¹ Udi hio, Ishak nerau Yakub, ngeberkati aye, dan menasehati e, "Ada hanyu ngalap harau neke antara kawan nakia wawei kanaan. ² Sasiaplah di tulaklah ga Padan-Aram, ga lewu Betuel, amah neke ine nu. Lupuilah ga aye harau ta aro, aye hio hala neke ulun kewan nakia wawei Laban, pulak sa nai laki ine nu. ³ Kira e Allah sa mahakuasa ngabarkati nu, ngulah nu baanak umpu dan nepet gandakan katurunannu sahingga hanyu jari suatu bangsa sa hante. ⁴ Kira e aye lei ngaberkatinu pahengau berkat sa naami-E ga Abraham, ga hanyu di ga katurunan nu, mat aye jari ampun entu negeri sa na ami Allah ga Abraham, aye hio tane sa awuk ina hanyu muneng sebagai ulun asing." ⁵ Udi hio, Ishak nepah Yakub tulak, dan tulaklah Yakub ga Padan-Aram ga Laban, anak Betuel ulun Aram hio, sa ayelah pulak sa nai laki Ribka, ine Yakub di Esau. ⁶ Esau ngarasa bahwa Ishak haot ngabarkati Yakub dan nuyu e tulak ga Padan-Aram mat kahaba harau ta onoi. Aye gin karasa bahwa waktu hio Ishak ngabarkati Yakub, aye gin menesehati e pahengau ngantuh," Ada hanyu ngalap harau neke antara kawan nakia wawei Kanaan." ⁷ Esau karasa bahwa Yakub menurut ga amah di ine e, dan tulak ga Padan-Aram. ⁸ Pahengau hio, Esau paham bahwa amah e bakoi kakan wawei Kanaan. ⁹ Jari, tulaklah Esau ga Ismael dan ngalap Mahalat jari harau e selain harau-harau sa udi naampun e. Mahalat ayelah nakia Ismael nakia Abaraham, dan ani wawei Nebayot. ¹⁰ Naan pun Yakub nanan Bersyeba dan tulak ga Haran. ¹¹ Udi hio, hampelah Yakub ta sabuah uneng dan bamalem aye ta onoi ulah mateandrau haot terbenam.Yakub ngalap sebongkah watu ta uneng hio sebagai alas ulu e, udi hio mangkading tenga e lu mandre. ¹² Ganyah mandre, nganupilah Yakub. Huang upi e, aye nena naan isa tukat natapindri ta entu bumi sa ujung e hampe ga langit, dan pulau malaikat Allah minau mamai nangkah tukat hio. ¹³ Udi hio, Yakub nena Tuhan mindri ta entu tukat hio di ngeyau, "Aku ti Tuhan, Allah Abraham, datu nini, di Allah Ishak; tane uneng nu mangkading ina mat naami ga hanyu di katurunan nu. ¹⁴ Katurunan nu mat sarama dabu ta bumi, di hanyu mat menyabar ga barat, timur, utara, di selatan. Di ulah nu, kaluhan kaum ta bumi mat na berkati. ¹⁵ Rengeilah, Aku nengau hanyu di mat malindungi hanyu ga awe pun hanyu tulak. Aku mat ngaun hanyu waleng ga tane ina. Aku koi akan nanan hanyu, hampe Aku menggenapi inon sa hawot najanjikan Ku ga hanyu." ¹⁶ Udi hio, Yakub tapa elan neke andre e di ngeyau,"Sabujur e Tuhan naan ta uneng ina tatapi aku bakoi manyadari e!" ¹⁷ Pahengau katurunan, Yakub ngeyau,"Uneng ina sungguh luar biasa.Ina ayelah Lewu Allah kalaerai.Ina ayelah lawang gerbang surga!' ¹⁸ Maka, Yakub mele sunsung kiat, lalu ngalap watu sa najari alas ulu e di nyusun e jari sabuah tugu, Pahengau mencurahkan ilau ta entu watu hio. ¹⁹ Yakub ngeyau uneng hio Betel, meskipun aran unang hio ayelah Lus. ²⁰ Udi hio,Yakub basumpah,eyau e,"Jaka Allah menyertaiku, di ngalindung aku huang panulak ina, dan jaka aye nagami roti mat na kuta dan pama mat napakai, ²¹ Sahingga aku kahaba waleng pahengau selamat ga lewu amah ku, maka Tuhan mat ngajari Allahku. ²² Dan, watu sa telah ku tapindri ina akan jari lewu Allah. Dan, neka sasuatu sa hanyu ami ga aku, akan ku sanwaleng persapuluh e ga-Hanyu."