¹ Katika Ishak mulai matueh dan mate e jari rabun dan aye koi tapi jelas katena, aye nerau Esau, anak e sa paling matueh, dan ngeyau "Anakku!" Jawab Esau, "Hiih, amah." ² Eyau e, "Rengei nu, wayah ina aku haot matueh dan koi karasa hamian aku matei. ³ Jari, alap lah sanjata nu, tabung panah dan busur nu, dan tulaklah ga padang mat berburu ga aku. ⁴ Bulu, sediakan panguta sa maraoh sa na kagiriku, dan tuna ga ina mat aku nguta e mat aku tau memberkati hanyu samete aku matei." ⁵ Waktu hio Ishak mawara iti ga Esau, anak e, Ribka karengei e. Ulah hio, waktu Esau tulak ga haket lepuh berburu, ⁶ Ribka bapaner ga Yakub, anak e, "Aku karengei amah nu bapaner ga pulak sa nai nu Esau: ⁷ 'Tuna ga aku satua iyuhan nu sadiakan ga aku panguta sa maraoh mat aku tau memberkati hanyu ta muka Allah samete aku matei.' ⁸ Ulah hio, anakku, rengeilah papaneranku mamaeh dan inon sa na panerku ga hanyu. ⁹ Tulaklah ga kawan kambing takam iya sa paling maeh mat dan alaplah rueh kambing jantan iya aku tau nyadia panguta sa maraoh ga amah nu sameh sa na kagiri e. ¹⁰ Udi hio, tuna lah panguta ga amah nu mat aye tau mamberkati hanyu samete aye matei." ¹¹ Namun, Yakub bapaner di ine e, "Tapi, Esau, tataku hio adalah ulun bawulu , sedangkan aku koi bawulu sameh aye. ¹² Kala awe jaka amah negei aku? Aku pasti na anggap jari pangakal dan aye nyanawu kutuk ga aku, bakoi e berkat." ¹³ Akan tetapi, ine e bapaner ga aye, "Akulah sa akan nanggung kutukan hio, anakku. Lakukanlah sa inon ine antuh dan alaplah kambing-kambing hio ga aku." ¹⁴ Maka, tulaklah Yakub dan ngalap rueh kambing jantan lalu ngami e ga ine e. Dan, ine e manyadia panguta sa maraoh hio sa sesuai di nakagiri amah e. ¹⁵ Udi hio, Ribka ngalap pakaian sa paling maeh na Esau, nakia pangatueh e, sa na simoh e ta lewu dan makai e ga anak e sa paling iya. ¹⁶ Aye ley nganak upak kambing ta tangan dan bagian tendru Yakub sa bakoi ba wulu. ¹⁷ Udi hio, aye nyarah ga Yakub, anak e, panguta maraoh dan roti sa hawot na andru e. ¹⁸ Udi hio, Yakub tulak ga amah e dan bapaner "Amah." Amah e nuing "hiih,anak. Hie kah hanyu, anak ku?" ¹⁹ Yakub bapaner ga amah e, "Aku Esau" anak nu sa paling matueh. Aku haot ngagawi inon sa na huyu nu amah wara ga aku. Wayah ina maharung lah dan kutalah hasil buruanku ina mat hanyu tau memberkatiku." ²⁰ Eyau Ishak ga aye anak e, "Kala awe hanyu tau berburu dan munu satua kahinang ina, anakku?" Tuing Yakub, "Ulah TUHAN Allah nu sa ngami keberhasilan." ²¹ Udi hio, Ishak baucap ga Yakub, "Barietlah mat aku tau maraba nu, anakku, mat aku tau karasa inon hanyu bujur-bujur Esau ataua lain." ²² Maka Yakub barite ga Ishak amah e, dan Ishak nginam e lalu bapaner, "lengan e lengan Yakub, tatapi tangan e aye lah tangan Esau." ²³ Ishak koi kataru Yakub ulah tangan Yakub bawulu sameh tangan Esau. jari, Ishak memberkati Yakub. ²⁴ Namun hindra lagi Ishak nane, "Inon kah hanyu bujur-bujur anakku Esau?" jawab Yakub, "Hiih, ina aku." Berkat ga Yakub ²⁵ Udi hio, Ishak ngeyau, "Tuna lah hasil buruan nu pakai na kuta ku mat aku mamberkati hanyu." Yakub nuna panguta hio ga amah e, dan Ishak pun nguta e. Yakub lei nuna anggur ga amah e, dan Ishak pun ngoot e. ²⁶ Udi hio, Ishak, amah e bapaner ga aye, "Gaitilah dan siuklah aku, anakku." ²⁷ Maka, Yakub gin ngarite ga amah e dan nyiuk e. Dan, katika Ishak kaenguh enguh pakaian Esau, aye mamberkati e dan baucap, "Enguh anakku sameh enguh padang sa haot naberkati TUHAN. ²⁸ Kira e Allah ngami ga hanyu amun teke langit, tane sa ponok, pahengau gandum dan anggur bio sa bakalimpahan. ²⁹ Kirae bangsa-bangsa melayani hanyu dan suku-suku bangsa sujud ga hanyu. Jarilah tuan teke pulak sa nai nu, dan kira e anak buah ine nu sujud ga hanyu. Terkutuklah ulun sa mengutuk hanyu dan na berkatilah ulun sa memberkati hanyu." Berakat Esau ³⁰ Japo bo Ishak jari memberkati Yakub dan Yakub japo bo nanan amah e, mudi lah Esau neke perburuan e. ³¹ Aye lei basasiap panguta sa maraoh dan nuna e ga amah e, udi hio ngeyau, "Amah, ina aku anak nu. Melelah dan kuta lah hasil buruan iti mat hanyu memberkati aku." ³² Namun, Ishak nyentane ga aye, "Hie hanyu?" Jawab e, "Aku anak nu, anak sa panga tueh nu, Esau." ³³ Udi hio emah lah Ishak hampe tenga e gageter dan ngeau, "Lalu hie sa memburu satua dan nuna e ga aku? Samete hanyu hawi, aku haot nguta panguta hio dan memberkati e; dan aye mat tatap narime barakat hio." ³⁴ Ganyah Esau karengei pamaneran amah e hio, aye kamiak balengan mehet huang kapaitan atei e dan ngeyau ga amah e, "Berkati aku lei, amah!" ³⁵ Eyau Ishak ga aye, "Pulak sa nai nu haot ngkal aku dan haot ngalap barakat nu." ³⁶ Esau ngeau, "Mula pas aye na ami aran Yakub ulah aye haot ngakal aku rueh kali; aye ngalap hak katueh ku neke tenga ku, dan wayah ina aye ngalap berkat ku!" Udi hio eyau Esau ga amah e, "Bakoilah amah nyimoh barakat lain ga aku?" ³⁷ Jawab Ishak ga Esau, "Aku haot nampajari aye tuan ta entuh nu dan entuh kaluhan anak sahindra e, dan aku pun haot memberkati e pahengau rama gandum dan anggur bio. Ulah hio, inon lagi sa tau na gawi ku ga hanyu anakku?" ³⁸ Eau Esau ga amah e, "Bakoikah amah naan isa barakat lain e? Berkati lei aku, amah!" Udi hio Esau mulai nangis di suara mehet. ³⁹ Bulu Ishak, amah e, ngeyau ga aye, "Rengeilah, uneng muneng nu jari muneng lawit teke tane sa subur ta bumi, dan lawit lei teke amun sa teke surga. ⁴⁰ Hanyu akan welum ulah pisau, dan hanyu mat melayani pulak sa nai nu. Akan tatapi, jaka hanyu babujur-bujur, hanyu mat kaiyuh medak kuk e neke diung nu." Yakub Nanan Negeri hio ⁴¹ Maka, Esau marikang di Yakub ulah barakat sa haot na ami amah here ga ani e. Eyau Esau ga tenga e raeray, "Masa berkabung ulah kapateian amah haot riet; seudi hiolah aku mat munu pulak sa nai ku,Yakub." ⁴² Ganyah Ribka na wara tentang inon sa na antuh Esay, aye pun palus nampinau ulun pakai nerau Yakub, anak bungsu e, dan ngeyau ga aye, "Rengeilah, pulak sa nai nu Esau kakan mahibur arep e mat munu hanyu. ⁴³ Ulah hio, anakku, ulah inon sa na eyau ku ga hanyu: Lempatlah nahinang ga Laban, pulak sa nai laki-lakiku, ta Haran. ⁴⁴ Munenglah di aye salawah papire waktu hampe kasangit pulak sa nai nu ulep. ⁴⁵ Ganyah kasangit pulak sa nai nu haot ulep dan aye koi kaitung lagi inon sa na gawi nu ga aye, aku mat mengutus ulun mat ngaun hanyu waleng. Nelang lei, wah inon aku harus ka jawoh kaon ba rueh huang isa andrau?" ⁴⁶ Udi hio, Ribka ngeyau ga Ishak, "Aku uyuh di welumku ulah ulah wawei-wawei Het ina. Jika Yakub ngalap harau teke antara wawei ta negeri ina, teke wawei-wawei Het sameh ina, koi naan guna e lagi aku welum."