¹ Allah ngatuh ga Yakub, "mele manatap bo ta Betel tamuan bo Altab ga Allah sa sudah manampak tenga ga hanyu nempat neke pulak sanai nu, Esau." ² Balalu, Yakub ngatuh ga keluarga pahengau ga kaluhan ulun sa muneng sasameh. Upe kaluhao dewa asing sa noan pahengau kawon uwilah tenga kawon balalu pakailah pakaian sa barasih. ³ Takam akan tulak neke uneng ina balalu tulak ga Betel. Ta aro, uku kakan namuan sa altar pakai Allah sa salali ngawat aku awuk aku ta huang kahidin pahengau ngawat aku ga awe aku tulak. ⁴ Balalu, ulun-ulun hio manyarah kaluahan dewa asing sa naan ta here ga Yakub, here ngami kaluahn barang hio ta kapit kakau kayu ek ta net kota sa na antuh Sikhem. ⁵ Balalu, Yakub pahengau anak-anak e tulak nanan uneng hio. Ulun-ulun sa muneng ta kota-kota sakitar kakan ngapuk balalu munu rombongan Yakub. Balalu Allah napenu ulun-ulun hio pahengau rasa takut sa hante sahingga here bakoy ngapung Yakub. ⁶ Balalu, Yakub pahengau rombongan e tiba ta kota, sa awuk ina na eau Betel, ta tane Kanaan. ⁷ Yakub ngulah uneng altar ta aro. Aye ngami ara uneng hio "El-Betel" ulah ta hio Allah pertama kali nyatarang tenga e ga aye awu nemput neke pulak sanai e. ⁸ Debora, pambantu Ribka, matey ta aro. Here ngogana ta kapit kakau kayu ek ta Betel. Here ngami aran hio Alon-Bakut. ⁹ Awuk Yakub waleng neke Padan-Aram, Allah nyataran tenga lagi ga aye balalu mamberkati aye. ¹⁰ Allah ngatuh ga aye, "arannu Yakub, aku kakan nganti aran nu hanyu bakoy lagi na antuh yakub. Aran bio nu Israel. "Jari, Allah ngantuh e Israel. ¹¹ Allah ngatuh ga Yakub, "Aku Allah sa maha kuasa balalu aku ngami berkat ina ga hanyu : ba anak upu pahengau tapa ajoh jari isa bangsa sa hante. Neke hanyu jari nganak bangsa-bangsa pahengau raja-raja. ¹² Aku haot ngami negri ga Abraham pahengau Ishak. Awuk ina, aku ngami negri hio ga hanyu amput ga katurunan nu sa nganak udi hanyu. ¹³ Udi hio, Allah tulak nanan uneng hio. ¹⁴ Yakub napindri isa tugu pengingat neke batu ta uneng hio aye nuang anggur pahengau minyak ga entu e. ¹⁵ yakub ngami aran hio Betel. ¹⁶ Yakub pahengau rombongan e tulak nanan Betel. Sa mete here hampe ta Efrata, Rahel nganak, anak e. ¹⁷ Rahel ajoh ngikam mahanang awuk nganak anak hio aye kahanang tu'u, nena ina, parawat e ngatuh, "Ada takut Rahel. Hanyu baanak anak laki-laki lagi. ¹⁸ Rahel matey awuk aye ba anak sa mete matey, aye ngami aran anak hio Benoni. Yakub ngami aran e Benyamin. ¹⁹ Rahel na ogang ta lalan ga Efrata, aye hio Betlehem. ²⁰ Yakub ngandak watu khusus ta kuburan Rahel pakai manghormati aye. Watu hio masih naan hampe andrau ina. ²¹ Udi hio, Israel malanjut perjalanan. Aye bakemah pas ta sebelah Selatan Migdal-Eder. ²² Israel munek ta aro samantara. Awuk aye ta aro, Ruben mander pahengau Bilha, walah wawey Israel, balalu Israel ngarengey soal ina. ²³ Anak-anak Yakub pahengau Lea hio Ruben anak matueh Yakub, Simeon, Lewi, Yehuda Isakhar, ampun Zebulon. ²⁴ Anak-anak Yakub pahengau Rahel hio Yusuf dan Benyamin. ²⁵ Bilha pahengau pembantu Rahel. Anak-anak Yakub pahengau Bilha : Dan ampun Naftali. ²⁶ Zilpa hio pelayan Lea, anak-anak Yakub pahengau Zilpa hio Gad an Asyer. Here inalah anak-anak Yakubsa lahirta Pada- Aram. ²⁷ Yakub tulak ga amah Ishak ta memre ta Kiryat-Arba, aye hio Hebron. Ta ina Abraham pahengau Ishak muneng. ²⁸ Ishak welum jatuh walupuluh taun. ²⁹ Udi hio, Ishak yamitus hewuk terakhir e pahengau matey. Aye na kumpul pehengau kaluhan leluhur e. Aye nanan ta usia matueh balalu naan welum sa puas. Anak-anak e, Esau pahengau Yakub, ngogang e.