¹ Udi hio, Abraham paadu lagi. Aran harau e sa biyo aye lah Ketura. ² Ketura nganak Zimran, Yoksan, Medan, Midian, Isybak, dan Suah ngabagi Abraham. ³ Yoksan jari amah here Syeba dan Dedan. Dedan jari leluhur Asyur, ulun Letush, dan ulun Leum. ⁴ Anak-anak Midian aye lah Efa, Efer, Hanokh, Abida, dan Eldaa. Here kaluhan aye lah kawan nakia laki Ketura. ⁵ Samete Abraham matei, aye ngami kaluhan sesuatu sa na ampun e ga Ishak. ⁶ Akan tatapi ga nakia-nakia neke gundik-gundik e, Abraham ngami pangamian ga here katika aye masih welum. Udi hio, aye nuyu here tulak nanan Ishak mat ga negeri Timur. ⁷ Inalah masa welum Abraham, aye hio 175 taun. ⁸ Abraham ngaluar hewuk e sa terakhir dan nanan ta usia sa sangat matueh, puas mat umur welum e, udi hio aye nakumpulkan pahengau here laluhur e. ⁹ Udi hio, nakia e, Ishak di Ismael, ngogang aye ga Gua Makhpela sa naan ta alah Efron, nakia Zohar ulun Het, baseberangan pahengau Mamre. ¹⁰ Ta alah sa na widi e neke ulun-ulun Het ina lah Abraham na ogang pahengau harau e, Sara. ¹¹ Udi hio Abraham matei, Allah ngaberkati Ishak, anak laki e; dan Ishak muneng ta Sumur Lahai-Roi. ¹² Itilah daftar katurunan Ismael, nakia sa laki Abraham sa nalahirkan Hagar, hamba Sara sa teke Mesir hio bagi e. ¹³ Dan, itilah aran teke nakia laki Ismael sasuai urutan kelahiran here: Nebayot, anak sa pangatueh Ismael, Kedar, Adbeel, Mibsam, ¹⁴ Misma, Duma, Masa, ¹⁵ Hadat, Tema, Yetur, Nafish, dan Kedma. ¹⁶ hiolah nakia laki Ismael dan hio lah aran-aran here sesuai tumpuk dan perkemahan here masing-masing; rueh walas pemimpin menurut suku-suku here. ¹⁷ Itilah masa welum Ismael, aye hio 137 taun. Udi hio, aye ngaluar nafas tarakir e dan matei, lalu dan na ogang pahengau here leluhur e. ¹⁸ Katurunan e benyem mulai neke Hawila hampe ga Syur, aye hio baseberangan pahengau Mesir neke aran Asyur; ta onoy, here welum huang bamusuhan pahengau pulak sa nai-pulak sa nai here laerai. Kaluarga Ishak ¹⁹ Itilah silsilah Ishak, nakia Abraham; Abraham ayelah amah Ishak, ²⁰ Ishak baumur epat pulu taun katika aye ngalap Ribka; nakia wawei Betuel, ulun Aram neke Padan-Aram, dan pulak sa nai laban, ulun Aram hio jari harau e. ²¹ Ishak badoa ga TUHAN ga harau e ulah harau e hio mandul, dan TUHAN ngarengei doa Ishak sahingga Ribka sawuntung. ²² Akan tatapi, katika Ribka sawuntung, nakia sa naan ta huang wuntung e saling ngabakoi hampe aye badoa ga TUHAN dan bapaner, "Inon sa tajadi di aku?" ²³ Maka, TUHAN bepaner ga aye, "Rueh bangsa naan tahuang rahimmu. Dan, karueh bangsa sa baasal teke nu hio akan napisahkan. Bangsa sa isa akan labih gagah teke sa lain, tapi sa labih matueh akan melayani sa labih iya." ²⁴ Katika hampe waktu e pakai nganak, Ribka gin nganak anak kembar. ²⁵ Bayi sa ka isa warna e kamariang dan upak e sameh pakaian sa bawulu. Jari, aye naami aran Esau. ²⁶ Waktu bayi kararueh lahir, aye negei tumit Esau, jari bayi hio naami aran Yakub. Ishak baumur 60 taun katika Ribka nganak Yakub dan Esau. ²⁷ Waktu kararueh anak hio tumu hante, Esau jari ulun pemburu sa lihai, ulun sa kagiri muneng ta padang. Akan tetapi, Yakub aye lah ulun tenang, sa kagiri muneng ta kemah. ²⁸ Ishak, sa kagiri nguta satwa buruan, mengasihi Esau. Namun, Ribka mengasihi Yakub. ²⁹ Pada isa andrau, katika Yakub ganyah bamasak banda, hawilah Esau dan aye kalauan tu'u. ³⁰ Udi hio, eyau Esau ga Yakub, "Ami lah ga aku sa marariang hio ulah aku kalauan tu'u." Ulah sebab hio, ulun ngulah aran e "Edom." ³¹ Akan tetapi, Yakub ngeyau, "Batanglah dulu hak katuehan nu ga aku." ³² Eyau Esau, "Tena lah, aku ane matei kalauan; inon kah guna e hak katuehan hio ga aku wayah ina?" ³³ Namun Yakub ngeyau, "Basumpahlah dulu ga aku!" Maka Esau basumpah ga aye dan matang hak katuehan e ga Yakub. ³⁴ Udi hio, Yakub ngami roti dan sup kacang hio ga Esau. Esau nguta e dan ngoot, udi hio tulak. Demikianlah Esau meremeh hak katuehan e.