangan e dan makai e ga kingking tagan Yusuf. Meterai kerajaan naan ta cincin hio.Firaun lei ngami ga Yusuf pama halus dan makai e rantai emas ga diung e. ⁴³ Udi hio, Firaun ngami ga Yusuf kereta kerajaan sa karueh sebagai kendaraan e.pulau pengawal kehormatan raja takia ta muka kereta hio sambil ngeau,"sujud!sujudlei!"Kala hio lei Yusuf na enat jari gubernur ta entu kaluhan Mesir. ⁴⁴ Udi hio Firaun ga aye,"Akulah Firaun,raja sa entu setiap ulun Mesir,tetapi koi naan isa kaulun pun ta Mesir sa tau ngangkat tangan atau ngagerak pe'e kecuali Bantu ngijin e." ⁴⁵ Udi hio Firaun ngami ga Yusuf aran lain,Zafnat-Paaneah.Aye lei ngami ga Yusuf isa kaluhan harau baaran Asnat,Aye anak Potifera,imam ta kota On,Yusuf lei jari gubernur ta kaluhan Mesir. ⁴⁶ Yusuf baumur 30 taun, Aye mulai ngalayani raja Mesir. ⁴⁷ salawah pitu taun sa maeh,panen ta Mesir maeh tu'u. ⁴⁸ Yusuf ngumpul panguta ta Mesir,sa lawah pitu taun di nyimoh panguta ta kota-kota,Aye nyimoh gandum sa tumbuh ta alah ta rite kota hio. ⁴⁹ Yusuf nyimoh hadi tu'u gandum same pasir ta laut,hingga koi tara hitung jumlah e. ⁵⁰ Harau Yusuf,Asnat,hio anak Potifera,imam ta kota On.sa mete masa kaluhan hawi,Yusuf pahengau Asnat naan anak laki-laki. ⁵¹ Yusuf ngami aran anak sa ka isa Manasye.Aye naulah aran kalahio ulah Yusuf ngantuh,"Allah ngulah aku koi kaitung akan kaluhan kasusahanku dan kaluhan sa naan ta lewu amahku. " ⁵² Yusuf ngami aran anak sa ka rueh Efraim.Aye ngami aran iti,ulah aye ngantuh," Aku naan kasusahan hante, tetapi Allah haot ngulah bahasil huang kaluhan eha e." Masa Kalauhan Hawi ⁵³ sa lawah pitu taun,ulun-ulun naan pamguta kaluhan e,sa tetapi taun taun hio haot galis. ⁵⁴ Maka,pitu taun masa kalauhan na mulai same sa napander Yusuf. Kalauhan terjadi ta awe-awe,tetapi ta Mesir ulun naan hadi panguta ulah Yusuf haot nyimoh gandum. ⁵⁵ Pada masa kaluhan hio, rakyat Mesir mulai ngeau ga Firaun lako ehau kuta .Firaun ngantuh ga here, "Tulaklah dan tanelah ga Yusuf inon sa harus na ulah." ⁵⁶ Ketika kaluhan makin pesawis ta awe-awe,Yusuf ngami gandum neke lumbung ga here.Aye matang gandum sa nasimoh hio ga rakyat Mesir.Bencana kalauhan hio raat tu'u ta Mesir. ⁵⁷ Namun,bencana hio lei raat ga awe-awe.Maka, Ulun ulun neke negeri ta keliling Mesir mat midi gandum.