¹ Huang isa katika, jarilah erang ka'ua bencana kalauan sa haot tajadi pada zaman Abraham. Maka, Ishak tulak ga kota Gerar, ga Abimelekh, raja ulun Filistin. ² TUHAN menampakkan arep ga Ishak dan ngantuh, "Ada tulak ga Mesir. Muneng bo ta tane sa na parintahKu ga hanyu mat hanyu muneng e. ³ Munenglah ga tane iti sebagai pendatang, maka Aku akan sasameh pahengau hanyu dan akan mamberkati hanyu. Aku akan ngami kaluhan negeri iti ga hanyu dan katurunannu, dan Aku nampa genep sumpah sa haot na nyatakanku ga Abraham, amah nu. ⁴ Aku akan ngulah katurunan nu sa rama bintang ta langit, dan Aku akan ngami kaluhan negeri iti ga here. Dan, uma katurunan nu, kaluhan bangsa ta bumi akan na berkati ⁵ Ulah Abraham mentaati dan uma syarat-syarat-Ku, huyuan-huyuan-Ku, ketetapan-Ku, dan ngupa-ngupa-Ku." ⁶ Jari Ishak pun muneng ta Gerar. ⁷ Waktu hio ulun-ulun ta uneng hio nyantane ga Ishak tentang Ribka, eyau e, "Aye pulak sa naiku." Aye takut ngeyau, "Aye harauku," ulah pikir e, "Ulun-ulun ta uneng iti kakan mawunu aku ulah Ribka, ulah aye segah." ⁸ Pada waktu hio, udi Ishak muneng ta aro huang waktu sa lawah, Abimelekh, raja ulun Filistin, nena neke pintu e nena Ishak ganyah bercumbu pahengau ribka, harau e. ⁹ Amun, Abimelekh nerau Ishak dan bapaner, "sabujur e, aye ina harau nu! udi hio, wah inon hanyu ngeyau ga kami bahwa aye yo pulak sa nai nu?" Eyau Ishak ga aye, "aku ngeyau kalahio ulah aku takut ulun munu aku ulah aku kahaba aye." ¹⁰ Eyau Abimelekh, "inon sa na ulah nu ga kami? hal sa ulun neke ulun-ulun kami tau bo mandre pahengau harau nu sehingga hanyu nampahawi kahala ga entu takam." ¹¹ Maka, Abimelekh ngami peringatan ga takam kaluhan, eyau e,"hie lei negei laki-laki ina atau harau e, ulun hio akan na hukum matei!" Ishak Menjadi Sugih ¹² Ishak maalah ta uneng hio dan aye kahaba panen jatuh kali lipat ta tahun sa sameh ulah TUHAN ngaberkati e. ¹³ Ishak jari ulun sa sugih dan tarus batambah sugih sahingga aye jari ulun sa panga sugih. ¹⁴ Aye ampun kawan domba, kawan sapi, dan lei pelayan sa ajoh sehingga ngulah ulun-ulun Filistin iri ga aye ¹⁵ Ulah hio, kaluhan sumur ranu sa nagadi ulah hamba-hamba amah e pada zaman Abraham, amah e hio, na tutup dan na nimbun pahengau tane ulah ulun-ulun Filistin. ¹⁶ Udi hio, Abimelekh ngeyau ga Ishak, "Tulaklah neke negeri kami ulah hanyu haot jari labih gagah neke kami." ¹⁷ Maka, Ishak tulak nanan uneng hio dan berkemah ta lembah Gerar; Aye muneng ta aro. ¹⁸ Udi hio, Ishak ngadi lagi sumur ranu sa dahulu na kadi pada zaman aman e, Abraham, ulah sumur-sumur hio udi hio na timbun tane ulah ulun-ulun Filistin. Dan, Ishak ngami aran sa sameh ga sumur-sumur hio, sameh sa sadi na ami amah e. ¹⁹ Akan tetapi, waktu hio hamba-hamba Ishak ngakadi sumur ta lembah hio, here kahaba mate ranu sa naal;ir ebalimpah-limpah. ²⁰ Akan tetapi, pulau pengembala Gerar palakat pahengau hamba-hamba Ishak dan ngeyau, "Ranu hio aye lah na kami!" Jari, Ishak ngami aran sumur hio Esek ulah ta aro ulun-ulun palakat pahengau aye. ²¹ Udi hio, hamba-hamba Ishak ngadi sumur sa lain, tetapi ulun-ulun hio lei palakat pahengau here ta aro sehingga Ishak ngami aran sumur hio Sitna. ²² Maka, Ishak pindah neke aro dan ngadi sumur sa lain, tetapi ta aro koi naan palakat, jari Ishak ngami aran uneng hio Rehobot ulah aye ngeyau, "Wayah ina TUHAN udi e kahaba uneng ga takam, dan takam akan balepet ganda ta negeri ina." ²³ Neke hio, Ishak tulak ga Bersyeba. ²⁴ Malem hio, TUHAN nyantarang tenga ga aye dan bapaner ga aye, "Akulah Allah Abraham, amah nu. Ada takut ulah aku menyertai nu. Aku akan memberkati nu dan melepetgandakan katurunan nu ulah Abraham, hambaKu." ²⁵ Maka, Ishak ngabangun erang kabuah altar dan nerau aran Allah ta aro dan hamba-hamba e lei ngadi erang kaua sumur. ²⁶ Udi hio, hawilah Abimelekh neke Gerar mat manalu Ishak. Abimelekh hawi sasameh Ahuzat, penasihat e, dan Pikhol, pemimpin anak buah e. ²⁷ Eyau Ishak ga here, "Wa inon hanyu hawi manalu padahal samete e hanyu marikang di aku dan nuyu aku tulak neke negeri nu." ²⁸ Jawab here, "Awuk ina kami nena pahengau jelas bahwa TUHAN naan pahengau hanyu. Jari, kami ngantuh, 'Samaeh e naan perjanjian taantara takam. Antara pihak nu dan kami, elah lah kami nuruk suatu perjanjian pahengau hanyu; ²⁹ bahwa kami bakoi nampahanang nu sameh dahulu kami bakoi negei nu dan bakoi nalakukan inon pun ga hanyu kecuali kamaehan. Bahkan waktu hio nuyu hanyu tulak, kami nuyu hanyu tulak huang damai. Dan, wayah ina TUHAN haot memberkati hanyu." ³⁰ Maka, Ishak nyadia jamuan panguta ga here, dan here kaluhan kuman dan ngoot. ³¹ Andrau ga katuni, kiat-kiat sunsung, tiap ulun nuruk sumpah isa sameh lain. Udi hio, nepah ulun-ulun hio tulak huang damai. ³² Pada andrau hio, hamba-hamba Ishak hawi dan mawara tentang sumur sa udi here kadi. Eyau here, "Kami udi kahaba ranu!" ³³ Jari Ishak ngami aran sumur hio Syeba. Ulah hio lah, kota hio tenek na herau Bersyeba hampe andrau ina. Harau Esau ³⁴ Waktu hio Esau baumur 40 taun, aye pa'adu pahengau Yudit nakia Beeri dan Basmat nakia Elon, karueh e aye lah ulun Het. ³⁵ Paadu e hio ngulah atei Ishak dan Ribka manjadi sedih tu'u