¹ Inalah katurunan Esau, aye lah Edom. ² Esau ngalap harau neke kawan nakia wawei Kanaan. Ayehio Ada anak anak Elon orang Het harau-harau e aye hio Ada, anak Elon ulun Het, Oholibama anak Ana, nakia laki Zibeon ulun Hewi, dan ³ Basmat, anak Ismael, pulak sa nai Nebayot. ⁴ Esau dan Ada naan isa anak laki baaran Elifas. Basmat naan isa anak laki baaran Rehuel. ⁵ Oholibama naan telu anak: Yeush, Yaelam, dan Korah. Ina lah kawan anak Esau sa lahir ta tane Kanaan. ⁶ Kaluarga Yakub dan Esau jari rama tu'u na tampung ta tane Kanaan. Maka, Esau misah arep e teke Yakub, pulak sana'i e, ga uneng sa lawit. Aye nuna harau-harau e, anak-anak e laki-laki dan wawei,kaluhan hamba e lembu dan ternak sa lain, dan kaluhan sesuatu lain e sa na peroleh e ta Kanaan dan pindah ga negeri Seir. Esau ley na ami aran Edom. ⁷ (36:6) ⁸ (36:6) ⁹ Esau ayelah amah ulun Edom. Inalah aran-aran kaluarga Esau sa muneng ta daerah perbukitan Seir: ¹⁰ Anak Esau dan Ada ayelah Elifas. Anak Esau dan Basmat ayelah Rehuel. ¹¹ Elifas naan dimeh anak: Teman, Omar, Zefo, Gaetam, dan Kenas. ¹² Elifas leli naan gundik aran e Timna. Timna dan Elifas naan isa anak laki-laki aran e Amalek. ¹³ Rahuel naan epat nakia laki-laki: Nahat, Zerah, Syama, dan Miza. Hiolah umpu laki-laki Esau neke Basmat harau e. ¹⁴ Harau ka telu Esau ayelah umpu Zibeon, ayehio Oholibama, anak Ana. Anak-anak Esau dan Oholibima ayelah Yeush, Yaelam, Korah. ¹⁵ Inalah kelompok kaluarga sa berasal neke Esau: Nakia sa panga tueh Esau ayelah Elifas. Anak-anak Elifas: Teman, Omar, Zefo, Kenas, ¹⁶ korah, Gaetam, dan Amalek. Kaluhan kaluarga ina berasal neke Ada, harau Esau. ¹⁷ Rehuel, anak Esau, ayelah amah nele kaluarga ina: Nahat, Zera, Syama, dan Miza. Kaluhan kaluarga ina neke Basmat, harau Esau. ¹⁸ Harau Esau ayehio Oholibama, anak Ana, nganak Yeush, Yaelam, dan Korah. Katelu ulun ina ayelah pemimpin neke kaluarga here. ¹⁹ Here kaluhan ayelah anak laki-laki Esau dan pemimpin kelompok kaluarga Edom. ²⁰ Seir, isa ulun Hori, muneng ta Edom se mete Esau hawi. Inalah anak-anak Seir: Lotan, Syobal, Zibeon, Ana, ²¹ Disyon, Ezer, Disyan. Kaluhan nakia ina ayelah ulun Hori pemimpin kaluarga neke Seir ta Edom. ²² Anak laki-laki Lotan ayelah Hori dan Heman. Pulak sa nai wawei Lotan ayelah Timna. ²³ Syobal ayelah amah neke Alwan, Manahat, Ebal, Syefo, dan Oman. ²⁴ Zibeon naan rueh anak laki-laki, Aya dan Ana. Ana ayelah ulun sa kahaba sumber ranu malaing ta padang gurun ganyah aye menggembalakan keledai amah e. ²⁵ Ana ayelah amah Disyon dan Oholibama. ²⁶ Disyon naan epat anak laki-laki. Here ayelah Hemdan, Esyban, Yitran, dan Keran. ²⁷ Ezer naan teu anak laki-laki. Here ayelah Bilhan, Zawaan, dan Akan. ²⁸ Disyan naan rueh anak laki-laki. Here ayelah Us dan Aran. ²⁹ Inalah aran-aran pemimpin kaluarga Hori: Lotan, Syobal, Zibeon, Ana, ³⁰ Disyon, Ezer, dan Disyan. Here ina ayelah pemimpin kaluarga sa muneng ta Negeri Seir. ³¹ Ta masa hio haot naan raja-raja di Negeri Edom. Edom haot naan raja lawit sa mete Israel naan. ³² Bela anak Beor ayelah raja sa memerintah ta Negeri Edom. Aye memerintah entuh Kota Dinhaba. ³³ Ganyah Bela matei, Yobab menjari raja. Yobab ayelah anak Zerah neke Bozra. ³⁴ Ganyah Yobab matei, Husyam berasal neke Negeri Teman. ³⁵ Ganyah Hsyam matei, Hadad memerintah negeri hio. Hadad ayelah anak Bedad. Bedad ayelah ulun sa nyantalau Midian ta Negeri Moab. Hadad berasal neke kota Awit. ³⁶ Ganyah Hadad matei, Samala memerintah negeri hio. Samala berasal neke Masreka. ³⁷ Ganyah Samala matei, Saul memerintah negeri hio. Saul berasal neke Rehobot riet Witu Efrat. ³⁸ Ganyah Saul matei, Baal-Hanan memerintah negeri hio. Baal-Hanan ayelah anak Akhbor. ³⁹ Ganyah Baal-Hanan matei, Hadar memerintah negeri hio. Hadad berasal neke kota Pahu. Aran harau e ayelah Mehetabeel, anak Matred. Mezahab ayelah amah Matred. ⁴⁰ Esau amah kaluarga Edom: Timna, Alwa, Yetet, Oholibama, Ela, Pinon, Kenas, Teman, Mibzar, Magdiel, dan Iram. Satiap kaluarga ina muneng ta daerah sa na ami sameh aran kaluarga here. ⁴¹ (36:40) ⁴² (36:40) ⁴³ (36:40)